Jessy Mendiola postpartum look hinangaan ng mga netizens! Aktres fresh at parang hindi na-haggard sa panganganak sa panganay nila ng mister na si Luis Manzano.
Mababasa dito ang mga sumusunod:
- Jessy Mendiola postpartum look.
- Birth story ng anak nila Jessy Mendiola at Luis Manzano.
Jessy Mendiola postpartum look
Larawan mula sa Facebook account ni Jessy Mendiola
Usap-usapan ngayon sa social media ang aktres na si Jessy Mendiola dahil sa kaniyang postpartum look. Sa Facebook post ni Jessy na kung saan kuha matapos maipanganak ang panganay nila ng mister na si Luis Manzano ay fresh ito at tila walang bahid ng pagiging haggard.
Sa caption nga ng post ng aktres ay ibinahagi nitong nag-ayos talaga siya at sinadyang magpaganda para sa special na oras na ito sa kaniyang buhay. Pahayag ng aktres, talagang nagpa-full lashes siya at nagpakulot bilang paghahanda sa first family photo nila ni Luis at anak na si Isabelle Rose o Rosie sa palayaw nito.
Ang mga netizens hindi naman napigilang mag-react at mapa-sana all nalang sa postpartum look ni Jessy. Ito ang ilan sa komento nila.
“Dapat ganito ako kaganda pag nanganak .”
“Parang gusto ko tuloy magbuntis!”
“Sana all Diyosa look after giving birth.”
“Wala na ako masabi kundi isang malaking SANA ALL GANITO KAGANDA PAGKATAPOS MANGANAK .”
“Grabii naman ang pretty.. ako nung nanganak mukhang nabinat agad.”
“Sana all magandang nanganak ako kasi parang nakipag giyera sobrang haggard haha .”
“Sana all ganito kaganda after manganak ako kc mukhang bangkay na natagpuan palutanglutang sa ilog after 1week kasi magang-maga.”
Ito ang ilan sa nakakatawang komento ng mga netizens tungkol sa postpartum look ni Jessy Mendiola.
Birth story ng anak nila Jessy Mendiola at Luis Manzano
Samantala, sa YouTube vlog in Jessy ay ibinahagi niya ang naging birth story ni Baby Rosie. Ayon kay Jessy, December 28, 2022 ng maipanganak niya si Baby Rosie sa pamamagitan ng scheduled cesarean section delivery. Ito ay dahil pumulupot sa leeg ng kaniyang baby ant pusod nito na tinatawag na cord coil.
“Scheduled CS ako dahil may two cord coil si Peanut. And sabi ng OB it’s safer at syempre ayaw nating i-risk. At dahil first baby ko medyo mahirap makalusot si Peanut. So kapag pinilit siyang lumusot may tendency na humigpit yung cord coil, so mas mahirapan siyang huminga.”
Ito ang pahayag ni Jessy tungkol sa kaniyang naging panganganak.
Ipinakita rin ni Jessy sa kaniyang vlog ang mga minute bago niya tuluyang ilabas sa mundo si Rosie. Ang host at mister niyang si Luis Manzano ay hindi rin napigilang i-share sa vlog ang nararamdaman niya habang hinihintay ang pagsilang ng panganay niyang anak.
“Wala hindi ka makaka-prepare sa moment na to.”
“This is what we prepared for. This is the start of another journey. Kumbaga dito na papasok ‘yong hardwork bilang magulang. Realign a lot of things sa buhay.”
Ito ang sabi ni Luis na aminadong kinakabahan at nag-aalala ng mga oras na iyon.
Jessy na-CS ng manganak
Dahil sa na-CS at kailangang subaybayan ang kalagayan ni Jessy at kaniyang baby ay ibinahagi niya rin na sa ospital nila sinalubong ang bagong taon. Mula nga raw ng maipanganak ay hindi na mahiwalay si Luis sa kaniyang baby girl. Kuwento pa niya, very emotional ang mister sa pagdating ni Baby Rosie.
“Si Howhow sobrang inlove naiyak siya kagabi. Pero aminin niya na kamukha talaga niya. Inlove na inlove siya feeling ko makakalimutan niya na ako.”
Ito nangingiting sabi ni Jessy tungkol sa kaniyang mag-ama.
Larawan mula sa YouTube vlog ni Jessy Mendiola
Sa pagpapatuloy ng vlog ay ipinakita rin ni Jessy kung gaano ka-close ngayon pa lang ang kaniyang mag-ama. Halos hindi nga raw mababa ng mister na si Luis ang kanilang baby. Siniguro rin nito na nakapag-shave siya lalo na’t maya-maya itong humahalik sa kanilang baby.
Nang makauwi nga sa kanilang bahay ilang araw matapos manganak, siyempre ang unang bisita ni Rosie ay ang batikang aktres na si Vilma Santos. Ang Star for All Seasons makikitang kilig na kilig na makita ang kaniyang apo. Napapalakpak pa nga ito sa sobrang saya na makilala ng personal ang baby girl na talaga nga daw na hiniling niya.
Hindi rin nito siyempre pinalampas na kargahin agad ang apo.
Matatandaang January 7, 2023 ng ibahagi ni Jessy Mendiola na siya ay makapanganak na. At ang kanilang baby ni Luis ay ipinangalanan nilang si Isabella Rose Tawile Manzano.
Noong panahong iyon ay hindi pa ipinakita nila Luis at Jessy ang mukha ng kanilang anak. Hanggang sa mag-isang buwang gulang ito nitong January 28 kung saan hindi na napigilan si Luis at Jessy na ibahagi sa mundo ang beautiful baby girl nilang si Rosie.
Mapapahashtag sana all ka nalang talaga! Congrats Luis at Jessy! And welcome the world baby Rosie!