Anak ni Manny Pacquiao, nagpamalas rin ng galing sa boxing

lead image

Susunod na kaya si Jimuel Pacquiao sa yapak ng kanyang amang si Manny Pacquiao na isang 8-division world boxing champion?

Nagpamalas ng kanyang sariling boxing moves ang panganay na anak ni Pambansang Kamao, Manny Pacquiao, na si Emmanuel Pacquiao Jr. o mas kilala bilang si Jimuel Pacquiao kamakailan sa isang unofficial match kasama ang kaniyang ka-eskuwela na si Lucas Carson.

jimuel pacquiao

Boxing match ni Jimuel Pacquiao

Tila susunod sa yapak ng kanyang ama ang 18-anyos na si Jimuel Pacquiao at suportado naman ito ng kaniyang amang si Manny. Matatandaan na sumasama rin ang mga anak ni Manny Pacquiao sa kaniyang mga training noon kaya hindi kataka-taka na maging inspirasyon siya ng kanyang mga anak.

Bago ang nasabing match laban sa kaniyang ka-eskwelang si Lucas Carson ay dumaan din si Jimuel sa basic training.

Habang nagwa-warm-up ay kausap niya ang kaniyang ama sa isang video call sa pamamagitan ng Facetime at nagbigay pa ng kaunting advice ang People's Champ sa kaniyang anak.

jimuel pacquiao

Bagaman 2 rounds lamang ang laban ay hindi nag-atubili ang batang Pacquiao na subukang pabagsakin ang kaniyang kalaban. Gaya ng kaniyang ama, naging agresibo si Jimuel sa unang round pa lamang ng boxing match.

Bago matapos ang round 1 ay napaluhod ni Jimuel Pacquiao si Lucas at tinawag itong knock down ng referee. Natapos ang 2 round at hinirang na panalo sa match si Jimuel.

Suporta ni Manny Pacquiao sa kaniyang anak

Sinabi ni Manny sa isang panayam noon na suportado niya ang pagbo-boxing ng kaniyang anak at wala umano siyang balak na pigilan ito. Hindi man naroroon si Pacquiao sa boxing match ng kaniyang anak ay pinanood naman niya ang naging performance nito sa pamamagitan rin ng Facetime.

Matapos ang laban, binati nito ang kanyang anak at sinabing proud na proud siya rito.

Sinabi naman ni Jimuel Pacquiao sa isang maiksing panayam matapos ng laban na nahirapan siya sa kaniyang kalaban na si Lucas.

"It was good. I just ran out of gas... Oh Lucas is tough," sabi ni Jimuel.

Pinuri naman siya ng kaniyang katunggali at sinabing ginawa niya ang kaniyang makakaya upang magkaroon ng magandang laban.

"Emmanuel did really good, right? I was definitely knocked so many times. It hurt a lot but I wanted to keep going and have a good match in the end," sabi ni Lucas Carson.

 

Narito ang video mula sa Facebook page ng isang promoter:

www.facebook.com/1989454297970434/videos/245933506326524/

Source: Inquirer, GMA News Online, Joven Sports Promotions, ABS-CBN

Images: Screenshots from Joven Sports Promotions' video

BASAHIN: WATCH: Jinkee Pacquiao proves she has moves in the boxing ring too!

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner