Ika-28 ng Pebrero nga ngayong taon na-engage ang GMA-7 actress na si Joyce Ching sa kaniyang non-showbiz boyfriend na si Kevin Alimon.
Ibinahagi nga ni Joyce sa kaniyang Instagram account ang magandang balita sa kaniyang mga masusugid na tagahanga.
Sambit ni Joyce, “So, this happened three days ago 💍💕”
Nag-post din ang fiancé ni Joyce na si Kevin sa kaniyang Instagram patungkol sa pagka-engaged nilang dalawa.
Aniya naman sa kaniyang post, “I love you, fiancée! 😊”
Matapos ang isang linggo, nag-post muli si Kevin sa kaniyang Instagram account at kinuwento niyang hindi pa rin siya makapaniwala sa sinagot ni Joyce Ching na “of course.”
Kuwento niya sa kaniyang caption, “It’s been a week since we got engaged and I still can’t believe that she said, “of course!” 😏😂”
Shopping para sa pre-nup shoot ni Joyce Ching at Kevin Alimon
Nito nga lamang ika-12 ng Oktubre nag-post si Joyce Ching sa kaniyang vlog patungkol sa ginawa nilang shopping ng kaniyang fiancé na si Kevin Alimon para sa kanilang pre-nup shoot.
Ani Joyce, “Instead of getting a stylist, we decided to just shop for ourselves. Bahala na sa prenup! Haha!”
Nai-share rin ni Joyce na ang gusto lamang nila ay una: fresh lang na tipong mga white at denim o white at khaki, pangalawa: sweater lang, pajamas, o “pambahay-ish” look lang, pangatlo: tropical lux na kung saan medyo boho di-umano pero medyo luxurious looking, at pang-apat: pang-roadtrip na casual lang, mala-laidback di-umano.
Panoorin ang buong vlog ng mag-fiancée dito.
Cool at relaxed pre-nup shoot
Kahapon nga shinare na ng Nice Print ang mga litrato sa naganap na pre-nup shoot nila Joyce Ching at fiancé nitong si Kevin Alimon.
Inilarawan nga ng Nice Print ang nangyaring pre-nup shoot na “cool and relaxed.”
I-shinare nga rin ni Joyce sa kaniyang Instagram account ang pasilip sa kanilang pre-nup shoot at binati ang fiancée ng, “Happy Halloween future husband! 💩”
Sa naturang litrato na ito, ideya ni Joyce na ilapat ang kanilang love letter sa isa’t-isa sa litrato.
Nag-post din ng pasilip sa kanilang pre-nup ang fiancée na si Kevin sa kaniyang Instagram at binati si Joyce ng, “Happy 2 years to us! 🥳”
Ito pa ang ilang mga litrato sa nangyaring pre-nup shoot nila Joyce at Kevin.
Source: Nice Print Photography
Basahin: Civil wedding: Step-by-step guide kung paano ikasal sa huwes