Civil wedding: Step-by-step guide kung paano ikasal sa huwes

Civil wedding: Step-by-step guide kung paano ikasal sa huwes

Alamin ang civil wedding requirements in the Philippines at ang mga kakailanganin sa paghahanda para sa pagpapakasal sa huwes.

Sa panahon ngayon, marami na ang mas pinipili na hindi magkaroon ng malaking kasal. Ito ay para mas makatipid para sa magiging bagong buhay na mag-asawa. Dahil dito, dumarami na ang nagtatanong kung paano magpakasal sa huwes. Alamin natin ang civil wedding requirements in the Philippines.

Civil wedding requirements in the Philippines

Step 1: Kumpletuhin ang requirements

Marriage license requirements

Sa pagfill-up ng marriage license, may ilang mga dokumento ang kailangan. Ang mga ito at aabutin na halaga ay:

  • Birth certificate - P140-P365
  • Affidavit of Parental Advice (kung ang isa sa mga ikakasal ay nasa 21 hanggang 24 taong gulang)
  • Affidavit of Parental Consent (kung ang isa sa mga ikakasal ay nasa 18 hanggang 20 taong gulang)
  • Certificate of no marriage (CENOMAR) - P195-P430
  • Certificate of attendance sa mga marriage counseling, family planning at responsible parenthood seminars
  • Community tax certificate (cedula)
  • Baranggay Clearance
  • 1x1 Photo
  • 2 Valid IDs
  • Others:
    • Death certificate ng dating asawa para sa mga biyudo/biyuda
    • Divorce o annulment papers para sa mga hiwalay sa asawa
    • Legal capacity to marry mula sa embassy kung foreigner
    • Photocopy ng passport kung foreigner

Step 2: I-submit ang mga requirements

Ang marriage certificate ay makukuha sa local civil registrat (LCR). Mahalaga na ang mga ikakasal ang personal na magtungo at magfill-up nito. Matapos fill-upan ay ipasa ito kasabay ng mga requirements.

Magtungo sa cashier o treasury department para magbayad ng mga fees. Kadalasan ay masmataas ang kailangang bayaran kung sa foreigner ikakasal.

Karaniwan ay mabilis lamang ang pagrelease ng marriage certificate. Maaaring abutin ito ng 10 working days. Pagkakuha nito ay maaari nang ikasal kahit saan sa bansa sa loob ng 4 na buwan.

Step 3: Wedding ceremony

Tulad ng naisaad sa step 2, maaaring ang mga ikakasal mismo ang pumili kung saan sila ikakasal. Ganunpaman, marami parin ang pinipiling magpakasal sa Mayor's office o courtrooms sa munisipyo o city hall.

Matapos ma-release ang marriage certificate, maaaring magpa-assign sa LCR ng magkakasal. Maaari rin kumuha ng pastor o minister para pamunuhan ang pagpapakasal. Ngunit, may kaakibat itong karagdagan na bayad.

Saan man gaganapin ang kasal o sino man ang magkakasal, kailangan ng 2 witness na maaaring pumirma sa marriage certificate. Makakabuti rin kung mayroong dalawang pares ng ninong/ninang. Para maging mas meaningful, makakabuting dumalo ang mga magulang ng ikakasal, mga kapatid, at mga pinakamalalapit na kaibigan. Hindi kailangan maging marami ang bisita, ang mahalaga ay ito ang mga importanteng tao sa inyong pagsasama.

Step 4: Reception

Maaaring isagawa ang reception ng pagpapakasal sa restaurants. Sa ganitong paraan, mayroong set meals ang maaaring i-avail.

Maaari rin piliin na kumuha ng venue kung saan gaganapin ang kasal at reception. May ilan na kumukuha ng events place o kaya naman garden para sa pagsasalo. Tandaan lamang na masmalaki ang nagiging gastos sa ganito lalo na kung kukuha pa ng catering services.

Source: OFW Community, Filipiknow

Basahin: 10 pamahiin ng mga Pilipino tungkol sa kasal

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Kung ano mang opinyon o ideya ang naibahagi dito ay sariling opinyon at ideya ng may katha; at walang kinalaman at hindi nagsasaad ng posiyon ng theAsianparent at ang mga cliente nito.
Article Stories
app info
get app banner