CENOMAR: Steps para makakuha ng Certificate of No Marriage Record

CENOMAR: Steps para makakuha ng Certificate of No Marriage Record

Ang CENOMAR ay requirement para sa marriage license at ng ilang trabaho na kailangan ay single ang aplikante. Alamin kung paano kumuha ng CENOMAR.

Para sa mga nagnanais magpakasal, mapapansin na isa sa mga requirements ng marriage certificate ang CENOMAR. Ngunit, ano nga ba at para saan ito? Higit sa lahat, paano kumuha ng CENOMAR at magkano ang aabutin dito?

Ano ang CENOMAR?

Ang ibig sabihin ng CENOMAR ay Certificate of No Marriage. Ito ay ang certificate na nagpapatunay na ang isang taong nais magpakasal ay hindi pa dating nakasal. Ito ay ibinibigay ng Philippine Statistics Authority (PSA). Maaari rin itong tawagin na Certificate of Singleness.

Kailangan ang CENOMAR upang mapatunayan na ang isang taong nais magpakasal ay hindi pa nakakasal dati. Ito ang tumatayong patunay na ang nais magpakasal ay single pa. Ito ay requirement sa pagkuha ng marriage license, sa huwes o sa simbahan man gaganapin ang kasal. Bukod dito, may ilan ding mga trabaho ang nanghihingi nito kung saan mahalaga na single ang aplikante.

Ayon sa batas, matatawag na single ang isang tao kapag siya ay hindi pa kinakasal kahit kanino. Sa mga kaso na ang isang tao ay divorced sa asawa, siya ay matatawag na unmarried. Ngunit, sa kaso naman na annulled ang pagsasama, maaaring matawag na single.

Paano kumuha ng CENOMAR?

Maaaring kumuha ng CENOMAR ay may iba't ibang options. Maaari itong gawin nang walk-in o online.

Walk-in (P195 per copy)

Maaaring magpunta sa pinakamalapit na PSA Serbilis Center. Mag click dito para makita ang pinaka malapit na PSA Serbilis Center sa inyong lugar. Sa ganitong paraan, maaaring makuha sa parehong araw ang inyong CENOMAR sa mas murang halaga. Subalit, kakailanganin tiisin ang pagpila at pagpunta sa mga branch. Kakailanganin lamang ng valid government ID at na-fillupan na request form para dito.

Online (P430 per copy)

Tulad ng iba pang serbisyo ng gobyerno, ang CENOMAR ay maaari narin i-request online. Dahil dito, hindi na kakailanganin ang magpunta sa mga PSA Serbilis Center at pumila. Subalit, mas mahal ang aabutin sa pagkuha nito dahil sa kaakibat na delivery fee. Bukod dito ay ilang araw din ang aabutin para makuha ang CENOMAR. Ito ang dahilan kaya iminumungkahi na i-request ito isang lingo bago ang pagkuha ng marriage license.

Ang mga sumusunod ang kakailanganing detalye oara sa pagkuha ng CENOMAR online:

  • Buong panggalan ng aplikante
  • Buong panggalan ng tatay at nanay ng aplikante
  • Petsa ng kapanganakan ng aplikante
  • Lugar ng kapanganakan ng aplikante
  • Buong panggalan at address ng nagre-request
  • Kung ilang kopya ang kailangan
  • Kung ano ang paggagamitan ng CENOMAR

Maaaring magpunta sa website ng PSA Serbilis para sa online na pagkuha ng CENOMAR.

Source: PSA

Basahin: Civil wedding: Step-by-step guide kung paano ikasal sa huwes

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner