Masayang ipinagdiwang nina Richard Gutierrez at Sarah Lahbati ang first birthday ng bunsong anak na si Kai Gutierrez nitong Linggo, ika-16 ng Hunyo, Father's Day.
Ocean-themed 1st b-day party
Sa Instagram post ni Sarah nitong Linggo ng binati niya ng "Happy Father's Day" si Richard, ang sumunod na post nito ay mistulang hint sa kung ano nga ba ang magiging theme ng birthday party ng kanilang bunsong si Kai.
Ani Sarah, "Sunday, funday. Excited to celebrate Kai’s (belated) birthday party later. Can you guess what the theme is?"
Sa post ni Sarah, ipinakita nito na nagre-relax sila ng kanyang pamilya sa may beach.
Ginanap ang selebrasyon ng first birthday ni Kai Gutierrez sa Whitespace Manila sa Makati at ang theme nga ng party ay mistulang may kinalaman sa naging Instagram post ni Sarah prior ng party—ang ocean-themed party ni Kai ay dinaluhan ng pamilya nila Sarah at Chard, at iba pa nilang mga malalapit na kaibigan sa loob at labas ng showbiz.
Star-studded party
Ang mga ilang malalapit kina Sarah at Richard sa showbiz ay dumalo sa first birthday ng kanilang bunsong si Kai.
Ilan sa mga ito ay sina Dingdong Dantes kasama ang panganay na si Zia at Mariel Rodriguez na kasama naman si Isabella.
Present din sina James Yap, Gerald Anderson, Bea Alonzo, Ricky Davao, Coleen Garcia, Janine Gutierrez, Maggie Wilson, at marami pang iba.
Siyempre hindi rin nawala ang mga ilan sa kanilang kapamilya tuald na nga lamang nina Ruffa Gutierrez kasama ang anak na si Lorin, Raymond Gutierrez, Eddie Gutierrez, Annabelle Rama, at siyempre ang panganay nila Sarah at Chard na si Zion.
Pinasalamatan nga rin ni Sarah si Annabelle Rama sa pag-organize di-umano ng first birthday ni Kai, sa kung saan pinasalamatan din niya lahat ng naging parte ng party, magmula sa organizer at suppliers.
Aniya sa kaniyang post, "Award for best party organizer goes to @annabelleramaig!"
Photos: Nice Print Photography
Basahin: Sarah Lahbati and Richard Gutierrez throw a simple first birthday party for son, Kai