Isang bagong pag-aaral ang isinagawa sa University of New Brunswick ang sumuri sa mga grado ng mga estudyante. Napag-alaman dito na masmaganda ang performance ng mga babae kumpara sa mga lalaki. Alamin natin ang kanilang mga natuklasan sa kaibahan sa ugali ng babae at lalaki.
Bagong pag-aaral tungkol sa kaibahan sa ugali ng babae at lalaki
Ang bagong pag-aaral ay pinangunahan ng mga propesor na sila Daniel at Susan Voyer. Kanilang sinuri ang nasa 369 na pag-aaral mula sa 1 milyon na mga estudyante sa 30 iba’t ibang bansa.
Kanilang napag-alaman na ang mga kababaihan ay masmataas ang mga grado sa paaralan. Ito ay akma sa datos ng Pew Research Center. Sinasabi nito na nuong 1994, 63% ng mga babae na nagtapos ng high school ay pumapasok ng kolehiyo. Nasa 61% naman ng mga lalaki ang nagtutuloy sa kolehiyo. Nuong 2012 naman, 71% na sa mga babae ang nagkolehiyo habang 61% parin ang sa mga lalaki.
Kahit kindergarten pa lamang
Ayon kay Claire Cameron ng Center for the Advanced Study of Teaching and Learning sa University of Virginia, kapag maganda ang naging performance sa kindergarten, mas sumusunod ang bata sa paaralan. Makikita na ang mga ito ay nagtataas ng kamay, nagbibigay ng buong atensyon, at mas nakakasunod sa mga alituntunin. Ang mga kakayahang ito pagdating sa pagkontrol sa sarili ay mahalaga sa pagiging successful sa buhay.
Kasama ang ilan pang katao, pinaglahok nila Cameron ang ilang daang mga 5 at 6 na taong gulang na bata sa isang pagsusuri. Ang mga bata ay pinaglaro ng pinagsamang bersyon ng Simon Says at Head, Shoulders, Knees & Toes. Sila ay sinuri sa kanilang kakayahang tumuon, sumunod sa directions, gawain sa paaralan at pagiging organisado.
Nakumpirma nila Cameron na ang mga kababaihan ay mas lamang kumpara sa mga lalake. Kanilang natutunan na nasa halos isang taon ang pagitan ng kakayahan ng mga bata. Ang mga babae ay mas may kakayahan na sa self regulation habang ang mga lalaki ay natututo pa lamang.
Nagtutuloy sa grade school
Pagdating sa gradeschool, pangkabuohan na self-discipline ang kailangan ng mga bata. Sa pag-aaral nila Martin Seligman at Angela Lee Duckworth ng University of Pennsylvania, lamang ang mga babae sa lalaki pagdating sa self-discipline. Mas binabasa muna ng mga babae ang instructions bago magsimula sa isang test. Sila rin ay mas nakikinig sa mga guro imbes na mag-daydream. Mas pinipili rin nilang gumawa ng assignments bago manood ng TV kahit pa sila ay naiinip dito. Kanila ring sinisimulan nang masmaaga at masmatagal na paggawa ng assignments kumpara sa mga lalaki.
Assignments vs exams
Subalit, napag-alaman din ng mga pag-aaral na ang mga lalaki ay mas maganda ang mga performance pagdating sa exams. Kanila kasing nakikita na ang mga lalaki ay mas na-eexcite pagdating sa exams. Dahil dito, mas ginaganahan silang maghanda para dito kumpara sa assignments kung saan sila ay naiinip at humahanap ng maaaring gamitin na distraction.
Source: The Atlantic
Basahin: 7 na pagbabago na nangyayari kay mister kapag siya’y nagkapamilya na
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
TAP Picks
Community
Rewards
