Kobe Bryant death kasama ang anak niyang si Gianna ikinabigla at ikinalungkot ng mga fans at malalapit na kaibigan niya.
Image from LA Times
Kobe Bryant death
Malungkot at naghihinagpis ngayon ang mundo ng basketball sa pagkawala ng NBA superstar na si Kobe Bryant. Si Kobe ay naiulat na nasawi sa edad na 41 sa isang helicopter crash sa California kasama ang kanyang 13-anyos na anak na si Gianna nitong Linggo, January 26, 2020.
Ayon sa mga reports, papunta umano ang mag-ama sa Mamba Academy sa Newbury Park, California nang nag-crash ang kanilang sinasakyang helicopter sa hillside ng Calabasas, Los Angeles. Maliban kay Kobe at kanyang anak ay may pito pang sakay ang nag-crash na helicopter. Kabilang dito ang piloto ng helicopter na hindi rin nakaligtas sa nangyaring aksidente.
Pahayag ng Los Angeles Country Fire Chief na si Daryl Osby, bandang 9:31 AM nitong Linggo nang makatanggap sila ng tawag tungkol sa aksidente. Nagdulot daw ito ng sunog sa hillside ng Calabasas. Kaya naman para makapunta sa lugar ay kinailangan pang mag-hike ng mga bumbero bitbit ang kanilang medical equipment at hose lines para apulahin ang sunog. Agad din namang dumating ang mga medical staff na sakay ng isa ring helicopter. Ngunit wala na silang naabutang survivor sa crash site.
Kobe Bryant death: Reaksyon ng mga kaibigan at iba pang prominenteng tao sa mundo
Ang pagkamatay ni Kobe ay nagdulot naman ng labis na pagkalungkot hindi lang sa mundo ng basketball kung hindi pati na rin sa iba’t-iba pang larangan. Sinabayan din ito ng panghihinayang sa pagkawala ng kanyang anak na si Gianna na sa mura nitong edad ay nagpapakita rin ng galing sa basketball.
There’s no words to express the pain Im going through with this tragedy of loosing my neice Gigi & my brother @kobebryant I love u and u will be missed. My condolences goes out to the Bryant family and the families of the other passengers on board. IM SICK RIGHT NOW pic.twitter.com/pigHywq3c1
— SHAQ (@SHAQ) January 26, 2020
Kobe was a legend on the court and just getting started in what would have been just as meaningful a second act. To lose Gianna is even more heartbreaking to us as parents. Michelle and I send love and prayers to Vanessa and the entire Bryant family on an unthinkable day. — Barack Obama (@BarackObama) January 26, 2020
My heart is in pieces hearing the news of this unimaginable tragedy. I can’t fathom what the families are going through. Kobe meant so much to me and to us all. Sending my prayers, love, and endless condolences to Vanessa and the family and anyone who lost someone on that flight. — Taylor Swift (@taylorswift13) January 26, 2020
Sa pagkasawi ni Kobe ay naulila nito ang asawang si Vanessa Bryant pati ang kanila pang 3 anak na babae. Ngunit sa kabila nito ay nag-iwan naman si Kobe ng legasiyang pasasalamatan at hindi makakalimutan ng mundo.
Image from Larry Brown Sports
Kobe Bryant legacy
Si Kobe Bryant ay isang five-time NBA champion na kung saan ang entire basketball career niya ay idine-dedicate niya sa paglalaro para sa Los Angeles Lakers basketball team. Siya ay itinanghal ding two-time NBA finals MVP, two-time scoring champion at one-time league MVP noong 2008. Nakasama din siya sa NBA All Defensive team ng labingdalawang beses. At nag-uwi ng gold medals sa Olympics noong 2008 at 2012.
Pang-apat din si Kobe sa may pinakamaraming puntos na nagawa sa buong NBA career scoring list. Siya ay nakagawa ng 33,634 points sa loob ng 1,346 games na nalaro niya.
Para sa mga nakakilala kay Kobe, siya ay isang manlalaro na may kahanga-hangang work ethic. At hindi matatawaran ang pagmamahal nito sa larong basketball.
Granity Studios
Patunay nito ang pagtatayo niya ng Granity Studios. Isa itong media company na nag-fofocus sa pagkikwento ng lahat ng tungkol sa isports. Sa pamamagitan ng Granity Studios ay nakapagpasulat at napakag-narrate si Kobe ng isang six-minute film na pinamagatang “Dear Basketball”. Ito ay nakilala at nabigyan ng parangal bilang Best Animated Short Film sa Academy Awards noong 2018.
Maliban dito ay nag-release din ng mga libro si Kobe Bryant tungkol sa kanyang buhay at paglalaro na pinamagatang “The Mamba Mentality: How I Play.”
I created @Granity Studios as a way of teaching valuable life lessons to the next generation. Our stories represent a competitive mindset about being the best at what you do. The principles built within #EPOCA inspire, motivate, and encourage those who are looking to harness pic.twitter.com/5cZocqcEc2
— Kobe Bryant (@kobebryant) November 10, 2019
Mamba Sports Academy
Nitong 2017 ay binuo ng basketbolista ang Mamba League, isang youth basketball league na nagbibigay ng free access sa sports na basketball para sa mga kabataan. Kinalaunan ito ay naging Mamba Sports Academy na nagbibigay ng mas malawak na athletic at lifestyle training sa mga kabataan hindi lang sa basketball kung hindi pati na rin sa iba pang uri ng sports.
Check out these dedicated #MambaLeague players and winners of the #Wizenard book report challenge from @bgclaharbor! Your futures are as big as you can dream. It just takes consistency, determination, and perseverance. I look forward to watching what you can do! #MambaMentality pic.twitter.com/WCXcR7JpYl
— Kobe Bryant (@kobebryant) May 30, 2019
SOURCES: ABS-CBN News, New York Times, LA Times, CBS Sports, CNN Edition
BASAHIN: 7 ways sports can help your child achieve future success, Kobe Bryant and wife Vanessa are expecting their third child!, 8 Times Kobe Bryant was the MVP of parenting