Kristine Hermosa at Oyo Sotto ipinagdiwang ang kanilang 11th wedding anniversary.
Mababasa sa artikulong ito:
- Kristine Hermosa at Oyo Sotto nagdiwang ng kanilang 11th wedding anniversary.
- Mensahe ni Kristine para sa mister na si Oyo.
Kristine Hermosa at Oyo Sotto nagdiwang ng kanilang 11th wedding anniversary
Image from Instagram
Nitong Miyerkules, January 12 ay nagdiwang ng kanilang 11th wedding anniversary sina Kristine Hermosa at Oyo Sotto. Ang araw na ito ay birthday rin ni Oyo. Kaya naman sa kaniyang Instagram account ay may sweet na mensahe si Kristine para sa mister.
Sa bungad ng kaniyang mensahe ay nagpasalamat si Kristine sa mister at sa lahat ng ginagawa nitong pagtitiis at paghihirap para sa kanilang pamilya.
“Today may be a little extraordinary birthday for you but thank you for enduring with me.. Mas lalo kang gumagwapo ‘pag kasama kitang nagtitiis at nahihirapan.. joke!”
Ito ang pabirong sabi ni Kristine na agad niya namang binawi ng matamis na happy birthday at pagsasabi ng “I love you” kay Oyo.
“But on a cheesy note, you are the best thing. Ang sarap mong kasama sa buhay, Hun. I love you so much!!! Happy birthday!!”
Ito ang sabi pa ni Kristine. Sa kaniyang pahabol na mensahe ay pinuri pa ni Kristine ang kagwapuhan ng kaniyang asawa. At kung paano niya hindi akalain na sila ang magkakatuluyan at tatagal ang pagsasama.
“P.S sorry wala akong makuhang solo photo mo, either may kasamang bata, aso or stolen shot kaya malabo (random times where I find you so attractive). Nevertheless, gwapo ka sa lahat. Happy 11th my By!! Sino ba namang magaakala, iba talaga ang plano ni Lord! The best!”
Samantala, sa kaniyang Instagram account ay ang magandang litrato naman ng kaniyang misis na si Kristine ang ipinost ni Oyo. Ang caption ay ito.
“11th I<3U @khsotto Thank you Father God for keeping us together…”
Maraming netizens ang kinilig sa birthsary post na ito ng mag-asawa. Ilan na nga sa mga ito ay ang mga celebrities na malapit sa kanila.
kathermosa
Ang sweet!!! Ako lang ba? O Nakakaiyak talaga yung message? HAPPY B TO YOU Oyo and HAPPY A TO YOU BOTH!!! I love you.
Ang mensahe na ito ay mula sa kapatid ni Kristine na si Kath Hermosa.
“Ang simpley ng caption Pero nanonoot,. Happy birthday po.”
“Special man yan or extra ordinary, still blessed birthday sa ama ng tahanan ninyo, more of God’s wisdom, protection and strength.”
“Happy birthday @osotto and happy anniversary to you both @khsotto ! Parang kailan lang ang napakagandang beach wedding! God is truly faithful.”
Ito naman ang reaksyon ng ilang netizens sa anniversary post nina Kristine at Oyo para sa isa’t-isa.
BASAHIN:
LOOK: Kristine Hermosa gives birth to fifth child, a baby boy
Kristine Hermosa defends husband Oyo Boy Sotto from online bashing
Oyo Sotto and Kristine Hermosa’s kids all help with household chores
Love story ni Kristine Hermosa at Oyo Boy Sotto
Image from Nelwin Uy Photography
Sa isang panayam ay ikinuwento ni Oyo at Kristine kung paano ang naging pagsisimula ng pag-iibigan nila. Ito umano ay nagsimula sa pagiging magkaibigan nila.
Sila ay nagkakilala sa isang church group na kung saan sila ay naging mag-bestfriend rin katagalan. Noong una, hindi umano napapansin ni Kristine si Oyo sapagkat mayroon pa siya noong ibang karelasyon.
Hindi rin pumasok sa isip niya na magiging asawa niya ito. Pero may kakaiba umano siyang nararamdaman noon na kahit siya hindi niya maintindihan.
“Nag-pray ako God sabi ko Lord why I am feeling this way. Hindi ko naman siya nakikita as my future husband pero bakit hindi ko siya kaya na mawala.”
Ito umano ang tanong ni Kristine noon.
Habang si Oyo naman na kaibigan niya lang noon ay may lihim na palang pagmamahal na nararamdaman kay Kristine. Biglaan kahit wala silang relasyon bilang mag-boyfriend at girlfriend, si Oyo nag-propose ng kasal kay Kristine.
Ito ay naganap sa birthday ni Kristine na kung saan biglaan ang lahat ng nangyari. Bagama’t siniguro ni Oyo na may singsing siyang hinanda para kay Kristine.
“Bahala na si God. Basta ito ‘yong nararamdaman ko mag-proprose na lang ako. Kung himindi, hindi para sa akin, kung um-oo edi good.”
Ito raw ang nasabi ni Oyo noong mga oras na mag-propose na siya kay Kristine. Sa harap ng kanilang church mates ay doon hiningi ni Oyo ang kamay ni Kristine para kaniyang maging asawa.
“Pinag-pray ko siya. Ini-honor ko siya. Pagkaluhod ko sabi ko sa kaniya, will you marry me? Nandoon na ‘yong singsing. Biglang tumakbo ang tagal iniwan kami. Bumalik siya putlang-putla si Kristine sabi niya “Yes, yes na nga. Oo na nga.”
Ito ang kuwento pa ni Oyo. At noon ngang January 12, 2011 sila ay ikinasal at naging ganap na mag-asawa. Sila ngayon ay may lima ng anak na sina Kiel, Ondrea, Kaleb, Vin at Vittorio Isaac.