Kylie Padilla’s wish for her birthday: “Nanay na talaga ako. I just want gifts for them.”

Kylie Padilla, ito ang wish sa nalalapit niyang birthday.

Mababasa sa artikulong ito:

• Birthday wish ni Kylie Padilla.
• Kylie Padilla as a mom.

Birthday wish ni Kylie Padilla

Image from Instagram

Ngayong darating na January 25 ay magdiriwang ng kaarawan ang aktres at ngayon ay single mom na si Kylie Padilla. Sa kaniyang Instagram account ay ibinahagi ng aktres ang wish niya sanang matanggap na regalo ngayong birthday niya. Pero ito ay hindi para sa kaniyang sarili kung hindi para sa mga anak niyang sina Alas at Axl.

“Lapit na bday. Wish ko? Maging healthy ang pamilya ko lalo na mga anak ko. And for gifts? There is this climbing frame playground thing I want for my boys.”

Ito ang pahayag ng aktres sa kaniyang Instagram account. Pagpapatuloy niya ay nakakatawa man kung iisipin, aminadong nanay na talaga siya.

Ito ay dahil laging ang mga anak niya nalang ang inuuna at naiisip niya. Dahil ayon kay Kylie sila ang pinakamagandang regalong ibinigay sa kaniya.

“LOL nanay na talaga ako. I just want gifts for them. Hihihi they are the bestest gifts ever given to me.”

Ito ang sabi pa ni Kylie sa kaniyang Instagram post.

 

View this post on Instagram

  A post shared by kylie (@kylienicolepadilla)

Reaksyon ng mga netizens

Samantala, marami namang naka-relate kay Kylie sa post niyang ito. Karamihan nga rito ay mga mommy na aminadong kaysa sa sarili ay laging mas nauuna ang kapakanan at kaligayahan ng anak nila. Kalakip ng pagsang-ayon nila kay Kylie ay kanilang pagbati sa nalalapit na kaarawan nito.

“Ganyan talaga ang Nanay, uunahin na ang anak kesa sa sarili. Pero syempre, ‘di pa rin masamang isipin ang sarili paminsan-minsan. Advance happy birthday, Kylie!”

“Advance Happy Birthday, wish you more strength, and good health. Ganyan din po ako mas priorty ko needs ng mga anak ko mas gusto ko mas matutupad gusto nila, ganyan tayo mga Ina sobra genuine ng love natin sa mga bata.”

“Wow advance happy birthday mommy Kylie . Ganyan din ako gusto ko para sa anak ko na lang ang ibibili ko para sa birthday ko kasi mas iniisip ko ang gusto nila kesa sa gusto ko. Ganyan talaga ang isang ina uunahin ang lahat para sa anak . Salute to all moms .”

Ito ang reaksyon ng ilang netizens sa birthday wish ni Kylie.

BASAHIN:

Aljur Abrenica to Kylie Padilla: “Tell them who cheated first. Tell them who wrecked our family.”

Kylie Padilla inamin na “nahirapan” si Aljur sa kaniyang PPD at anxiety — “Parang kaaway ang tingin ko sa lahat”

Robin Padilla kinumpirma ang paghihiwalay ni Aljur at Kylie, sinabing may “third party”

Kylie Padilla as a mom

Image from Instagram

Maraming beses ng pinatunayan ni Kylie Padilla ang walang katumbas niyang pagmamahal para sa mga anak na sina Alas at Axl. Ayon nga sa isa niyang IG post ay sinabi niyang ang pagiging ina ng mga ito ang pinaka-the best na bagay na nagawa niya.

Ito nga umano ay nagdulot ng malaking pagbabago sa buhay niya. Nangunguna na nga rito ay ang pagbabago ng kaniyang priorities sa buhay na kung saan ang number one lagi ay mga anak niya.

“I was a workaholic before becoming mama! And naturally, I still am even if I am mama! One thing that has changed is that my kids naturally must come first! So even if I do put so much focus on my work I want them to always know mama is around for them.”

Ito ang sabi ni Kylie Padilla. Dagdag niya pa kahit minsan ay nakakainis talaga ang kakulitan ng mga anak niya, masaya pa rin siyang maging ina ng mga ito. Hindi rin siya magsasawang laging unahin ang best para sa mga anak niya anuman man ang mangyari.

“Even if it sometimes drives me mad lol I want my kids around. I want to be super mom that can do everything all the time.

Most of the time though that cannot be the case! One thing is for sure choosing motherhood will always be my first instinct as a mom.”

Image from Instagram

Sa kanilang naging paghihiwalay ng mister na si Aljur Abrenica, bago ang sarili ay mga anak niya parin ang naisip niya. Pero mas maayos na raw ang lahat sa pagitan nila ni Aljur ngayon na alam niyang mas makakabuti para sa mga anak niya.

“Ang mahirap lang talaga doon sa nangyari sa amin ay ‘yong never ko nang mai-enjoy ‘yong pinapanood ko silang naglalaro.”

“Favorite ko ‘yong nakikita ‘yong mga anak ko na naglalaro kasama ang tatay nila.”

“Mas maganda ‘yong nangyari ngayon kasi hindi na kami toxic. Mahapdi sa aking puso na hindi ko na yun makikita, mai-enjoy in that way na buo kami. Mas happy na ako ngayon.”

Ito ang sabi ni Kylie sa naging pag-uusap nila ng amang si Robin Padilla.

Source:

Instagram