Lovely Abella hindi biro ang pinagdadaanang postpartum experience. Bagong panganak na si Lovely agad na sumailalim sa surgery dahil sa impeksyon.
Mababasa dito ang sumusunod:
- Lovely Abella nakaranas ng impeksyon at sumailalim sa surgery ilang araw matapos manganak.
- Si Lovely Abella nilalabanan rin sa ngayon ang postpartum depression.
Lovely Abella nakaranas ng impeksyon at sumailalim sa surgery ilang araw matapos manganak
Ilang araw lang matapos manganak ay sumailalim sa surgery ang celebrity mom na si Lovely Abella. Kuwento ni Lovely sa kaniyang Instagram account, ito ay dahil nakaranas siya ng impeksyon na hindi niya alam kung saan niya nakuha at paano nangyari.
“After 4 days nagkaroon ako ng infection at need ko isurgery ulit mas malala pa nung nanganak ako ng normal, kung tatanungin niyo ako paano nangyari, saan nanggaling, bakit nagkaroon ako ang sagot ko lang po ay walang may gusto na mangyari ang lahat ng to.”
Ito ang bahagi ng post ni Lovely ni Instagram tungkol sa nangyari.
Pero maliban sa sakit na naranasan, mas naging mahirap daw para kay Lovely ang agad na mawalay sa bagong silang niyang anak. Lalo na ang hindi makapagbigay dito ng kaniyang breastmilk sapagkat siya ay under medication sa ngayon. Kaya naman laking pasalamat niya sa mga breastfeeding mommies na nag-dodonate ng gatas para sa kaniyang anak.
Larawan mula sa Facebook account ni Lovely Abella-Manalo
Si Lovely Abella nilalabanan rin sa ngayon ang postpartum depression
Pagbabahagi pa ni Lovely sa pinakabago niyang IG post, ngayon ay nakalabas na siya ng ospital. Nakasama niya narin sa wakas ang kaniyang baby na si Liam Emmanuel. Bagamat pagbabahagi pa niya, habang nasa ospital ay nakaranas siya ng postpartum depression at hanggang ngayon ay patuloy paring nilalabanan ito. Pero laking pasalamat niya na kasama niya na ngayon ang kaniyang pamilya. Mas may lakas na siya at magpapatuloy sa pagpapagaling.
“Nakauwi na po ako, after 3 days pumayag ang mga Doctors ko dahil nagkaka post partum depression na ata ako, dahil pag patay ang ilaw sa hospital naninikip ang dibdib ko at bigla akong umiiyak ng malakas. Nagpapagaling na lang po ako. Lalo na ngayon kasama ko na ang Pamilya ko lalo na mga Anak ko.”
Ito ang sabi pa ni Lovely.
Larawan mula sa Facebook account ni Lovely Abella-Manalo
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
