Magulang, tumangay ng lost and found bag sa harap ng anak nila

Magulang, tumangay ng lost and found bag sa harap ng anak nila

Narito kung bakit dapat ka laging magpakita ng mabuting asal at gawa sa harap ng iyong anak.

Mabuting ehemplo sa mga bata, bakit mahalaga itong gawin ng mga magulang?

pagiging mabuting ehemplo sa mga bata

Image screenshot from Ho Siew Thong Facebook post

Pagiging role model sa iyong anak

Isang ama at ina ang kitang-kita sa CCTV na itinago sa loob ng kanilang dalang backpack ang bag na naiwan sa isang palaruan sa Marina Square, Singapore. Ang dalawa ginawa ito sa harap mismo ng kanilang anak.

Ito ang laman ng viral Facebook post ng netizen na si Ho Siew Thong.

Ayon parin sa post ni Ho ay naiwan ng kaniyang anak ang bag nito sa loob ng isang palaruan sa Marina Square. Binalikan nila ito ngunit ito ay wala na. Kaya naman lumapit na sila sa security department ng establisyemento para tingnan kung saan huling nakita ang nawawalang bag. Sa CCTV ay doon nila nakita kung paano tinago at tinangay ang nawawalang bag ng kaniyang anak ng isang mag-asawa sa harap mismo ng kasama nilang bata.

Laman ng bag ang ay ilang personal items ng kaniyang anak. Pati ang concession card nito at cellphone na tanging paraan para ma-kontak niya ang kaniyang pamilya.

Sinubukan niyang tawagan ang numero ng cellphone ng kaniyang anak ngunit ito ay paulit-ulit na pinapatay ng may hawak nito. Kaya umapela si Ho ng tulong sa mga netizen na i-share ang kaniyang post. Upang maibalik ang bag ng kaniyang anak at ang mga laman nito.

Hindi naman nag-atubili ang mga netizens na tulungan si Ho. Habang ang iba ay nag-iwan ng kanilang komento tungkol sa pagiging masamang ehemplo ng mga magulang na nagtago at tumangay ng bag sa harap mismo ng anak nila.

pagiging mabuting ehemplo sa mga bata

Image screenshot from Ho Siew Thong Facebook post

Tatlong araw matapos ang insidente ay nagbigay ng update si Ho na ang bag ng kaniyang anak ay naibalik na. Ito ay sa pamamagitan ng tulong ng mga pulis at sa “find lost phone function” ng cellphone sa loob ng bag na nagbigay sa kanila ng impormasyon kung saan ito matatagpuan.

Bakit mahalagang maging mabuting ehemplo sa mga bata ang mga magulang

Bagamat walang detalyeng inilagay si Ho sa kaniyang post tungkol sa dahilan kung bakit ginawa ng mag-asawa na itago at tangayin ang bag ng kaniyang anak, ay mali parin ito lalo na’t nakita ng kasama nilang bata ang kanilang ginawa.

Ayon sa Harvard psychologist na si Richard Weissbourd, ang pagiging mabuting ehemplo sa mga bata ang isa sa mga paraan upang maturuan ng mga magulang ng good character at values ang kanilang anak.

Dahil ang mga bata ay nabubuhay sa mundong ito sa pamamagitan ng pag-oobserve at panggagaya sa mga nakikita niyang ginagawa ng mga matatanda sa paligid niya. Ito ay nagiging malaking impluwensiya sa kanilang kilos at salita na maaring madala nila hanggang sa kanilang pagtanda.

Ang pinakamalaking impluwensiya nga sa kilos, values at character ng isang bata ay ang kanilang mga magulang. Dahil sila ang una at lagi niyang nakakasama sa loob ng isang tahanan.

Kaya naman mahalaga na dapat laging maging mabuting role model ang mga magulang sa kanilang anak. Kailangang laging isaisip na dapat ay laging maging mabuting ehemplo sa mga bata. Dahil sila ay laging nakatingin at binabase ang kanilang kilos at pakikitungo sa kanilang kapwa sa kanilang nakikita. Turuan sila ng magandang gawi at asal sa pamamagitan ng pagiging mabuting halimbawa sa kanila.

Bilang paalala ay tandaan ang quote na ito mula sa isang magulang at manunulat na si Leo Babauta.

pagiging mabuting ehemplo sa mga bata

Image from Pinterest

 

Source: Washington Post, AsiaOne

Basahin: 10 karaniwang pagkakamali na nagagawa ng mga magulang

 

 

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner