2-anyos, patay matapos mabaril ng kuya ng pellet gun
Narito ang mga mapanganib na laruan pambata na hindi mo na muna dapat ipalaro sa iyong anak.
Mapanganib na laruan pambata, bakit dapat malaman at hindi ibigay ng mga magulang sa kanila? Narito ang isang magandang halimbawa.
Mapanganib na laruan pambata
Isang 2-anyos na batang lalaki mula sa San Diego, California ang patay matapos mabaril ng pellet gun ng kaniyang nakakatandang kapatid na lalaki ng hindi sinasadya.
Ang bala ng pellet gun tumama sa left frontal lobe ng biktima. Ito ang rehiyon ng utak na responsable sa pagkokontrol ng mga language-related movement sa katawan. Dahil sa nangyari ay nagtamo ng traumatic brain injury ang bata na naging sanhi ng kaniyang pagkasawi.
Image from DailyMail UK
Bilang aral sa nangyari, naglabas ng warning ang mga doktor na tumingin at sinubukang iligtas ang buhay ng kaawa-awang bata. Pagbababala nila mga pellet gun at iba pang mapanganib na laruan na pambata dapat iwasan ng palaruan sa kanila.
Iba pang mapanganib na laruan pambata
Samantala, maliban sa pellet gun ay may iba pang mapanganib na laruan pambata. Ito ay ang sumusunod:
Mga laruan na may maliliit na parte tulad ng beads
Ang mga ito ay mapanganib sapagkat ito ay maari nilang isubo at maging dahilan ng choking. O kaya naman bumara sa kanilang lalamunan na maaring magpahirap sa kanilang huminga at mauwi sa kanilang pagkasawi.
Magnets
Bagamat nakaka-amaze para sa mga bata ang nagagawa ng magnet, mapanganib naman ito para sa kanila. Dahil isa itong choking hazard na maaring magdulot ng intestinal perforation o blockage kung kanilang malulunok.
Hoverboards
AMAZON: $94.99 Felimoda Hoverboard, w/Bluetooth Speaker for Kid and Adult + SHIPPING https://t.co/Y12rYmTbS0 pic.twitter.com/oHADBkBLMt
— DealinginDeals (@dealingindeals) December 5, 2019
Kahit na very cool ang laruang ito para sa mga bata, may dalang panganib ito sa kanila. Sapagkat ang battery-powered na laruan na ito ay maaring umapoy kung mapapabayang naka-charge ng matagal.
Darts
Ang dart ay mapanganib dahil sa patulis na dulo nito. Ito ay maaring tumama sa mata ng mga bata na maaring mauwi sa pagkabulag kung magkakamali ng paggamit.
Duyan na gawa sa net
Ang duyan ang isa mga laruan ng mga bata na ginagamit rin upang sila ay patulugin. Ngunit mapanganib na laruan pambata ito kung walang adult na susubaybay sa tuwing ito ay kanilang ginagamit. Dahil kung ang bata ay magkamali at ma-out of balance ay maaring pumulupot sa leeg niya ang duyan. O kaya naman ay magdulot ng pagkapilay kung siya ay mahuhulog mula rito.
Toy guns
Ang mga toys guns lalo na ang mga may bala tulad ng pellet gun ay lubhang mapanganib para sa mga bata. Dahil sa hindi pa naman nila alam ang peligro na dulot nito, sa hindi nila sinasadyang pagkakataon ay maaring makasakit sila ng ibang tao. Dagdag pa ang posibilidad na isubo at malunok nila ang maliliit na bala nito at pag-ugatan ng choking.
Slingshots o Tirador
Image from China Daily
Tulad ng toy guns ang mga tirador din ay hindi angkop na laruan para sa mga bata. Dahil ito ay maaring makasakit sa iba o sa kanilang sarili kapag hindi nagamit ng tama.
Trampolines
Ang paglalaro sa trampoline ng mga bata ay lubhang mapanganib din. Dahil ang pagkahulog mula rito ay maaring magdulot ng bali sa buto, sugat, paralysis o kaya ay pagkasawi.
Maliliit na bola o holen
Ang mga babies at toddlers ay mahilig isubo ang kanilang mga nahahawakan. Kaya naman ang mga maliliit na bola o holen ay hindi dapat ibigay sa kanila Dahil ito ay maaring magduot ng choking o asphyxiation na madalas na nauuwi sa pagkasawi kung hindi maagapan.
Balloons
Bagamat madalas itong nakikita sa mga children’s party, hindi naman ito advisable na palaruan sa mga bata. Dahil ang aksidente nilang pagkaka-inhale sa hangin mula sa lobo habang sinusubukang hipan ito ay maaring magdulot ng suffocation na maari nilang ikasawi.
Laruan na may maliliit na batteries
Image from Choice
Ang mga laruan na may coin-cell batteries o yung pinapagana ng maliliit na pabilog na battery ay mapanganib na laruan pambata. Dahil maari nilang isubo ito na magdudulot parin ng choking. Kung sakaling may laruan ang iyong anak na coin-cell battery operated siguraduhing maayos na naka-screw ang lagayan nito na hindi niya kayang buksan o pakialaman.
Fidget spinners
Ang mga maliliit na parte ng fidget spinners ay choking hazard rin para sa mga bata. Lalo na ang mga umiilaw na operated ng mga coin-cell battery. Ang battery na ito kapag naisubo ng isang bata ay maaring magdulot ng pagkabasag ng ipin at iba pang oral damages.
Ilan lamang iyan sa mga mapanganib na laruan pambata. Hangga’t maari ay huwag na munang palaruan ito sa maliliit na bata upang masiguro ang kaligtasan nila at ng iba pa.
Source: Goodhousekeeping, DailyMail UK
Photo: Freepik
Basahin: 5 Unusual choking hazards parents need to know about
