Super close pa rin si Urvashi Rautela kay Marian Rivera matapos magbiro ang Indian actress tungkol sa posibilidad na magkaroon ng ikatlong baby ni Marian.
Mababasa sa artikulong ito ang mga sumusunod:
- Biro ni Urvashi Rautela kay Marian Rivera
- Friendship nina Urvashi at Marian
- Paano napaibig ni Dingdong Dantes si Marian Rivera?
Biro ni Urvashi Rautela kay Marian Rivera
Tuloy pa rin ang matibay na friendship nina Urvashi Rautela at Marian Rivera!
Ito’y matapos mapa-react si Urvashi sa post ni Marian sa Instagram. Pinakita ni Marian ang kanilang routine na interactive bedtime story ng kanilang anak ni Dingdong Dantes na si Sixto.
“Ending our day with an interactive bedtime story. Goodnight and sweet dreams everyone!”
Sa parehong post ay napa-comment naman si Urvashi, at humirit ng ikatlong baby kina Marian at Dingdong.
Kinilig naman ang mga netizen sa nasabing comment ni Urvashi. Kanila ring hiniling na magdilang-anghel ito at magkaroon na nga ng bagong baby sina Marian Rivera at Dingdong Dantes.
Heto ang ilang comment ng mga netizen sa hirit ni Urvashi kay Marian:
“yessss, I hope so queen Urvashi!!”
“Yes please @marianrivera”
Noong 2021 ay naitanong na si Marian Rivera ng media kung handa ba siyang magkaroon ng pangatlong baby. Ayon kay Marian, bukas sila ni Dingdong na muling madagdagan ng tsikiting ang kanilang famiy.
Magpapasalamat din siya sa Panginoon sakaling biyayaan muli sila ni Dingdong ng isa pang supling. Ngunit aniya, thankful na siya sa dalawa nilang anak.
“Kung bibigyan ulit, thank you na binigyan ulit ng pagkakataon pero kung dalawa lang talaga, sobrang thank you na diyan sa dalawang anak ko na ‘yan.”
Bukod sa kanyang work ay busy rin si Marian sa pag-aalaga ng kanilang anak ni Dingdong na sina Sixto at bunso nilang si Zia.
Larawan mula sa Instagram account ni Marian Rivera
Friendship nina Urvashi at Marian
Unang nagkita sina Marian Rivera at Urvashi Rautela nang magtungo ang Kapuso actress sa Eliat, Israel.
Kabilang si Marian sa mga naging hurado para sa 70th edition ng Miss Universe. Nakasama niya sa panel of judges ang India actress, na isa ring beauty queen.
Si Urvashi ay kinoronahan bilang Miss Universe India noong 2015, at kilala ring celebrity sa Bollywood.
Ayon kay Marian, si Urvashi raw ang unang kumausap sa kanya noong sila ay magkasama sa Israel. Natuwa rin si Marian dahil hindi nito akalain na alam ni Urvashi ang kanyang kantang ‘Sabay-Sabay Tayo’.
Mismong si Urvashi pa raw ang nagpaturo sa kanya ng dance steps para sa nasabing kanta. Nag-viral ito sa social media at kinagiliwan ng mga netizen.
Bukod sa kanilang nakakatuwang pagsayaw sa Miss Universe, bumilib din daw si Urvashi sa asawa ni Marian na si Dingdong. Nakita kasi ni Urvashi kung paano naging maalaga si Dingdong sa kanyang misis habang nasa Israel.
Ito’y matapos magsilbing tila ‘water boy’ si Dingdong para kay Marian habang busy ito sa pagiging judge sa beauty pageant. Sinabi ni Urvashi na swerte si Marian sa kanyang mister dahil sobrang mahal na mahal siya nito.
Hanggang ngayon ay nagkakausap pa sa social media sina Urvashi at Marian. Nagpatuloy ang kanilang pagkakaibigan sa kabila ng distansya nila sa isa’t isa.
BASAHIN:
LOOK! Korean stars Hyun Bin at Son Ye Jin bumiyaheng USA para sa honeymoon
Larawan mula sa Instagram account ni Marian Rivera
Paano napaibig ni Dingdong Dantes si Marian Rivera?
Sa interview ni Celeste Tuviera kay Marian Rivera, kinuwento ng celebrity ang naging simula ng pag-iibigan nila ni Dingdong. Matatandaan na dati silang nagkasama sa GMA-7 series na Dyesebel.
Ayon kay Marian, isa sa mga unang paramdam sa kanya ni Dingdong ay noong makakita siya sa table ng isang pouch na Hello Kitty.
Noong time na ‘yon ay nahuhumaling si Marian sa Hello Kitty at sa chocolate. Nang buksan niya ang pouch ay nakita niya na punong puno nga ito ng tsokolate.
Nagtanong siya sa set kung kanino ang naturang pouch, at noong walang sumagot ay kinain na niya ang mga chocolate na laman nito.
“Yon pala bigay niya (Dingdong). Eh maldita ako, kunwari hindi ko siya pinapansin. Sa kanya pala ‘yon.”
Nagsimulang mag-iba ang tingin niya kay Dingdong at ikunsidera itong mabuting tao noong siya’y maaksidente sa set.
Ayon kay Marian, habang siya’y nasa dagat bilang sirena ay bigla siyang inalon nang malakas. Kahit magaling siyang lumangoy ay nahirapan siya dahil sa nakalagay na weights sa kanyang costume na buntot ng sirena.
Nang malaman ni Dingdong ang nangyari ay nagalit daw ang aktor at kaagad na tumalon sa dagat para maisalba si Marian.
Kwento ni Marian, mataas ang boses ni Dingdong sa mga crew dahil sa aksidente. Pero kapag siya ang kinakausap ay malumanay at kalmado ang aktor.
“Doon ko nakita na mabuting tao siya. Hindi dahil siguro gusto niya ko, pero ayaw niyang may nasasaktang ibang tao.”
Nagsimula na ring manligaw si Dingdong sa kanya, napansin ito ni Marian sa mga actions ng aktor.