Nitong ika-27 ng Hulyo, Sabado nagkaroon ng baby shower para sa Baby Surprise nila Mariel Padilla at Robin Padilla. Ginawa ang naturang baby shower sa Raffles Makati kung saan nagkaroon ito ng isang napaka-cute na dinosaur-themed na shower party.
Baby shower
Pinangunahan ang istilo ng baby shower ni Mariel Padilla ng kaniyang kapatid na si Kaye Termulo-Garcia. Ginawang dinosaur-themed ang shower party dahil bago pa nila nalaman ang gender ng kanilang anak ni Robin, binase na ni Mariel ang magiging shower party nito sa mga paboritong pastel color ng anak niyang si Maria Isabella.
Kasamang inorganisa ni Mariel sa baby shower ang Party Starters PH ng Madison Events, Inc at ang The Garden Wedding Co. naman ang nag-provide ng set-up dito.
Mayroon ding mga iba’t-ibang aktibidad ang isinet-up para sa mga batang dadalo, tulad na nga lamang ang crafts area ng Color Play Happy, ang dinosaur sandbox ng Smart Play, ang play area ng Ada’s Wonderland, at ang dinosaur painting ng Learning on the Gogh.
View this post on Instagram
View this post on Instagram
View this post on Instagram
Maria Gabriela
Isa sa pinaka-highlight sa naturang baby shower ni-reveal din ng mag-asawang Mariel Padilla at Robin Padilla ang magiging pangalan ng pangalawa nilang baby girl na blessing na dumating sa kanila ngayon.
Noong una nga ay nagkaroon pa ng guessing game ang mga celebrity guests ng mag-asawa patungkol sa magiging pangalan ng kanilang pangalawang baby girl. Mayroon ding nanghula na magkakaroon din ito ng Maria sa simula ng kaniyang pangalan tulad ng ate niyang si Maria Isabella.
At nang i-reveal na nga ang pangalan ni Baby Surprise o baby number 2 nila Mariel at Robin, tumpak nga na may Maria ito sa kaniyang pangalan.
Papangalanan si Baby Surprise na Maria Gabriela.
Ayon kay Mariel, napili nila ang pangalan na Maria dahil may Maria din ang kaniyang pangalan at ang pangalan ng kaniyang panganay na si Isabella. Napili naman ni Robin ang Gabriela dahil mula ang kaniyang pamilya sa angkan ni Gabriela Silang.
View this post on Instagram
Celebrity guests
Mga ilang celebrity guests na dumalo sa baby shower nila Mariel Padilla at Robin Padilla ay ang ilang malalapit sa kanilang dalawa.
Tulad na nga lamang ng ilang It’s Showtime co-hosts ni Mariel—Amy Perez, Jhong Hilario, Ryan Bang, Karylle, Vice Ganda, Vhong Navarro, Jugs Jugueta. Kasama rin sa It’s Showtime family na dumalo ay sina Zsa Zsa Padilla, Dawn Chang, Chie Filomeno, at Sammie Rimando.
Dumalo rin ang ilang pamilya ni Robin Padilla na ang kapatid na si Rommel Padilla, anak na si Queenie Padilla at asawa nito, at syempre si Mama Eva ni Robin.
Nakipagdiwang din sa baby shower sina Vina Morales, Shalani Soledad-Romulo, Valerie Concepcion, Karla Estrada, Bayani Agbayani, asawa ni Karylle na si Yael Yuzon, LJ Moreno at anak nito, Sarah Lahbati at anak na si Zion, Bela Padilla, at Direk Joyce Bernal.
Panoorin ang ilang mga highlights ng baby shower ni Baby Surprise sa YouTube Channel ni Mariel Padilla.
Source: Mariel Padilla
Photos: Nice Print Photography
Basahin: Mariel Padilla, buntis sa pangalawang anak
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Rewards
