Masaya ang celebrity couple na si Mark Herras at Nicole Donesa dahil sa wakas ay may US dual citizenship na ang anak nilang si Corky.
Mababasa dito ang sumusunod:
- Pagkakaroon ng dual citizenship ng anak nina Mark Herras at Nicole Donesa na si Corky
- Update sa buhay at relasyon ni Mark Herras at Nicole Donesa
Pagkakaroon ng dual citizenship ng anak nina Mark Herras at Nicole Donesa na si Corky
Sa Instagram ay masayang ibinalita ng beauty queen turned actress na si Nicole Donesa na tulad niya ay may dual citizenship na ang anak niyang si Corky. Si Corky ay isang taon pa lang. Kaya naman walang mapaglagyan ang ligaya ng celebrity couple dahil agad na naaprubahan ang passport application ng anak para sa dual citizenship nito.
“Guess who got their Blue Passport? @corkynumber1. Thank you God, for making Corky’s Dual Citizenship successful. 🇺🇸🇵🇭”
Ito ang caption ng post ni Nicole na may kasamang picture nila ni Mark at Corky.
View this post on Instagram
Si Nicole ay isang Filipino-American citizen. Dahil siya ay ipinanganak at lumaki sa United States.
Sa kaniya namang Instagram stories ay ibinahagi ni Nicole ang naging takbo ng interview ni Corky para sa kaniyang dual citizenship. Base kay Nicole, tulog sa buong interview ang anak niyang si Corky. Ang ebidensiya ang picture nito na sa kaniyang stroller na mahimbing ang tulog.
“He slept during the whole interview with the Consul.”
Ito ang sabi ni Nicole sa kaniyang IG stories na may kasunod na mga funny emojis.
Larawan mula sa Instagram account ni Nicole Donesa
Update sa buhay at relasyon ni Mark Herras at Nicole Donesa
Maliban sa magandang balitang ito para sa kanilang pamilya, nitong nakaraang buwan ay nag-share din si Mark at Nicole na sinisimulan ng gawin ang dream house nila. Ang update na ito sa kanilang pagsasama bilang mag-asawa ay ibinahagi ni Nicole sa kaniya paring Instagram account.
“Hard Work & Dedication. Officially the start of #CasaCorky. We have a long journey up ahead, but at least we are finally one step closer to our dream. Thank you God, for the guidance and blessings. This is all for our Corkyboy.”
Ito ang caption ng post ni Nicole sa kaniyang IG post na kung saan makikita sila ni Mark na tumutulong sa paggiba ng pader ng sinisimulang dream house nila.
Ang mga celebrity friends ni Mark at Nicole binati sila sa pagsisimula ng bagong milestone na ito sa kanilang buhay mag-asawa.
BASAHIN:
Bea Alonzo gusto ng prenuptial agreement kapag siya ay ikinasal
Mark Herras on gay parents: “I’ve never been ashamed of them”
Angeline Quinto nilalabanan antok para alagaan si Sylvio: “Kinukurot ko na ‘yong sarili ko para magising.”
Love story ni Mark at Nicole
Nagsimula ang pagkakaroon ng relasyon ni Mark at Nicole noong magkasama sila sa isang drama series sa GMA. Agosto noong taong 2019 ng kinumpirma nila na sila nga ay mag-boyfriend at girlfriend na. Ito ay matapos magbahagi si Nicole ng mga larawan nila ni Mark na magkasama sa kaniyang Instagram account.
Ang caption nito ay “Na Bihag”. Ang “Bihag” ang programang pinagsamahan nila sa GMA kung saan nagsimula ang kanilang relasyon.
Matapos ang halos isang taon ay sumunod namang inanunsyo ng dalawa na sila ay engaged na. Ang announcement ay ginawa ni Mark Herras sa Instagram account niya.
“Ang mahalin ka at makasama ka habang buhay. I love you itchybear #toinfinityandbeyond.”
Ito ang mensahe ni Mark kay Nicole kalakip ang larawan ng kanilang engagement ring.
Sa sumunod na buwan ay may bagong announcement na ibinahagi muli si Mark at Nicole sa kanilang relasyon. Ito ay pagbubuntis ni Nicole sa kanilang anak na 5 months na noon.
At noong ngang January 31, 2021 ay ipinanganak ni Nicole ang kanilang baby boy. Ito ay pinangalanan nilang Mark Fernando na ang palayaw ay ‘Corky’.
Sa pagdaan ng panahon ay makikitang masaya si Mark at Nicole sa buhay may pamilya kasama ang anak nilang si Corky. Sa naging 1st birthday nga ng anak nilang si Corky ngayong taon ay ibinahagi ni Mark ang pagpapasalamat niya na dumating ito sa buhay nila ni Nicole.
Si Mark, wala man ng mag-celebrate ng birthday ang anak dahil nasa lock-in taping at nagtatrabaho, ang sakripisyo niya naman daw na ito ay para rin sa mag-ina niya.
“Happy 1st birthday anak!! Sorry wala si Daddy, nasa work pero alam mo naman na para sa inyo ni Mammeeh to. Syempre nagpapasalamat ako sa Panginoon dahil dumating ka sa’min ni itchy! We love you so much Corky, wala na kameng pwedeng hilingin pa.”
Ito ang pagbati ni Mark sa anak na si Corky sa naging 1st birthday celebration nito.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
