Angeline Quinto pinabinyagan na ang anak na si Baby Sylvio. Matapos ang dalawang buwan ng makapanganak, Angeline nagbahagi rin ng mga favorite moments niya bilang isang ina.
Mababasa dito ang mga sumusunod:
- Binyag ni Baby Sylvio
- Favorite bonding moments ni Angeline Quinto kasama si Baby Sylvio
Binyag ni Baby Sylvio
Ganap na isang Kristiyano na ang 2-month-old baby ng singer na si Angeline Quinto na si Baby Sylvio. Dahil sa kaniyang Instagram account ay nag-share si Angeline ng mga larawan sa ginanap na binyag nito. Ginamit niya rin itong pagkakataon para pasalamatan ang mga taong naging bahagi ng espesyal na moment na ito sa para sa kanilang pamilya.
“Thank you to everyone who made Baby Sylvio’s Christening possible! We appreciate all of our guests that celebrated with us, you have all been wonderful and made Baby Sylvio’s celebration extra special.”
Ito ang caption ng IG post ni Angeline kalakip ang mga larawan sa naganap na binyag ni Baby Sylvio.
View this post on Instagram
Sa mga larawang ibinahagi ng singer makikita na present sa binyag at tumayong godparents’ ng anak ang ilang celebrities. Tulad nalang ng kapwa singer niyang sina Yeng Constantino at Erik Santos.
Ninong at ninang rin ni Baby Sylvio sina Dr. Hayden Kho at Vicki Belo. Naroon rin ang aktor na si Richard Yap, ang komedyanteng si K Brosas at syempre ang tinatawag na ‘Ate’ ni Angeline na si Vice Ganda.
BASAHIN:
LOOK: Andi Eigenmann nag-celebrate ng 32nd birthday sa Indonesia kasama buong pamilya
Angeline Quinto ikinuha na ng passport si Sylvio: “Ready na maging jetsetter ang baby love ko!”
LOOK: Dimples Romana isinilang na si Baby Elio!
Favorite bonding moments ni Angeline Quinto kasama si Baby Sylvio
Samantala, sa isang panayam sa kaniya ng kilalang host na si Bianca Gonzales ay ibinahagi ni Angeline ang favorite moments niya sa pagiging isang ina.
Ayon kay Angeline, gustong-gusto niya na tinititigan ang anak na si Sylvio lalo na sa tuwing natutulog ito. Minsan nga raw ay hindi niya napapansin na isang oras na siyang nakatitig sa anak. Ito rin daw ang moment na nagsisink-in sa kaniya na isa na talaga siyang ina.
“Everytime na tinitingan ko siya lalo na ‘yong first night namin ng matulog dito sa bahay talagang dun ko naisip na ‘oo nga nanay na talaga ako’. Kasi ito na ‘yong umpisa ng puyat ko. Nag-uumpisa na ‘yong gigising ka ng madaling-araw para magpalit ng diaper, magpadede.”
Ito ang kuwento ni Angeline sa naturang panayam.
Kahit nga daw nakakapagod talaga ang maging isang ina, hindi ito iniinda ni Angeline lalo na sa tuwing nakikitang mahimbing ang tulog ng anak at pangingiti pa.
“Kahit ang tagal-tagal kong pinatahan si Sylvio, kapag nakita ko siyang tulog na ang sarap parin sa pakiramdam. Hindi mo na nararamdaman ‘yong pagod.”
“Lalo na nung wala pa siyang one one month hirap na hirap ako talaga mag-adjust lalo na sa oras. Pero nung nakita ko siya pag tulog na nag-iismile mag-isa kinikilig ako. Sabi ko ang pogi naman ng batang ‘to, hindi ako makapaniwalang galing sa akin.”
Kaya kahit anong pagod at antok sa gabi tinitiis daw ni Angeline na manatiling gising para maalagaan ang anak. Sabi pa niya, ito daw ang mga moments na nararamadan niyang nandyan lang at nakabantay ang Mama Bob niya sa kanila. Ito daw ay laging bumubulong sa kaniya na huwag basta iwan ang anak at alagaan ito ng mabuti.
“Kapag gabi, sobrang iyak ni Sylvio ng mga 1am o 2am, nakakatulog ako. Tapos may naririnig ako ‘wag kang matulog’. Tinitiis ko talaga, kinukurot ko na yung sarili ko para magising.”
Ito ang natatawa pang kuwento ni Angeline.
Ikinuwento rin ni Angeline, ang favorite niyang bonding time nila ni Sylvio. Ito ay ang bath time. Doon daw kasi nararamdaman ni Angeline ang koneksyon nila ng anak lalo na sa tuwing kinakantahan niya ito.
“Favorite ko ‘yong pagpapaligo. Kasi nakakatuwa siyang umiyak. Everytime na iiyak siya iisa lang yung tono.”
“Kapag nababasa na yung katawan niya unti-unti na ‘yang iiyak. Tapos kapag kinakantahan ko siya nawawala”, sabi pa ng singer.
Sa ngayon ay balik trabaho na si Angeline. Pag-amin niya mas ganado siya ngayong magtrabaho para sa anak. Bagamat nai-enjoy niyang muli ang pagbabalik showbiz excited rin daw siyang matapos agad ang trabaho at makauwi sa kaniyang anak.
Dahil balik showbiz na, may mga naka-schedule na daw na tour si Angeline. At dahil sa ayaw niyang malayo sa anak ay isasama niya ito sa ibang bansa. Ito ang dahilan kung bakit kamakailan lang ay kinuhanan niya na ito ng passport.
Kasama ang boyfriend na si Nonrev pangako ni Angeline sa kaniyang mag-ama ay ipapasyal niya ito sa mga lugar na pinuntahan nila ng kaniyang Mama Bob sa Amerika.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
