Markus Paterson at Janella Salvador nagsalita na tungkol sa isyung hiwalayan nilang dalawa.
Mababasa dito ang mga sumusunod:
- Pahayag ni Markus Paterson at Janella Salvador
- Mensahe ni Markus para sa girlfriend na si Janella Salvador.
Pahayag nina Markus Paterson at Janella Salvador
Nitong mga nakaraang buwan ay usap-usapan na hiwalay na ang showbiz couple na sina Markus Paterson at Janella Salvador. Ito ay dahil mula noong New Year ay wala ng picture na magkasama sina Markus at Janella na ipino-post sa kanilang Instagram account. Kaya naman hindi maiwasan ng mga netizens na mag-speculate na may problema sa relasyon ng dalawa.
Pero nitong nakaraang Mayo noong Mother’s Day, ay marami ang natuwa ng batiin ni Markus si Janella. Ito ay sinagot naman ng aktres na “Thank you” na may kasamang white heart emoji. Bagamat ang ibang netizens, may tanong parin at napansing walang kasamang “I love you” ang pagbati ni Markus kay Janella.
Nitong nakaraang lingo, si Janella naman ang bumati kay Markus sa 24th birthday nito.
“Always rooting for your success, well-being & happiness. Happy birthday @markus!”
Ito ang post ni Janella sa kaniyang Instagram story na agad na ni-repost ni Markus sa kaniyang Instagram account.
Si Markus at Janella kapwa nagsalita na tungkol sa isyu na sila ay hiwalay na. Bagamat hindi nila deretsong sinagot ang isyu. Sa isang panayam, sabi ni Markus ay maayos ang relasyon nilang dalawa ni Janella. Bagamat, sa ngayon ay ipinapaubaya niya kay Janella ang pagsasalita at pagbibigay ng detalye tungkol sa sitwasyon nila.
“Our relationship status is definitely something people are asking about, but as of now I’m gonna let her do the talking on this time situation. But we are both very good, we have a very good relationship with each other. So let us leave it like that for now.”
Si Janella naman, sa isang hiwalay na pahayag ay sinabi ring maayos ang relasyon nila ni Markus. Bagamat hiling niya sa publiko ay respetuhin muna sa ngayon ang privacy nila.
“Markus and I are okay. And I am aware of the speculation that’s going around. Siguro I’m asking people to give us more time, i-respect kung ano man ang nangyayari. Pero ok kami, we are ok. totally ok.”
Ito ang sabi naman ni Janella.
Sa ngayon, sabi pa ng aktres ay very inspired siya at ito ay dahil sa anak niyang si Jude.
Larawan mula sa Instagram account ni Janella Salvador
BASAHIN:
Janella Salvador on unexpected pregnancy: “Hindi naman ako sayang dahil nagka-anak ako”
Carla Abellana sa hiwalayan kay Tom Rodriguez: “I was disrespected. I was betrayed.”
Markus sinabing maraming nagbago sa buhay niya ng siya ay maging isang ama
Samantala, base pa rin sa panayam kay Markus, sa kabila ng mga kumakalat na rumor ay very happy rin siya sa ngayon.
“Ang puso ko ngayon masasabi ko masaya, sobrang saya. In a lot of ways, I come to terms with a lot this year so far. And I just can’t wait to grow more and to learn more everything in my life in my craft, in my relationships, and fatherhood. I am so young and I can’t wait to become the best version of me.”
Ito ang sabi pa ng aktor na ibinahagi ring maraming nagbago sa buhay niya ng siya ay maging isang ama na.
“Lahat talaga nagbago. As in, the way I think, the way I prioritize day to day life. I’m considering the fact that I’m in this age I am not even 25 yet and I have a kid that’s almost 2 years old so lahat ng priorities like decision making if I should go out and if I stop my vices, ang laman lang ng isip ko ngayon ay si Jude.”
Larawan mula sa Instagram account ni Markus Paterson
Para sa mensahe niya kay Janella ay sinabi ng aktor na super proud siya sa achievement ng aktres. Lalo na pagiging mabuting ina nito sa anak nila na si Jude. Dagdag pa ni Markus, blessed siya na maging bahagi ng buhay ni Janella.
“See you Janella. All I can is that, I couldn’t be prouder for the woman you have become, the mother you have become and the mother you continue to be and you grow into. It’s just such a beautiful thing to watch and I am so blessed to be a part of your life.”
Ito ang sabi pa ni Markus.
Ayon sa ilang rumor, may lamat na umano ang relasyon nina Markus Paterson at Janella Salvador. Matatandaan na base sa isang panayam ng showbiz reporter na si Ogie Diaz kay Janella ay sinabi ng aktres na may trauma siya sa mga taong nakainom. At doon niya rin nabanggit na kailangang kontrolin ni Marcus ang kaniyang pag-inom ng alak.