Max Collins kinumpirma na matagal na silang hiwalay ni Pancho Magno: “Every separation is difficult, but it was amicable.”

Max Collins kinumpirma na hiwalay na sila ni Pancho Magno pero ganoon pa man sila ay may maayos na co-parenting relationship para sa kanilang anak.

Mababasa dito ang mga sumusunod:

• Hiwalayan ni Max Collins at Pancho Magno.
• Max and Pancho co-parenting relationship.

Hiwalayan ni Max Collins at Pancho Magno

Sa pinakalatest niyang panayam ay kinumpirma ng aktres na si Max Collins na hiwalay na sila ni Pancho Magno. Kuwento ng aktres, matagal na nilang napagkasunduan ni Pancho na magkaniya-kaniya. Pero pinili nilang hindi ito isapubliko para narin sa proteksyon ng kanilang mga sarili at anak nilang si Skye.

“I didn’t talk about it because syempre, marami kaming pinagdaan as a family that time because there was a pandemic, nanganak ako, my marriage was falling apart.”

“I had to process everything, and I wanted to quiet the noise. And I didn’t want to hear other’s people’s opinions, suggestions, comments because artista na ako, ayaw kong gawing teleserye ‘yung buhay namin.”

Ito ang sabi ni Max. Dagdag pa niya, sinubukan naman nilang ayusin ni Pancho ang kanilang relasyon. Pero hindi na daw talaga nila kaya at minabuti nalang nilang maging maayos ang kanilang paghihiwalay para narin sa kanilang anak.

Max Collins and Pancho Magno co-parenting relationship

“Every separation is difficult, but it was amicable. We were not working, and we needed to try spending time apart to see how that would work because we have a son to think about.”

“We’ve been together for eights years total. Nilaban namin hangga’t kaya ng mga puso namin in a sense where dumating ‘yung point na we stopped becoming in denial about it. I didn’t want to lie to myself anymore, and I think he didn’t want to as well.”

Ito ang sabi pa ni Max na sinabing sa ngayon, mas naging malapit sila ni Pancho. Sila nga daw ay mas naging close pa dahil sa may maayos silang co-parenting relationship.

“We’re in a very good place now. Our child is almost three, and he’s very happy and healthy, and we have a very good co-parenting relationship.”

Ito ang sabi pa ni Max Collings tungkol sa estado ng relasyon nila ni Pancho Magno.