Maxine Medina engagement video paiiyakin at pakikiligin ka!
Si Ms. Universe Philippines 2016 na si Maxine Medina ay engaged na kaniyang professional diving instructor boyfriend na si Timmy Llana. Panoorin ang nakakakilig na wedding proposal video nila dito.
Mababasa dito ang mga sumusunod:
- Maxine Medina at Timmy Llana engagement story
- Mga celebrity friends nagdiwang
- Love story nina Maxine Medina at Timmy Llana
Maxine Medina at Timmy Llana engagement story
Image from Maxine Medina’s Instagram account
Engaged na ang beauty queen at aktres na si Maxine Medina sa kaniyang non-showbiz boyfriend na si Timmy Llana. Si Timmy ay isang professional diving instructor na ilang taon ng karelasyon ni Maxine.
Sa kaniyang Instagram account ay masayang ibinahagi ni Maxine ang magandang balita kahapon.
“Finally my forever @timmyllana.”
Ito ang post ni Maxine na kung saan naka-tag ang ngayong fiancé niya ng si Timmy at mga larawan sa ginanap na wedding proposal nito sa kaniya.
Makikitang ginanap ang kanilang naging engagement sa tabing dagat sa kung saan nagbabakasyon sa ngayon ang magkasintahan. Sila ay kasalukuyang nasa Coron, Palawan kasama ang malalapit na tao sa mga buhay nila.
Ngayong umaga ay ibinahagi naman ni Maxine ang video ng ginawang wedding proposal ni Timmy sa kaniya.
View this post on Instagram
Habang sila ay nagdi-dinner na at kumakanta ng ‘happy birthday’ ay makikitang inilapit kay Maxine ang isang cake na may nakalagay na dedication. Habang binabasa ito ay makikitang naluluha na ang dating beauty queen at parang hindi makapaniwala sa nababasa niya.
Sa kaniyang likod ay nakaluhod na ang boyfriend niyang si Timmy hawak-hawak ang diamond ring na simbolo ng kaniyang wedding proposal. Si Maxine ay speechless at naiyak na lang sa mga nangyayari sa paligid niya. Natawa ngang hiningi ni Timmy ang sagot ng beauty queen sa wedding proposal niya.
Si Maxine makalipas ang ilang sandali, ay inabot ang kamay ng nobyong si Timmy na may hawak ng singsing. Palatandaan na ‘yes’ na ang sagot niya sa wedding proposal nito.
Sa caption ng naturang video ay sinabi ni Maxine na ito na ang simula ng kaniyang “ALWAYS”.
“This is the start of my ALWAYS. @timmyllana I LOVE YOU!”
Image from Maxine Medina’s Instagram account
Mga celebrity friends nagdiwang
Samantala, bumaha naman ang pagbati ng marami kay Maxine lalo na mula sa kaniyang malalapit na kaibigan. Tulad nalang ng iba pang dating mga beauty queens na sina Ariella Arida, Charlene Gonzales, Winwyn Marquez at Miriam Quiambao.
“OMG!!! So happy for my best friend!!! I’m crying!!! So happy for the both of you @maxine_medina and @timmyllana”
Ito ang masayang pagbati ni Miss Universe Philippines 2013 Ariella Arida sa naging engagement ni Maxine.
Ito naman ang sabi ng iba pang celebrity friends ni Maxine sa naging engagement niya.
OMGGGGGGGG!!!!!!😍❤️❤️❤️❤️❤️❤️ Congratulations Heyhey & Timmyyyyy!!!! 😍❤️
Congratulations Timmy and Best Wishes, Maxine!!! ❤️❤️❤️
Awww…Congratulations, @maxine_medina!❤️❤️❤️✨
Samantala, si Diane Medina naman na misis ni Rodjun Cruz at pinsan ni Maxine ay masaya rin sa magandang balitang ito. Winelcome niya rin si Timmy sa kanilang pamilya.
“CONGRATS @MAXINE_MEDINA AND @TIMMYLLANA WELCOME TO THE FAMILY!”
BASAHIN:
Nadine Lustre pumalag sa intriga: “How TH I’m pregnant every year”
Mikael Daez at Megan Young ibinahaging matagal itinago ang kanilang engagement sa kanilang magulang
Maxine Medina’s mom: “Win or lose, you’ll always be my Miss Universe”
Love story nina Maxine Medina at Timmy Llana
Image from Maxine Medina’s Instagram account
Ngayong darating na Hunyo 15, 2022 ay magsi-celebrate ng kanilang anniversary bilang magkasintahan sina Maxine at Timmy.
Base sa post ni Maxine noong nakaraang taon sa nasabing petsa ay tatlong taon na ang itinatagal ng kanilang relasyon ni Timmy. Kaya naman ngayong darating na Hunyo ay apat na taon na ang kanilang relasyon.
Sa naturang anniversary post ni Maxine noong nakaraang taon ay sinabi niyang hindi siya makapaniwala na tagal na ng itinakbo ng pagsasama nila ni Timmy. Very proud daw siya sa relasyon nila at lalo na sa kasintahan na tumulong sa kaniyang maging mature at better version ng sarili niya.
Ito ang mensahe ni Maxine sa boyfriend niyang si Timmy sa 3rd anniversary nila.
“Happy anniversary babe! My gosh we made it to 3 whole year and I couldn’t be more proud of us! Its so crazy how time can go by and we can grow so much within a day. So proud of you and you have helped me mature and become a better person and a better partner each day. You have completed me in more ways than you could imagine babe! I love you! ❤”
View this post on Instagram
Congratulations Timmy at Maxine!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
