Ready na nga ba sina Megan Young and Mikael Daez for a baby? Ano nga ba ang sinabi ni Mikael sa isang Instagram post tungkol dito?
Megan Young and Mikael Daez
Ikinagulat ng mga netizens ang post na ito ni Mikael sa kanyang Instagram na may caption na,
“Surpriiiiise!!! We have an ECQ baby….A baby niece that is! It’s our family’s first baby girl. #WagAssumingPo#TanongNyoSiBonezKungKelanNa#ImAlwaysReady”
Buong akala ng mga tao ay nagkaroon na sila ng secret baby dahil nga kilala ang dalawa sa pagiging secretive sa mga nangyayari sa kanilang buhay as a couple.
Parinig naman ni Mikael sa asawang si Megan, ready na raw siya maging tatay, anytime!
Ano naman kaya ang sagot ni Megan dito?
Megan Young and Mikael Daez relationship
Matatandaan na noong January 10 ay ikinasal ang dalawa sa simbahan kung saan mayroon lamang silang 10 bisita. Naganap naman ang kanilang second wedding sa Zambales noong January 25.
Ngunit bago iyon, limang taon na-engage ang dalawa at 9 years naman simula nang sila ay mag-date officially. Bukod sa kanilang celebrity life, present din sa YouTube space ang couple na ito.
Noong 2014 nagsimulang mag-vlog si Mikael at madalas ay gumagawa siya ng mga travel vlogs. Nagsimula naman siyang makakuha ng mga avid viewers simula noong sinama niya na si Megan sa kanyang mga videos.
Photo from @meganbata‘s Instagram
Mayroon din silang podcast na tinatawag na #BehindRelationshipGoals kung saan ibinabahagi nila ang kanilang mga karanasan noon as a couple at ngayon naman bilang mag-asawa na.
Dito naman nasusubaybayan ng mga tao ang kanilang relationship. Makikita sa mga ito kung gaano ka-simple at genuine ang dalawa.
Megan on private relationships
Sa isang interview, sinabi ni Megan kung bakit nga ba nila ginawang sikreto ang kanilang wedding.
“We are already in the public eye. So, there are things that we just like to keep to ourselves.”
Makikita naman talaga sa dalawa na simula pa noon ay hindi sila masyadong showy sa kanilang relationship.
Noong mismong kasal, sinabi niya na gusto niya lang mag-focus kay Mikael at sa ceremony. Hindi rin niya ginusto ang isang magarbong ceremony dahil mas mahalaga para sa kanya ang maging comfortable at happy sa araw na iyon. Gusto niya rin na makita ng mga tao ang kanilang pagiging simple at lowkey.
Ano ang sikreto ng relationship ni Megan at Mikael?
Photo from @meganbata‘s Instagram
Ayon sa kanilang podcast episode na “What Makes Our Relationship Work”, ikinuwento ng dalawa kung ano ang sikreto ng kanilang relationship.
Ayon kay Megan:
“There will be bad times. It will not be perfect. And we want to share these stories.”
Dahil nga mga public figure sila, madalas ay nasasabi ng mga tao na perfect ang kanilang relationship base sa social media. At ito nga ang ipinapaliwanag ni Megan, na sa likod ng mga nakikita natin sa social media — mayroon talagang mga totoong pangyayari sa buhay na hindi naman palaging masaya. Magkakaroon talaga ng bad times at mga hindi pagkakaintindihan pero bilang mag-asawa, kailangan niyong palawakin ang pag-intindi at tulungan ang isa’t isa.
Ayon naman kay Mikael:
“Share the pros and cons of each personalities. Find the balance.”
Para naman kay Mikael, hindi mo dapat i-expect na tugma lagi ang inyong personalities. Dapat ay mahanap niyo ang balance sa inyong mga sarili at i-work out ito. Kaya naman sobrang mahalaga rin na kilalanin niyo ang isa’t isa.
Kuwento pa ni Megan, strong ang personality ni Mikael at siya naman ay chill. Pero habang tumatagal ay natuto na rin si Mikael na gamitin ito sa kanyang advantage sa tulong ni Megan. Dito ay pinapakita nila kung paanong ang isang bagay na maaring maging negative ay puwedeng magamit para sa ikabubuti ng inyong relasyon.
Napakaraming relationship lessons ang puwedeng makuha mula kay Megan at Mikael. Na maging public figures man ay nakararanas din ng mga problema na katulad ng sa mga tipikal na mag-asawa.
Source:
Basahin: