Michelle Madrigal at ex-husband na si Troy Woolfolk pareho umanong hindi na masaya sa kanilang pagsasama kaya naghiwalay.
Mababasa sa artikulong ito:
- Bakit naghiwalay si Michelle Madrigal at ex-husband niyang si Troy Woolfolk.
- Payo ni Michelle tungkol sa marriage at mga single moms.
Michelle Madrigal and ex-husband separation
Nitong Agosto ay inanunsyo ni Michelle Madrigal at ngayong ex-husband niya ng si Troy Woolfolk na sila ay hiwalay na. Ito ay ginawa ng dalawa sa kaniya kaniyang Instagram account na kung saan pareho nilang sinabi na maayos ang kanilang naging paghihiwalay.
Nitong nakaraang linggo sa kaniyang vlog ay ibinahagi ni Michelle ang tunay na dahilan ng kanilang paghihiwalay. Sabi ng dating aktres pareho na raw silang mag-asawa na hindi masaya sa kanilang pagsasama. At wala umanong ibang tao o third party na naging dahilan ng paghihiwalay nila.
“To be fair there’s no third party on his end or on my end it was just a mutual decision to really separate. It was very amicable we were both unhappy.”
Ito ang sabi ni Michelle.
Dagdag pa ni Michelle, ang tanging rason daw kung bakit hindi nagtagal ang marriage nila ng ex-husband niyang si Troy ay hindi sila compatible sa isa’t-isa.
“I think the reason why this marriage did not work was because we weren’t really compatible at all.”
Michelle masyado raw in love sa asawa at hindi pinansin ang mga incompatibility nila
Image from Nice Print Photography
Kuwento ni Michelle, bagama’t noong una pa lamang ay napapansin niya ng may mga pagkakaiba sila ni Troy ay binalewala niya ang mga ito. Dahil sa masyado raw siyang in love dito at naging mabilis ang naging pagbabago sa mga buhay nila.
Matatandaang nagkakilala ang dalawa sa dating app na Tinder noong 2016. Sumunod na taon ay isinilang ni Michelle ang anak nilang si Anika at April 2019 ng sila ay magpakasal ni Troy.
Pero ayon kay Michelle, bagama’t hindi naging successful ang marriage nila ng ex-husband niya ay wala siyang pinagsisihan dito. Una ay dahil nagkaroon sila ng anak na si Anika at pangalawa ay marami siyang natutunan sa naging pagsasama nila.
Isa na nga sa naging learnings niya sa kaniyang past relationship ay dapat maging compatible daw kayo umano ng taong pipiliin mong makasama. O kaya naman at least mag-usap man lang o maging open sa mga bagay na tingin ninyo ay hindi ninyo napagkakasunduan.
“Very important of course you need to be attracted to that person and you need to be compatible. What are your non-negotiables? What are your core values? And I think some of that I ignored in the past because I was just so in love.”
Ito ang sabi pa ng dating aktres.
BASAHIN:
Michelle Madrigal confirms separation from husband: “We will always have love for each other”
Michelle and Troy as co-parents to daughter Anika
Image from Michelle Madrigal’s Instagram account
Sa ngayon ayon parin kay Michelle, sila ay magkaibigan parin ni Troy. Pinili nilang magkaroon parin ng maayos na pagsasama. Ito ay para maging mabuting co-parents sila sa 4-year-old daughter nilang si Anika.
“We just want to be there for our daughter and it’s really important to for your kids to see that you guys are still a team no matter what the circumstances.”
Kuwento pa ni Michelle, sa mga susunod na araw ay aalis na siya sa bahay na binuo at pinagawa nila ng ex-husband na si Troy. Nasabihan na rin nila ang anak nilang si Anika na sila ay maghihiwalay na ng tirahan.
Bagama’t sa ngayon, sigurado siyang hindi pa nito naiintindihan ang mga nangyayari. Pero kung sakali mang dumating na ang panahon na magtanong na ang kaniyang anak, ngayon pa lamang sabi ni Michelle ay pinaghahandaan niya na ito.
“I don’t think Anika fully understands what’s going on. She has an idea and kids are very smart they can feel the energy around the house but so far she’s okay.
You know she hasn’t fully transitioned to that one week with him one week with me. She hasn’t asked those questions yet but then we kind of have prepared her for.”
Payo ni Michelle sa mga single moms at ibang mga babae
Image from Michelle Madrigal’s Instagram account
Sa huli ay may payo si Michelle sa mga single mother na tulad niya at sa mga babaeng dumadaan ngayon sa problema sa kanilang marriage.
Ayon sa dating aktres, hindi raw dapat madaliin ang iyong healing journey. Laging isipin na may dahilan kung bakit ang lahat ng ito ay nangyayari. Paraan lamang ito para mas makakilala mo ang iyong sarili at mapabuti.
“You’re gonna get through this. Everything happens for a reason. You’re gonna pick yourself back up. Have grace. Allow yourself to feel.”
“Listen to what you’re feeling. Because if you don’t have those low moments and you’re never gonna learn about anything about yourself.”
Ito ang payo ni Michelle.
Si Michelle Madrigal ngayon ay nasa Amerika at doon na piniling manirahan simula ng mapangasawa ag ex-husband na si Troy Woolfok.