Pinagsabay ng dating aktres na si Nadine Samonte at asawang Richard Chua ang selebrasyon ng birthday ng kanilang panganay na si Heather Sloane at dedication ng kanilang bunso na si Austin Titus.
Double celebration
Paw Patrol ang naging theme ng 3rd birthday celebration at dedication nila Heather at Titus.
Kombinasyon ng kulay asul at pula ang cake ni Heather.
Samantalang baby blue naman ang kay Titus.
Naging souvenirs naman ay mga Paw Patrol na unan na may pangalan nila Heather at Titus.
Meron ding mga mukha ng Paw Patrol characters na una.
Present sa masayang selebrasyon ng mga anak nila Nadine at Richard ay sina Mariel Padilla kasama ang anak na si Isabella, Patrick Garcia kasama ang asawang si Nikka Garcia at mga anak na sina Michelle, Patrice, at Pia, Isabel Oli-Prats kasama ang anak na si Feather, Joko Diaz, at siyempre ang actress Mom ni Richard na si Isabel Rivas.
Pagbubuntis ni Nadine
Naging mahirap nga kay Nadine Samonte ang pagbubuntis noon sa panganay na si Heather Sloane, na ngayo'y tatlong taong gulang na nga, dahil sa kundisyong Polycystic ovarian syndrome o (PCOS) at antiphospholipid antibody syndrome o (APAS) na isang disorder sa immune system.
Kaya naman minabuti niyang magpa-eksamin ulit para makasigurong wala na siya ng mga ito sa pangalawang pagbubuntis na itinuturing niyang “unexpected,” pero welcome gift.
Sa kasamaang palad sa kaniyang pangalawang pagbubuntis sa kaniyang bunsong si Austin Titus, taglay pa rin niya ang APAS, kaya naging doble ingat pa rin siya.
Pero nagkaroon nga ng insidente noong ika-15 ng Oktubre na isinugod na niya ang kaniyang sarili sa hospital dahil sa kaniyang kundisyon.
Sa hirap ng kaniyang pagbubuntis nagkaroon ng wish si Nadine na sana ay baby boy na ang ipagkaloob sa kanila ng asawa niyang si Richard Chua para marahil kung hindi na nila i-attempt maka-tatlo pa ay may babae at lalaki na sila.
Photos: Nice Print Photography
Basahin: Actress Nadine Samonte's baby falls victim to digital kidnapping