Nauntog ang ulo ng bata, dapat bang ipag-alala?

Nauntog ang ulo ng bata, dapat bang ipag-alala?

Madalas mauntog o mabangga ang mga bata, lalo na kapag nagsisimula pa lamang silang maglakad. Pero ano ang pagkakaiba ng simple at delikadong pagkauntog? Alamin dito.

Ngayong marunong nang maglakad ang anak mo, mahilig na siyang tumakbo at makipaglaro. Madalas ma-o-off balance siya at maaaring mauntog. Siyempre bilang magulang, may tendency tayong mag-panic kapag nangyayari ito, agad-agad nating chinecheck kung may bukol ba o kung malala ang pagkakauntog.

Nauntog ang ulo ng bata, dapat bang ipag-alala?

Dapat bang mag-alala kapag nalaglag o nauntog ang ulo ng bata?

Malakas naman ang mga bata kahit maliit pa lamang. Kaya nilang ma-handle ang pagkauntog o dapa, kahit na malakas ang iyak nila kapag nangyayari ito. Subalit, hindi naman ibig sabihin nito na hindi sila maaaring magkaroon ng injury. Minsan ang simpleng pagkadapa or pagkalaglag ay delikado, lalo na’t sumobrang lakas ang untog nila.

Kaya’t importanteng malaman ang mga signs ng head injury tulad ng pagkahimatay, pagsusuka, pagiging matamlay, malakas na pag-iyak, sakit sa ulo, o paglaki ng pupil ng mga mata.

Importanteng tandaan na ang mga sintomas ay maaaring magsimula makalipas ang ilang araw matapos mauntog. Kaya kung sa tingin mo’y matindi ang pagkakauntog ng iyong anak ay i-monitor mo na siya. Maaari mo ring itanong ang bata kung may kakaiba siyang nararamdaman.

Kapag matindi ang pagkakauntog, dalhin na agad ang bata sa doktor. Tandaan na dapat panatilihing gising ang bata dahil delikado ang pagtulog.

Nauntog ang ulo ng bata, dapat bang ipag-alala?

Ano ang maaaring gawing ng mga magulang kapag nauntog ang kanilang anak?

Unang una, kung sa tingin mo ay malala ang pagkaka-untog ng iyong anak, huwag magatubiling dalhin sila sa doktor. Gawin ito para man lang makasiguro na walang malubhang kondisyon na naidulot ito, lalong-lalo na sa utak ng iyong anak. 

Depende sa tindi ng pagkauntog, maaaring irekomenda ng doktor na sumailalim sa CT scan ang iyong anak para makasiguro na rin na wala siyang namumuong dugo (blood clots) o pasa (hematoma). Ang importante ay maagapan ito sa lalong madaling panahon.

Kapag nagrerecover na ang bata, siguraduhing umiwas sila sa activities na mapapagod ang anak, tulad ng panonood ng TV o paglalaro ng video games, cellphones o gadget. Huwag din silang payagan maglaro na sports o maglaro nang nagtatambling. Para maiwasan ang iba pang mas lalong malalang head injury.

First aid tips sa kapag nauntog ang ulo ni baby

Ang mga head injuries lalo na sa mga bata ay hindi maiiwasan. Dahil sa kanilang kakulitan ay hindi na nakakagulat na sila ay mahulog o mauntog sa kanilang paggalaw.

Ngunit maaring iwasan kung gagawing child-friendly ang inyong bahay. Tulad nalang ng pag-aalis ng mga gamit na maari niyang akyatan at pag-hulugan.

Kung siya naman ay gagawa ng activity sa labas ng bahay tulad ng pagba-bike ay makakabuting pag-suotin siya ng helmet bilang proteksyon sa kaniyang ulo sa oras ng aksidente.

Sa oras naman na nauntog siya o nakaranas ng minor head injury ay paupuin siya at i-comfort. Saka lagyan ng towel na may yelo o cold compress ang kaniyang ulo. Ito ay para mabawasan ang pamamaga ng bukol sa pagkakauntog at maibsan ang pananakit na dulot nito.

 

Ang isang head injury ay maituturing na minor kung ito ay nagpapakita ng sumusunod na sintomas:

  • Mild headache
  • Nausea
  • Pagkahilo
  • Mild blurred vision

Kung ang kondisyon naman ng iyong anak ay lumala at siya ay nagpakita ng sumusunod na sintomas ay agad na siyang dalhin sa doktor. Dahil ang mga sintomas na ito ay nangangahulugang siya ay nagtamo ng brain injury.

Pang-aabuso sa mga kababaihan

Image from Freepik

  • Kawalan ng malay o hindi normal na pagkaantok
  • Seizures
  • Problema sa kaniyang mga senses tulad ng hindi makarinig o nag-dodouble vision
  • Nagsusuka
  • Dugo na lumalabas mula sa kaniyang tenga o ilong
  • Memory loss o amnesia
  • Hirap sa paglalakad o pagbabalanse ng katawan

Samantala, para mabilis na maka-recover ang isang tao mula sa head injury ay mahalagang makapagpahinga siya at iwasan ang mga tao o bagay na makakapag-aggravate ng stress sa kaniya. Dapat ding patigilin muna siya sa paglalaro ng mga contact sports hanggang siya ay fully recovered na.

source: WebMD, Kid’s Health

BASAHIN:

Baby nagkaroon ng brain injury matapos maalog nang marahas

Ano ang dapat gawin kapag nauntog ang iyong anak?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner