Neri Naig, asawa ni Chito Miranda, ibinahagi ang kaniyang thoughts at pamamaraan kung paano niya naba-balance ang pagiging mom at business woman.
Mababasa sa artikulong ito:
- Neri Naig bilang mom at business woman
- Diskarte moves ni Neri Naig bilang mom
Neri Naig bilang mom at business woman
Isa si Neri Naig sa mga kilalang personalidad sa bansa na talaga namang hands-on sa pagiging mom sa kaniyang baby. Ngunit sa pagkakataong ito, hindi na lamang pagiging mom sa kanilang mga anak ang kaniyang piangkakaabalan.
Sa kasalukuyan, maraming iba't ibang klaseng negosyo ang pinasok ni Neri. Isa na siya ngayon sa mga social media personality na talaga namang sinusubaybayan at sinusuportahan ng mga tao.
Kahit na may mga anak na inaalagaan, maraming responsibilidad sa kanilang tahanan, at mga gampanin bilang asawa kay Chito Miranda, nagagawa pa rin ni Neri na i-balance ang kaniyang pamilya at trabaho.
Ano nga ba ang sikreto ni Neri para mapagtagumpayan ang hamon na kaniyangg kailangang harapin sa araw-araw? Ayon sa kaniya,
“Once a month or twice a month may day off ako. Hinihingi ko ‘yan”
Isa o kahit dalawang beses kada buwan ay pinagbibigyan siya ng asawang si Chito na magkaroon ng oras para sa kaniyang sarili. Nabanggit pa niya na kung minsan, kay Chito na rin mismo nanggagaling na talagang kailangan din niya ng pahinga.
Ang oras na 'yon ang itinuturing niyang pagkakataon upang makapagpahinga at magawa ang mga bagay na nais niyang gawin pa sa kaniyang sarili. Sinusulit 'di umano niya ang oras na ito upang makapag-relax nang walang inaalagaang chikiting.
Malaki ang naitutulong ni Chito sa asawang si Neri sa bagay na ito. Ayon kay Neri, nagbibigayan silang dalawang mag-asawa ukol sa kani-kanilang mga pangangailangan.
Kaya naman dahil dito, labis-labis rin ang kaniyang pasasalamat sa mga ginagawa ng kaniyang asawa para sa kaniya. Ito na lamang ang mga katagang laging nasasambit ni Neri sa twing iniisip ang mga ginagawa para sa kaniya ng kaniyang asawa,
“Ah salamat Lord, ang swerte swerte ko”
Sa likod ng success ni Neri sa larangan ng pagnenegosyo ay ang suporta ng kaniyang partner in life. Pagbabahagi pa ni Neri,
“Kumabaga, ako 'yong mas nagtatrabaho ngayun. Wala siay nung ego na alam mo yun? Wala talaga eh, tulungan kami.”
Hindi naging isyu sa kanilang ang kanilang kasarian. Hindi naging mahalaga kung sino ang lalaki at sino ang babae pagdating sa trabaho. Mayroon silang malinaw na usapan kung saan nirerespeto nila ang desisyon ng bawat isa.
Palaging binibigyang diin ni Neri kung gaano siya kaswerte sa asawa niyang si Chito. Ayon sa kaniya, hindi siya nito pinipigilan sa mga bagay na gusto niyang gawin. Bagkus, siya ang nagsisilbing pundasyon at suporta upang lalo pang magpursige sa kanilang buhay para sa kanilang mga anak.
BASAHIN:
Neri Naig sa mga nagtatanong tungkol sa anak na si Pia: "Every child deserves a home and love."
Samantala, hindi lingid sa kaalaman ng karamihan na ang business woman at mommy na ngayun na si Neri Naig ay dating artista. Ngunit nang isang beses siyang tanungin sa isang presscon kung mayroon pa ba siyang balak bumalik sa industriya ng showbiz.
“Mas gusto ko kung nasaan ngayon ako,” ang kaniyang tugon.
Inamin niya na magpahanggang ngayon ay may mangilan-ngilan pa ring nagaalok ng proyekto sa kaniya mula sa iba't ibang network. Subalit hindi niya ito matanggap dahil sa napakaraming bagay at responsibilidad na kailangan niyang i-consider.
Sinabi rin niya na 'di gaya ng iba, hindi naman umano siya masiyadong sumikat sa industriya ng showbiz. Kaya lagi niyang tinitimbang 'yong kahalagahan ng bawat isa bago pa man siya gumawa ng desisyon.
Samantala, hindi naman niya sinasara ang kaniyang pintuan para sa showbiz. Ayon kay Neri,
“If the price is right and the project is right, then go.”
Para sa kaniya, mahalagang isipin at timabangin yung partikular na proyekto kung worth it bang pansamantalang malayo sa kaniyang anak para rito. Bukod dito, marami rin siyang maiiwang negosyo kung pipiliin niyang bumalik sa showbiz.
Subalit sa kasalukuyan, matibay ang kaniyang loob at sigurado siyang masaya siya sa pagiging mom and at the same time ay isang businesswoman.
Diskarte moves ni Neri Naig bilang mom
Apat na buwan pa lamang ang nakakalipas mula nang maipanganak niya ang kaniyang second baby na si Cash. Kahit na bago pa lamang ay marami na agad siyang naging realization sa kaniyang buhay bilang magulang.
Tila naging wiser si Neri Naig sa pagkakataong ito. Sa isang presscon kasama ang Baby Flo, ibinahagi niya ang ilan sa kaniyang mag personal tips, lessons, and thoughts mula sa pagiging mommy.
“Ako talaga, may checklist ako eh,” pagbabahagi ni Neri.
Kahit saan pa mang bagay, kinakailangan niya lagi ang pagkakaroon ng Checklist. Mapa-grocery man 'yan, goals, o mga responsibilidad bilang mom, wife, at business owner.
Ayon sa kaniya, mahalaga ang listahan para mapanatiling nasa ayos ang mga bagay na kailangan o dapat niyang gawin. Ibinahagi niya na sa dami ng mga gawain bilang magulang at asawa, magkakagulo-gulo ito kung wala siyang checklist.
Samantala, upang makatipid sa oras at pera, ibinahagi ni Neri iisa na lamang ang kanilang ginagamit na produkto lalo na kapag sila ay aalis.
"Hindi mabigat sa bulsa, lahat na, for family na." pagsasaad niya ukol sa mga produktong kanilang ginagamit.
Isa ito sa kaniyang tipid tips para sa katulad niyang mommy. Hindi kinakailangan gumastos, dahil may mga affordable na gamit na swak para sa bawat member ng kanilang pamilya.
Masayang ibinahagi ni Neri Naig sa presscon ang ilang mga bagay na kaniyang natutunan sa pagiging ina na maaaring makatulong din sa mommies na katulad niya.