Celebrity mom at wais negosyanteng si Neri Naig, buntis na sa kaniyang pangalawang baby!
Mababasa sa artikulong ito:
- Neri Naig, buntis na uli
- Reaksyon ng mga netizens sa balita
- Pag-iibigang Chito at Neri
Isang masayang Mother’s Day surpise ang ibinahagi ng celebrity mom na si Neri Naig nang inanunsyo niya na buntis na siya uli sa pangalawang baby nila ni Parokya ni Edgar frontman Chito Miranda.
Neri Naig pregnancy announcement
Kahapon, May 9, nagpost si Mommy Neri sa kaniyang Instagram account ng larawan ng kaniyang silhouette sa tabing dagat na may caption na “Happy Mother’s Day. See you soon, our bunso.”
Kapansin-pansin rin sa larawan na malaki na ang tiyan ng wais na misis kaya mukhang matagal na nilang itinatago ang sorpresang ito.
Larawan mula sa Instagram ni Neri Naig
Mayroon ring post si Chito sa kaniyang Instagram account kung saan ginagaya ng bokalista ang posing ng kaniyang asawa. Sa kaniyang caption, inanunsyo niyang magiging nanay na ulit si Neri at nasasabik na siya sa kanilang paparating na baby.
“Happy Mothers’ Day!!!
Busog lang ako.✌🏼😅
Si Neri, magiging mommy na ulit.😊👍🏻❤
…and again, “walaaaaang tulugaaaan!!!”
Pero sa totoo, excited na excited na ko hehe!”
Sa ngayon, mayroon nang mahigit 63k ang pregnancy announcement post ni Neri at umabot na ng mahigit 83k ang post ni Chito. Napuno ang comments section sa posts ng mag-asawa ng mga pagbati sa kanilang magandang balita.
Naghatid rin ng pagbati ang mga katrabaho at kaibigan ng dalawa sa showbiz at music industry tulad nina Joross Gamboa, na kasabayan ni Mommy Neri sa programang Star Circle Quest, Hale vocalist na si Champ Lui Pio at celebrity moms na sina Andi Manzano, Jennica Garcia at Camille Prats, Candy Pangilinan at Iya Villania.
Maging ang ex ni Chito at kaibigan ng mag-asawa na si Kaye Abad ay bumati rin ng Happy Mother’s Day at congrats kay Mommy Neri. Kailan lang ay inanunsyo rin ni Kaye sa social media na buntis na siya sa pangalawang anak nila ni Paul Jake Castillo. Sumagot naman si Neri sa comment ni Kaye at binati niya rin ito.
BASAHIN:
Neri Naig shares breastfeeding experience: “Mahirap pero masaya”
Neri Naig on why she isn’t jealous of husband Chito’s gorgeous BFFs
Ibinahagi ni Kaye Abad ang kanyang karanasan bilang isang first-time mom
Wais na misis, wais na mommy
Unang nakilala si Neri Naig bilang isang magaling na aktres. Nagsimula siya sa showbiz nang sumali siya sa Star Circle Quest noong 2004.
Ikinasal sila ni Chito noong taong 2013 sa isang civil wedding, at church wedding naman noong 2015.
Ngayon, mas nakilala rin si Neri sa social media dahil sa kaniyang galing sa pagnenegosyo. Mas marami ring humanga sa celebrity mom sa pagiging maalaga at maabilidad na maybahay ni Chito at nanay sa anak nilang si Miggy.
Larawan mula sa Instagram ni Neri Naig
Ngayon, isa si Mommy Neri sa mga iniidolong celebrity moms lalo na dahil sa kaniyang simpleng pamumuhay at pagbibigay ng “Wais na Misis” tips sa ibang nanay.
In God’s time
Sa kaniyang Instagram story, nagpost ang isang netizen ng mensaheng “Congrats! Sana all may baby number 2.” Sagot naman ni Neri, “In God’s time.”
Kung matatandaan, bago isilang ang baby boy nila Neri at Chito noong taong 2016, nagkaroon ng miscarriage si Neri sa first baby sana nila.
“June 3, 2015, wala nang heartbeat ang baby namin. Devastated. Galit na galit ako sa mundo noon, even kay God, nung panahon na ‘yon. Bakit?! ‘Yon ang palagi kong tanong sa Kaniya. Bakit ipagkakait na bigyan ako ng chance na maging isang ina, bakit kinuha agad ang baby ko? Bakit?! Sa lahat ng nakaka-relate dito, alam ko ang pakiramdam ng nawalan. Sobrang sakit. Pero malalagpasan mo rin ‘yan. Darating ang tamang panahon na talagang ipagkakaloob ni God sa ‘yo,'” sabi niya sa kaniyang post noong May 2019.
Sa pagbati ni Neri kay Chito noong kanilang huling anniversary noong December 2020, pabirong sinabi ng wais na misis sa kaniyang mister na gusto na niyang magkababy ulit.
“Thank you for being the best husband, the best father, at higit sa lahat, my best friend forever. I love you, I love you, I love you soooo much! Magbaby na ulit tayo! Hehe!”
Larawan mula sa Instagram ni Neri Naig
Kaya naman siguradong masayang-masaya ngayon ang pamilya at mga tagahanga ng mag-asawa. Congrats, Neri at Chito!