New Year’s resolution, isa sa patok na patok na usapin tuwing papasok ang bagong taon. Ngunit kahit trending isa naman ito sa mahirap sundin at mahirap i-achieve na goal na nakadepende din naman sa taong gumagawa nito.
New Year’s resolution gaano nga ba kahirap tuparin?
Ayon sa isang pag-aaral, lumabas na 77% ng may mga New Year’s resolution ang name-maintain ito sa loob ng isang linggo at bumabagsak sa 46% sa paglipas ng ilang buwan.
Ayon naman sa statistics ng Brain Research Institute, 8% lang sa kabuoang bilang ng taong mayroon nito ang nagtatagumpay na maisakatuparan ang New Year’s resolution nila. At kung gusto mong makabilang sa kokonting porsyento ng mga taong ito, narito ang ilang tips at paraan na maari mong gawin para maisakatuparan ang new year’s resolution mo.
8 tips para ma-achieve ang New Year’s resolution mo
1. I-post ito sa social media.
Ang pagpo-post ng iyong New Year’s resolution sa social media ay isang paraan para ma-challenge kang maisakaturapan ito habang nakabantay ang ilang taong malalapit sayo. Ang pagshe-share din ng iyong resolution sa iyong mga kaibigan o kaya naman ay kapamilya ay isang paraan para makakita ng taong may kaparehong goal na maari mong makasamang abutin ito. Sa pamamagitan nito, ang pag-abot sa goal mo ay mas nagiging madali at enjoyable. Ayon ito sa American Psychological Association (APA).
Mabuti rin kung alam ng mga tao na nasa paligid mo ang resolution mo para matulungan ka nilang umiwas sa mga bagay na maaring makasira upang hindi mo maisakatupan ito.
2. Gumawa ng pa-isa-isang New Year’s resolution.
Ayon kay Dr. Ian Newby-Clark, isang psychologist sa University of Guelph sa Canada. Para mas maisakatuparan mo ang resolution mo ay pumili lang ng isang dapat mong gawin at huwag itong pagsabay-sabayin. Dahil sa tayo ay tao lamang at limited lang ang kaya nating gawin kaya ang pagkakaroon ng multiple resolutions ay hindi magiging posible.
Maari ring magsimula sa pinakamaliit o pinakamadaling resolution dahil sa pagdaan ng araw ay magiging habit mo na ito at mas magiging madali na sayong gawin ang mas malalaki at mas mahihirap na resolution.
3. Pumili ng specific na goal
Mag-focus sa pagpili ng goal na achievable. Ibig sabihin, gumawa ng New Year’s resolution na realistic at makakaya mong kamtin. Halimbawa, imbes na gawin mo lang goal ang pagpapapayat, gumawa ka ng to-do-list ng mga exercise na plano mong gawin para ma-achieve ang iyong goal. Sa pamamagitan nito, magkakaroon ka ng oportunidad na planuhin kung paano mo ma-aachieve ang iyong goal sa buong taon.
Larawan mula sa Shutterstock
4. Pwedeng magkaroon ng break
Marami sa mga gumagawa ng New Year’s resolution ang nag-a-aim ng perfection na impossible, ayon parin iyan sa APA. Minsan sa hindi mo sinasadyang pagkakataon maari mong ma-miss ang isang araw para gawin ang resolution mo.
Ayon sa mga pag-aaral, kahit na huminto ang isang tao sa paggawa ng kaniyang New Year’s resolution ay maari niya paring ituloy ito kung gugustuhin niya paring ma-achieve ang goal niya. Ang pagkakaroon ng break naman ay hindi dahilan upang isipin na napunta sa wala ang mga unang araw na inilaan mo para gawin ito. Hindi rin ito dahilan upang itigil na ang pagsasakaturapan ng resolution mo bagkus isa lamang itong pahinga para may dagdag lakas kang gawin ang new year’s resolution mo sa susunod na mga araw.
5. Kung hindi kaya, mag-adjust sa resolutions mo.
Sa una ang paggawa ng New Year’s resolution ay mukhang exciting at isang challenge para sa iyo. Sa pagdaan nga ng araw mare-realize mong mahirap itong i-maintain.
Ngunit, hindi dapat ito maging dahilan upang itigil mo ng i-achieve ang goal mo. Imbis na maggive-up, mag-adjust o maglagay ka ng konting pagbabago sa new year’s resolution mo na mas magiging posible sa iyo na maisagawa. Ayon ito kay, Amy B. Scher, expert in mind-body healing and author of How To Heal Yourself When No One Else Can.
6. Magkaroon ng log.
Ayon sa isang pag-aaral ng University of Washington, ang pagmo-monitor ng iyong performance ay isang magandang paraan para mas ma-encourage at ma-insipire kang ma-achieve ang goals mo. Kaya para ma-track mo ang progess mo ay dapat kang magkaroon ng log ng mga pagbabagong nagagawa mo na may kaugnayan sa New Year’s resolution. Itala mo ang mga na-achieve mong goal kada araw.
Larawan mula sa Shutterstock
7. Magkaroon ng monetary commitment.
Isang pag-aaral naman ang nagsabi na ang pagkakaroon ng monetary commitment ay isang magandang paraan din para maisakatuparan mo ang new year’s resolution mo. Tulad nalang ng ilang beses ka dapat pumunta sa gym. Na kung saan may monetary value ang bawat araw na hindi mo magagawa ito. Sa ganitong paraan ay hindi mo lamang maachieve ang goals mo. Ngunit makakaipon ka rin ng cash reward kung matagumpay mong maisasagawa ito.
8. Tandaan na isang proseso ang pagbabago
Unti-untiin mong ma-achieve ang iyong goal. Hindi kailangang biglain. Dahil ang mga unhealthy at undesired habits na sinusubukan mong baguhin ay ilang taon din ang binubo para ma-develop. Kaya naman hindi rin ito basta-bastang mababago. Habaan ang pasensya sa sarili at unawain na ang pagbabago ay isang proseso na dapat daanan.
Maaaring matagalan ka sa pag-achieve ng iyong goals pero ang mahalaga ay mapagtahumpayan mo ito. Maging commited lamang sa pagbabagong nais makamit.
Updates by Jobelle Macayan
Basahin: Take the 52-week Ipon Challenge and save over Php130,000!