Nico Bolzico nakatanggap ng sweet na mensahe sa misis na si Solenn Heussaff sa kaniyang 39th birthday celebration.
Mababasa dito ang mga sumusunod:
- Mensahe ni Solenn Heussaff sa mister na si Nico Bolzico sa 39th birthday nito.
- Pagbubuntis ni Solenn sa pangalawang anak nila ni Nico Bolzico.
Mensahe ni Solenn Heussaff sa mister na si Nico Bolzico sa 39th birthday nito
Pagdating sa kakwelahan at tatag ng pagsasama, ang mag-asawang sina Solenn Heussaff at Nico Bolzico ang hinahangaan ng marami. Maliban sa mga kakatawanan at kakulitan na ginagawa nila, ay hindi rin papahuli ang dalawa sa pagpapakita ng pagmamahal nila sa isa’t isa.
Sa isang Instagram post ay may sweet na mensaheng ibinigay si Solenn Heussaff kay Nico na nagdiriwang ng 39th birthday nito.
Kalakip ng compilation ng mga videos nilang dalawa ay ipinarating ni Solenn sa mister kung ano ang naging impact ng presence nito sa buhay niya at sa kanilang pamilya.
“Last year in your 30s!!! This is it. Adulting time round 2. Happy birthday love!! Thank you for being the back bone of this family and always lifting me up.”
Ito ang panimulang sabi ni Solenn sa mister na si Nico. Sinundan niya ito ng matamis niyang “I love you” at paalala pa sa mister.
“Remember to believe in yourself as much as I do. I love you always and forever. Life wouldn’t be wild and fun without you.”
Ito ang sabi pa ni Solenn kay Nico.
View this post on Instagram
Si Nico agad namang nag-comment sa pagbati na ito ng misis sa kaniyang birthday.
“Excited to spend the rest of my Bdays w u and our girls!”
Ito ang reply ni Nico kay Solenn.
Ang mga celebrity friends ni Nico at Solenn nagpaabot rin ng pagbati sa social media celebrity.
iyavillania Happy birthday Nico!!!!
marcnelson Happy happy birthday @nicobolzico ! Hope you’re having Ana amazing one bud!
Ito ang pagbati ng ilan sa kanila.
Samantala, nitong Hulyo sa naging kaarawan ni Solenn ay may sweet na mensahe ring inalay si Nico para sa misis. Pero maliban sa nakakatuwa at sweet niyang mensahe kay Solenn ay mas hinangaan ng marami ang kalakip nitong regalo. Ito ay isang string art na gawa pa ng kaibigan ni Nico na mula pang Brazil.
View this post on Instagram
“Happy Birthday to the best mama and life partner!”
“Thank you for loving us unconditionally, thank you for always being present, thank you for taking care of us, thank you for not kicking #ElPadre out (even when he deserves it), thank you for being the best example of a good person, thank you for giving us a sibling, but mostly, thank you for being YOU and choosing US everyday.”
“A little bit of a different present this time, made by my friend @luishenri.q from Campinas Brazil!”
Ito naman ang birthday message ni Nico sa misis na si Solenn noong Hulyo.
Pagbubuntis ni Solenn sa pangalawang anak nila ni Nico
Sa ngayon si Solenn ay 29 weeks ng buntis sa pangalawang anak nila ni Nico. Ang pagbubuntis ni Solenn ay ibinahagi nila sa publiko sa pamamagitan parin ng Instagram.
Si Nico ginawa ang pag-aanunsyo sa pagbubuntis ni Solenn sa nakakatuwang paraan. Ito ay sa pamamagitan ng X-ray kung saan makikitang may baby sa loob ng tiyan ni Solenn.
Kamakailan lang ay ibinahagi rin nila ang gender naman ng kanilang baby sa kakaiba pa ring paraan.
Larawan kuha mula sa Instagram account ni Solenn Heusaff
Sa pamamagitan parin ng Instagram ini-reveal ng mag-asawa ang gender ng kanilang pangalawang anak. Ito ay sa pamamagitan ng isang video na makikitang nagsimula sa solong kuha ni Nico na tila may kinakausap. Ang topic ng kanilang usapan ay tungkol sa pagbo-boyfriend.
“I know you’re very young, but you are my daughter, and we need to have this conversation about boyfriends.”
Ito ang panimulang sabi ni Nico na kung aakalain mo ay nakikipag-usap sa panganay nila ni Solenn na si Thylane. Pero nang mag-zoom in ang camera si Nico ang kinakausap pala ay ang baby sa sinapupunan ni Solenn. Ito ang cue na ang baby na dinadal ni Solenn ay isang babae.
“Don’t worry, I’ll make it short. You cannot have a boyfriend until you’re 23 years old. Love you!”
Ito ang pagpapatuloy pa ni Nico na sinundan ng halik sa tiyan ni Solenn.
Si Solenn naman humarap sa camera at ngumiti.
Samantala, sa isang panayam ay sinabi ni Solenn na Marso ngayong taon noong malaman niyang siya ay nagdadalang-tao. Pag-amin niya ay wala ito sa plano nila ni Nico. Kung tutuusin ay napaaga daw ito dahil sa susunod na taon pa sana nila balak sundan ang panganay nilang si Thylane.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
