17 na paraan kung paano mawawala ang eyebags

17 na paraan kung paano mawawala ang eyebags

Iba't-ibang produkto nagsasabing kaya tanggalin ang eyebags ngunit hindi laging epektibo, pero ito ang ilang mabisang paraan kung paano mawala ang eyebags.

Nagkalat na ang iba’t-ibang produkto na nagsasabing kayang tanggalin ang eyebags ngunit hindi laging epektibo ang mga ito.

Ang pag-inom ng maraming tubig at pag-cold compress sa mga mata ay mabisang paraan ngunit panandalian lamang. Paulit-ulit paring bumabalik ang eyebags lalo na kung may kinalaman ito sa lahi ng tao.

Kasama ang paga-adjust ng lifestyle, ito ang ilang mabisang paraan kung paano mawala ang eyebags.

Paano mawala ang eyebags? Subukan ang mga ito:

Gamitan ng tea bags
paano mawala ang eyebags

Image: Freepik

Ang caffeine sa tsaa ay ay naglalaman ng mabisang antioxidant na nakatutulong sa pagdaloy ng dugo.

Nasasabi rin na nakakatulong ito bilang proteksyon sa UV rays at pampabagal ng pagtanda. Ang green tea ang sinasabi ng mga eksperto na pinaka-mabisa dahil sa anti-inflammatory effects nito.

Ang dapat gawin ay:

  1. Magbabad ng dalawang tsaa nang 3 hanggang 5 minuto.
  2. Palamigin sa refrigerator ang mga teabags nang 20 minuto.
  3. Pigain ang sobrang tsaa mula sa mga bags bago ipatong sa mga mata.
  4. Iwanan na nakapatong sa mga mata nang 15 hanggang 30 na minuto.

 

Mag-cold compress

Imbes na gumastos pa sa pagbili ng mga cream na nagsasabing nagtatanggal ng eyebags, maaaring gumamit ng mga bagay mula sa bahay.

Ang pagpapalamig at pagpatong sa mata ng mga ito ay mabisang nakakatulong sa pagdaloy ng dugo at mabilis na nakakapagtanggal ng eyebags.

Ang mga maaaring gamitin pang-cold compress sa bahay ay:

  • Pinalamig na kutsarita
  • Pinalamig na mga hiniwang pipino
  • Basang basahan
  • Supot ng nagyelong mga gulay

Balutin ang mapipili sa isang tela para maiwasan ang sobrang paglamig ng balat. Ilang minuto lamang ang kailangan para makita ang resulta nito.

 

Tanggalin ang bara sa sinus gamit ang neti pot
paano mawala ang eyebags

Image: Amazon

May ilang mga nagsasabi na ang pagtanggal ng bara sa sinus ay mabisang paraan kung paano mawawala ang eyebags.

Ang neti pot ay isang kagamitan na nilalagyan ng normal saline solution. Ilalagay ang labasan ng tubig sa may ilong upang mabugahan ang sinus na magtutulak sa bara palabas.

Ang dapat gawin ay:

  1. Lagyan ang netipot ng solution. Maaari rin gumamit ng 1/2 kustaritang asin na hinalo sa 1 cup ng tubig. Initin ang tubig hanggang matunaw ang asin at palamigin hanggang maging kasing init ng katawan.
  2. Itagilid ang ulo nang nakatapat sa lababo. Itutok ang labasan ng tubig ng netipot sa mas mataas na butas ng ilong.
  3. Huminga sa bibig habang dahan dahang binubuhos ang solusyon sa isang butas ng ilong. Dapat ay lumalabas sa kabilang butas ang solusyon.
  4. Ulitin ang proseso sa kabilang butas ng ilong.
  5. Hugasan ang neti pot at patuyuin bago itago.

 

Uminom ng maraming tubig

Ayon sa mga eksperto, ang tamang dami ng naiinom na tubig ay 13 baso para sa mga kalalakihan at 9 na baso para sa mga babae.

Ang pag-inom ng ganito karaming tubig ay makakatulong kung paano mawala ang eyebags at makalaban pa sa dehydration.

Para sa mga hindi mahilig sa tubig, ang magandang balita ay kahit anong naiinom ay maaaring ibilang sa mga naiinom na tubig sa isang araw.

Paalala lang na ang tubig parin ang pinaka-natural sa lahat ng mga inumin at mababa pa ang calories. Maaaring uminom ng sparkling water, flavored water o tubig na may halong prutas.

Ang tsaa na decaffeinated, malamig o mainit man, ay mabisa rin.

 

Uminom ng antihistamine
paano mawala ang eyebags

Image: Freepik

Ang pagkakaroon ng allergy ay maaaring sanhi ng pagkakaroon ng eyebags.

Dagdag pa dito ang namumula, nagluluha o makakating mga mata. Ito ay ang panlaban ng immune system sa mga allergens. Mabuting magpa-konsulta sa duktor kung para sa mga over-the-counter na medisina panlaban sa allergy.

 

Gumamit ng retinol cream

Maraming iba’t ibang gamit ang retinol cream.

Ang Vitamin A nito ang pinaka-mabisang sangkap nito. Maaari itong gamitin sa iba’t ibang bagay tulad nalang ng para sa:

  • Tigyawat
  • Psoriasis
  • Anti-aging
  • Kanser

Ang retinol cream ay nakakatulong sa collagen deficiency. May mga mabibili nito na may masmababang bilang ng retinol habang ang may mas mataas na bilang naman ay kinakailangan ng reseta ng dermatologist. Ipapahid ito isang beses sa isang araw, isa’t kahalating oras matapos maghilamos.

 

Paggamit ng produktong pampaputi

Ang sangkap na hydroquine ng mga pampa-puti ay nakaka-harang sa paglikha ng melanin sa balat. Dahil dito, nakakatulong ito kung paano mawala ang eyebags.

Tulad ng retinol cream, madaling makakabili ng mga pampa-puting produkto na mababa ang hydroquine. Sa mas mataas na hydroquine, kakailanganin ng reseta ng dermatologist.

Kailangang alalahanin na ang positibong epekto ng mga produktong ito ay hindi nagiging maganda kapag nabibilad sa araw. Dahil dito, pinapayo na ang pag-gamit nito ay sa gabi gawin. Kapag nakaramdam ng pagka-tuyo ng balat, iritasyon, o iba pang problema sa balat, itigil ang pag-gamit.

 

Gumamit ng sunscreen
paano mawala ang eyebags

Image: Freepik

Dahil nakakatulong ang sunscreen sa pagpigil ng premature aging, kanser sa balat at discoloration, hindi malayong makakatulong din ito sa kung paano mawala ang eyebags.

Ayon sa American Academy of Dermatology, araw-araw dapat ang paggamit ng sunscreen. Dapat pumili ng may proteksyon sa UVA at UVB. Dapat din ay hindi bababa sa SPF 30 at heat & water resistant.

 

Magtanong sa duktor tungkol sa microneedling

Ang microneedling ay kilala bilang collagen induction therapy. Ayon sa iba, ito raw ay nakakatanggal ng kulubot, peklat, at problema sa pigments. Dahil dito, nakikilala narin ito bilang nakakapagpa-wala ng eyebags.

Ang paraan na ito ay ginagamitan ng 5 karayom na tinutusok sa balat. Kadalasan ginagawa nang 6 na beses na may pagitan na isang buwan para makumpleto ang proseso.

Ang mga panganib na dala ng microneedling ay:

  • Pagdurugo
  • Pagpapasa
  • Impeksiyon
  • Peklat

 

Magtanggal ng makeup bago matulog
paano mawala ang eyebags

Image: Freepik

Ang pag-ayos ng karaniwang gawain bago matulog ay nakakatulong sa kung paano mawala ang eyebags. Importante na linisin ang mukha bago matulog.

Ayon sa mga eksperto, ang pagtulog nang may make-up sa mukha ay ang paglantad ng balat sa free radicals. Ang free radicals ay posibleng maging sanhi ng oxidative stress na nagiging daan ng premature aging.

 

Itaas ang ulo sa pagtulog

Ang paggamit ng 2 unan na magkapatong para sa ulo ay mabisang paraan para mawala ang eyebags. Ang pag-angat ng ulo ay nakakapagpigil ng pagkolekta ng dugo sa ilalim ng mata na dahilan ng pamamaga ng mata sa pagtulog.

Kung masakit para sa leeg ang pag-angat ng ulo, maaari rin itaas ang ibabaw na bahagi ng katawan nang ilang pulgada.

 

Matulog nang halos 8 oras
paano mawala ang eyebags

Image: Freepik

Ang pagkapuyat ay hindi nagiging sanhi ng eyebags.

Ngunit dahil nagiging maputla ang kulang sa tulog, madaling lumilitaw ang eyebags. Dahil dito, magandang makakuha ang mga matatanda ng 7 hanggang 8 oras ng tulog sa gabi.

 

Kumain ng mga mataas ang collagen na pagkain

Sa pagtanda ng tao, ang mga muscles at tissue na humahawak sa mga talukap ng mata ay humihina. Dahil dito, ang balat ay unti-unting bumababa. Kasama dito ang fat sa paligid ng mata na nagiging sanhi ng pagkakaroon ng eyebags.

Ang pag-inom ng Vitamin C ay nakakatulog sa katawan sa pagtanggap ng hyaluronic acid, na natatago sa katawan ng tao ngunit bumababa sa pagtanda. Nakakatulong din ito sa produksyon ng collagen at sa pagtaas nito ng hyaluronic acid.

Ang mga magagandang mapagkukunan ng Vitamin C ay:

  • Orange
  • Red pepper
  • Kale
  • Brussels sprout
  • Broccoli
  • Strawberry

 

Kumain ng mga mataas ang iron

Ang iron deficiency anemia ay kundisyon na kinukulang ang katawan ng red blood cells. Maaari itong sanhi ng pagkakaroon ng eyebags pati pamumutla. Ang iba pang sintomas nito ay:

  • Malutong na mga kuko
  • Malalamig na kamay at paa
  • Sobrang pagkapagod

Ang mga pagkain na mainam kainin upang makatulong sa iron deficiency ay:

  • Red meat, baboy o manok
  • Seafood
  • Beans
  • Madahon na mga gulay
  • Raisin, apricot at iba pang pinatuyong prutas
  • Mga pagkain na pina-patibay  ang iron tulad ng cereals, tinapay at pastaMa
  • Peas

 

Bawasan ang pagkain ng maaalat

Ang pagkain ng maaalat ay nakakadagdag sa fluid retention ng katawan. Maaari rin itong maging rason sa sakit sa puso at stroke. Ayon sa American Heart Association, 2,300 mg lamang o mas kaunti pa ang dapat nakakain ng tao sa isang araw.

Ang isang mabisang paraan para madaling matanggal ang asin sa mga kinakain ay ang pag-iwas sa mga packaged at processed na pagkain. Masmainam ang pagkain ng prutas at gulay kung saan madidikta ang dami ng asin na ilalagay.

 

Bawasan ang pag-inom ng alcoholic na inumin
paano mawala ang eyebags

Image: Freepik

Ang pag-inom ng alcoholic na inumin ay nakaka-ambag sa dehydration ng isang tao. Ang dehydration na ito ang nagiging rason kaya nagkakaroon ng eyebags.

 

Itigil ang paninigarilyo

Ang paninigarilyo ay nakaka-ubos sa Vitamin C ng katawan. Dahil sa kakulangan ng Vitamin C, maaaring magkaroon ng kulubot sa mukha, discoloration, pati na eyebags. Maliban sa pagpapaganda sa balat, marami pang ibang benepisyo sa kalusugan ang pag-tigil sa paninigarilyo.

Maaaring makaranas ng nicotine withdrawal sa mga unang linggo ng biglaang pagtigil sa paninigarilyo. Ang mga sintomas na ito ay naawawala rin makalipas ang 10 hanggang 14 na araw.

 

Kadalasan, ang sanhi ng pagkakaroon ng eyebags ay hindi malubha at madaling magagamot sa mga kabahayan. Ngunit, kung ang pagkakaroon ng eyebag ay sa isang mata lamang o lumalala habang tumatagal, magpa-konsulta na sa duktor.

 

Source: Healthline

Basahin: STUDY: First-time moms, hindi natatapos ang pagpupuyat hanggang mag-6 years old si baby

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner