Mag-aaya kaya siya? Dapat bang mauna na ako? Ito ang mga katanungang parehong ang mister at misis ay minsan nang naitanong pagdating sa kung sino ang magsisimulang mag-initiate ng pakikipagtalik.
Nahihirapan tayo kung ano ba ang kahulugan na ipinapahiwatig ni mister o misis, misan pala ay pakikipagtalik pala ang ibig sabihin nun.
Kumbaga isa rin ito sa challenging part ng pakikipagsex. May mga tao kasing gustong sila ang unang mag-aaya at mayroon din namang gustong sila ang unang inaaaya.
Sa lalaki’t babae, sino nga kaya ang mas madalas na nauunang mag-initiate sa pakikipag-sex?
Mga mababasa sa artikulong ito:
- Bakit mahirap ang mag-initiate pakikipagtalik
- Sino nga ba ang nauunang mag-aya ng sex? Babae o lalaki?
- Mga tips upang mapadali ang mag-initiate sa sex
Kahulugan ng pagkikipagtalik sa mag-asawa
Mahalaga ang pakikipagtalik o sex sa mag-asawa, isa ito sa nagbibigay ng intimacy sa isang pagsasama at connection sa mga magkarelasyon. Kaya naman mahalaga rin na bigyan ito ng pansin at maglaan para rito.
Subalit minsan ang problema ay hindi alam ng mga mag-asawa kung paano ba mag-initiate ng pakikipagtalik, o ang kahulugan ba ng pahiwatig ni misis o mister ay pakikipagtalik. Ang tanong sino ng ba ang madalas unang na-aayang makipagtalik sa mga mag-asawa si misis ba o si mister? Ito ang sagot ayon sa study.
Bakit mahirap ang mag-initiate pakikipagtalik
Sa pag-iinitiate ng pakikipagtalik mapapasabi ka na lang ng, “the struggle is real!”
Sa tradisyunal na pagtingin sa magkarelasyon parehong straight ay palaging ang kalalakihan ang dapat na “initiators” at kababaihan naman ang “gatekeepers” pagdating sa usapin ng sex. Ang ganitong usapin ay inaral ng researcher na si Justin J. Lehmiller Ph. D.
Ayon sa kaniyang data ang “religious” beliefs umano ay may malaking ambag sa factor ng pag-aaya ng sex lalo na sa mga kababaihan. Nalaman nilang ang mga heterosexual na kababaihan na religious ay mas madalang mag-aya kumpara sa mga hindi na affiliated sa kahit anong relihiyon.
Larawan mula sa Shutterstock
Sa mga kalalakihan naman, hindi gaanong factor ang relihiyon pagdating sa usapin ng pag-aaya ng sex. Ang may malaking factor ay ang mga kultural na ideya ng masculinity kaysa sa relihiyon.
Mula rin sa data ni Lehmiller, ang mga taong madalas mag-aya ay iyong mga extraverted o mga outgoing at sociable. Sila kasi ang mas stable at confidence pagdating sa pag-aaya ng intimacy.
Mayroon silang positive attitudes pagdating sa pakikipagtalik. Ang mga tao namang hindi extraverted ay takot mag-aya dahil natatakot sila sa rejection na maaaring matanggap.
BASAHIN:
8 na dahilan kung bakit mahalaga sa mag-asawa ang “eye contact” sa pagtatalik
Moms confess: Ito ang favorite nilang position kapag nagtatalik
6 mistakes na ‘di mo alam na nagagawa mo kaya nagiging boring ang pagtatalik niyong mag-asawa
Sino nga ba ang nauunang mag-aya ng sex? Babae o lalaki?
Sa kanyang research, nakita sa data na ang heterosexual na mga lalaki ay mas madalas mag-aya kaysa sa mga heterosexual na babae.
Tinatayang nasa 28% lamang ang kababaihang initiators ng sex kumpara sa 50% na kalalakihan. Sa kabuuan halos padoble na rin ang lamang ng mga kalalakihang mas nag-aayang makipagtalik.
Larawan mula sa Shutterstock
Sa mga patasya, kabaliktaran ang mga numerong ito. Ang porsyento ng mga kababaihang nagsabing sila ay initiators ng sex ay tumataas ng 25% kumpara sa reyalidad.
Samantalang bumaba naman ng 15% sa mga kalalakihan ang nagsasabing sila ang initiators. Nangangahulugan lamang ang mga numerong ito na natuturn on ang mga babae sa ideyang sila ang parating nag-aaya.
Habang ang mga lalaki naman ay natuturn-on sa ideyang ang mga partner nilang babae ang nag-aaya.
Mga tips upang mapadali ang mag-initiate sa sex
Kung pareho kayong nahihirapang mag-aya sa pakikipagsex, huwag mag-alala maaaring gawan ‘yan ng paraan. Ito ang ilang mga tips na aming inilista para sa iyong mag-asawa sa pag-iniitiate ng pakikipagtalik alamin kahulugan ng mga pahiwatig na ito.
1. Mag-sexual check-in sa iyong partner.
Palaging i-check ang kalagayan ng iyong partner. Alamin kung nasa mabuting kalagayan ba siya o may pinagdadaanan kaya hindi nag-aaya. Ilan sa pwedeng ikonsidera ay depression, stress, at anxiety.
Maaari ring masama ang pakiramdam at may masakit sa kanila sa tuwing nagtatalik. Baka tinitiis niya na lang pala ang ilan sa sakit na nararamdaman niya sa tuwing nakikipagtalik at hindi na kayang indahin pa kaya naman tumitigil na sa kanyang pag-aaya.
Magandang maunawaan ang isa’t isa upang magkaroon ng epektibong solusyon dito.
Larawan mula sa Shutterstock
2. Alamin ang mga initiation cues.
Baka nauna na palang mag-aya si partner at hindi mo lang napapansin. Kung minsan pa ay akala mo’y nang-aasar lang at nakakairita ang mga ginagawa niya pero iyon pala ay gusto lamang makipagloving-loving sa iyo.
Dapat ay bawasan mo rin ang iyong pagiging insensitive when it comes to sex. Baka napapahiya na pala si partner dahil nauna siyang nag-aya pero nagalit ka pa.
3. Tiyempuhan ang tamang oras.
Iba-iba ang oras na maaaring mas malakas ang loob ng tao na mag-initiate. Mayroong mas na hohorny sa umaga habang mayroon namang nararamdaman ito sa hapon, gabi o madaling araw. Kaya kadalasan hindi nagtutugma ang mood ng dalawang magpartner, kaya rin mahalaga ang maunawaan ang isa’t isa.
Larawan mula sa Shutterstock
4. Trust the process.
Iwasan ang “let’s have sex right now!” Kinakailangan ng tamang panahon upang pareho kayong maarouse ni partner sa isa’t isa. Dapat na mabago ang mindset na kung isa ay nasa mood ay dapat nasa mood din ang isa sa pakikipagtalik.
Hayaang kusang mabuild na ang arousal at mahorny kayong dalawa. Sa ganitong paraan mas magkakaroon din kayo ng mas masarap at masayang sex life.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
TAP Picks
Shopping
Community
Rewards
