Parati nating naririnig na may mga batang kini-kidnap ng mga sindikato at pinupwersang maging palaboy at mamalimos sa kalsada. Kaya naman pinapaalalahanan namin ang mga magulang na may mga masasamang loob talaga na nagkakaroon ng ganitong operasyon sa iba’t ibang lugar. Mainam na maging alerto parati.
Palaboy
Hindi lang dito sa atin nangyayari ang mga kasong ginagawang batang kalsada ang mga bata kundi sa ibang bansa rin. Katulad na lang ng istorya ng isang 5-taong gulang na babae sa Jakarta, Indonesia—kung saan nagiging madalas na ang pagkuha ng mga bata upang “pagtrabahuin” bilang pulubi.
Ayon sa mga pulis, ang modus ng pamamalimos ng mga ito ay sumasakay sa tren at bumababa sa mga istasyon upang mamalimos. Kapag natapos, lumilipat naman sila sa susunod na istasyon. Umaabot daw ng hanggang sampung istasyon ng tren ang napupuntahang ng mga batang palaboy.
Sa kaso ng 5-anyos na bata, kinuha siya ng isang 37-anyos na lalaki na nagngangalang Herman. Pinuwersa ng lalaki ang bata na mamalimos upang “bayaran” ang kanilang gagastusin para maibiyahe siya papuntang Sumatra. Walang magawa ang bata kundi sumunod dahil parating may dalang kutsilyo ang suspek.
Sa kabutihang palad, nahuli si Herman sampung araw matapos ang kidnapping.
Kilala ng pamilya ng bata ang suspek
Ayon sa mga pulis, hindi pala estranghero si Herman sa pamilya ng bata. Nakatira ang 5-taong gulang sa bahay ng kaniyang lola, kung saan doon parati iniiwan ni Herman ang mga gamit niya. Kinuha raw ni Herman ang loob ng bata sa pamamagitan ng pagbibigay dito ng candy at pagkain hanggang sa na-kidnap na niya ito at sinubukang dalihin sa ibang siyudad.
Nang dalihin ni Herman ang bata sa Pariaman, pinagsuspetyahan si Herman ng mga kapitbahay na hindi niya anak ang kasama niya dahil sa paraan kung pano nito tratuhin ang bata. Hanggang sa may isang concerned citizen na ni-report si Herman sa mga pulis. Sinimulan ng mga awtoridad ang imbestigasyon sa suspek at napag-alaman ang katotohanan—mayroon na rin pa lang dating kaso si Herman ng kidnapping.
Para sa kaniyang krimen, huharap si Herman ng at least tatlong taon na pagkakakulong hanggang 15 taon. Magmumulta rin siya ng 40-223 milyong piso.
Safety tips para maiwasan ang ganitong insidente
Maraming paraan upang maka-iwas sa ganitong insidente:
- Kung nakakapagsalita na ang bata, turuan itong sabihin ang kaniyang buong pangalan, pangalan ng magulan, at ang kaniyang tirahan.
- Parating bantayan ang bata. Huwag hayaan na mawala sa paningin ang bata mas lalo na sa mga pampublikong lugar.
- Paalalahanan ang bata na huwag kumuha ng kahit ano mula sa strangers.
- Huwag mag-post ng sensitibong impormasyon tungkol sa mga anak sa social media—lalo na ang lugar ng tirahan, paaralan, at kung saan parating pumupunta.
- Magkaroon updated picture ng bata. Ugalihing kuhaan ng picture ang bata mas lalo na kung lalabas sa pampublikong lugar. Para kung mawala man siya, alam agad kung ano ang suot at ang itsura. Alamin din ang kaniyang mga natatanging features (balat o nunal), tangkad at timbang para madaling ma-identify kung siya nga ba ito.
- Kung pupunta sa abroad, alaming mabuti kung safe ba ang lugar o kung may mga insidente rin ba ng kidnapping. Maging mapagmasid. Alertuhin ang pamilya kung saan puwedeng magkita in case magkawalaan o may emergency.
- Kapag nawala ang bata, ipagbigay alam agad sa awtoridad. Huwag mag atubili.
Safety tip: mahilig tumakbo ang mga bata; siguraduhin binabantayan ito. | Image Source: Stock Photos
References: KidGuard
Isinalin mula sa wikang Ingles ni Candice Venturanza
https://sg.theasianparent.com/safety-tips-to-prevent-kidnapping
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
