STUDY: Mas mabilis maglakad, mas mahaba ang buhay

STUDY: Mas mabilis maglakad, mas mahaba ang buhay

Ayon sa isang pag-aaral, pampahaba ng buhay daw ang paglalakad ng mabilis at makakatulong para makaiwas sa pagkakaroon ng heart disease.

Pampahaba ng buhay ba ang hanap mo? Pwes maglakad ka na ng mabilis! Ayon sa isang pag-aaral, isa daw ito sa mga sikreto para mas maging healthy at mahaba ang buhay ng isang tao.

Paglalakad nang mabilis bilang pampahaba ng buhay

Isang bagong pag-aaral ang nagsasabing ang paglalakad nang mabilis ay pampahaba ng buhay. At ito daw ay regardless mataba ka man o payat.

Ang paglalakad rin daw ng mabilis ay makakatulong para makaiwas sa sakit dulot ng inactivity gaya ng heart disease at obesity.

Ito ang natuklasan ng mga researchers mula sa Leicester University matapos pag-aralan ang gathered data ng 474,919 na tao na may edad 52-anyos mula 2006-2016 sa UK Biobank.

Dagdag pa ng pag-aaral, ang mga babae umanong mabilis maglakad ay may life expectancy na 86.7 to 87.8 years old. Samantalang ang mga lalaki naman na mabilis maglakad ay may life expectancy na 85.2 to 86.8 years old.

Ang mga babaeng mabagal naman maglakad ay bumababa ang life expectancy ng 72.4 years old at 64.8 years old naman para sa mga lalaki.

Ang life expectancy ratio din daw na ito ay applicable kahit na severely o morbidly overweight ang isang tao.

Paliwanag ng pag-aaral na kamakailan lang ay na-publish sa journal ng Mayo Clinic Proceedings, hindi naman nangangahulugan ito na mabubuhay nang mas matagal ang mga fast walkers o mabibilis maglakad. Bagkus, ipinapakita nito ang correlation o ugnayan ng pagkakaroon ng magandang kalusugan kung ikaw ay physically fit sa tulong ng mabilis na paglalakad.

Pampahaba ng buhay ang paglalakad ng mabilis

Image from Freepik

Iba pang pag-aaral tungkol sa mabilis na paglalakad

Hindi lamang ito ang unang pag-aaral na nagpapakita ng magandang epekto ng mabilis na paglalakad sa kalusugan ng isang tao.

Sa isang 2011 study na inilathala naman sa Journal of the American Medical Association o JAMA, una ng sinabi ng geriatric medicine professor na si Stephanie Studenski ng University of Pittsburgh na ang walking speed ay isang magandang predictor ng life expectancy ng isang tao.

Noong 2013 naman ay natuklasan ng mga US researchers na ang walking pace ay may kaugnayan sa pagbaba ng tiyansa ng pagkakaroon ng heart disease. Sinuportahan din ng pag-aaral na ang mabilis na paglalakad ay isang paraan ng magandang pampahaba ng buhay exercise.

Samantala noong 2018, isang pag-aaral mula sa University of Sydney naman ang nagsabing ang mabilis na paglalakad ay nagpapaba ng tiyansa ng premature death.

Noong 2017 ay una naring natuklasan ng physical activity professor na si Tom Yates na ang walking speed ay nakakaapekto sa pagkakaroon ng tiyansa ng isang tao na mamatay dahil sa heart disease. Siya rin ang lead author ng latest study tungkol sa mabilis na paglalakad at pampahaba ng buhay relationship.

Dagdag pa ni Prof. Yates ay nadodoble daw ang tiyansa ng mga slow walkers kumpara sa fast walkers na mag-suffer sa heart-related death.

Ang mga findings daw na ito ay tumutulong sa pagpapatunay ng uganayan at kahalagahan ng pagiging physically fit sa life expectancy ng isang tao kaysa sa body weight nito, dagdag ni Prof. Yates.

Para kay Dr. Francesco Zaccardi, isang clinical epidemiologist at co-author ng ginawang pag-aaral, ipinapakita rin ng bagong pag-aaral ang impact ng physical fitness sa mortality rate sa pamamagitan ng mga relative risk.

Kaya ano pang hinihintay mo? I-enjoy at mas pahabain pa ang iyong buhay! Huwag ng magpabagal-bagal at maglakad na nang mabilis!

 

Source: DailyMail UK

Basahin: STUDY: Mas humahaba raw ang buhay kapag masaya ang mag-asawa

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner