Pampasikip ng ari: Narito ang mga paraan kung paano sisikip ang ari o makakamit ang vaginal tightening na mas magpapasarap ng pagsasama ninyo ni Mister.
Ang masarap na pagtatalik ay pundasyon at sikreto ng isang masaya at matibay na relasyon. Maliban nga sa pagiging active at always on-the-go ng isang magkapares o mag-asawa, isa sa mga mas nagpapasarap ng pagtatalik ay kapag masikip ang pwerta o ari ng babae. Ito ay dahil nagbibigay ito ng ibayong kaligayahan sa mga lalake at dagdag na kiliti naman sa mga babae. Pero hindi tulad sa una, sa pagdaan ng mga taon ng pagsasama ay lumuluwag ang ari ng mga babae. May mga paniniwalang epekto ito ng labis na pagtatalik. Pero paliwanag ng siyensya, ito ay normal lang lalo na kung ang isang babae ay dumaan o nakakaranas ng sumusunod na kondisyon:
Mga dahilan kung bakit lumuluwag ang ari ng mga babae
Age o edad
Ayon sa Healthline, isa sa mga nakakaapekto ng vagina elasticity ng mga babae ay ang edad. Mapapansin nga daw ito kapag tumungtong na sa edad na 40 ang isang babae. Dito na kasi nagsisimulang bumaba ang estrogen level ng kaniyang katawan. At ito ay palatandaan na papasok na siya sa perimenopausal stage. Maliban nga sa pagiging maluwag o less stretchy na ari ay maging less acidic o tuyo rin ang ari hindi tulad ng dati.
Childbirth o pangangak
Sa kada panganganak ng isang babae ay lumuluwag rin ang kaniyang ari. Dahil ito sa pressure sa kaniyang pelvic muscles sa tuwing umiire upang mailabas ang kaniyang sanggol. Sa katunayan para maiwasan ito ay may ilang babae ang pinipili ang cesarean delivery para ma-preserve ang sikip ng kanilang ari. Pero paliwanag ng siyensya, ito ay hindi maiiwasan. Dahil sa mismong pagbubuntis palang ang lumalaking sanggol sa sinapupunan ay nagdudulot na ng pressure sa pelvis muscles ng kaniyang ina. At ito ay nakakaapekto sa sikip ng opening ng kaniyang vagina. Maliban sa pagbabago sa sikip ng ari ay mapapansin ring magbabago ang itsura nito sa kada panganganak.
Medical conditions
Ang pagluwag ng ari ng isang babae ay maaring dulot rin ng isang medikal na kondisyon. Tulad ng nauna ng nabanggit, ito ay maaring dahil sa pag-memenopause. O kaya naman ay dahil sa pagkakaroon ng cysts o ilang uri ng cancers.
Pampasikip ng ari o vaginal tightening
Bagamat ang pagluwag ng ari ng mga babae ay normal niya lang na mararanasan, may mga paraan naman kung paano ito pasikipin at ibalik muli sa dati nitong lakas. Maaring ito nga ay sa pamamagitan ng natural na paraan o kaya naman ay sa pamamagitan ng surgery. Ang mga paraan na ito nga ay ang sumusunod:
Ang pagsasagawa ng pelvic exercises ay isa sa pinakamabisang pampasikip ng ari. Ito ay magagawa sa sumusunod na paraan:
Image from Freepik
Kegel exercise
Para maisagawa ang kegel exercise ay dapat umihi muna o siguraduhing walang laman ang iyong bladder. Ito ay maaring isagawa sa kahit anumang position bagamat maraming babae ang mas pinipiling gawin ito ng nakahiga. Kapag nakaposisyon na ay kontrolin o pasikipin ang iyong pelvic muscles. Ito ay ang pareho mong ginagawa sa tuwing nagpipigil ng ihi. Manatili sa ganitong kondisyon sa loob ng 5 segundo. Magpahinga ng 5 segundo at ulitin muli ang exercise ng sunod na 5 segundo. Gawin ito ng limang beses.
Sa pagtagal ay maaring gawing 10 segundo ang 5 segundong pagpipigil o contractions sa iyong pelvic muscles. Magsagawa ng 3 sets nito lima hanggang sa 10 beses sa isang araw.
Pelvic tilt exercises
Para maisagawa ang pelvic tilt exercise ay tumayo ng patalikod sa isang dingding o pader. Panatilihing malambot ang iyong mga tuhod. Saka magpigil ng hininga sa pamamagitan ng paghatak papasok o patalikod ng iyong pusod. Sa pagsasagawa nito ay dapat pantay na lalapat ang iyong likod sa dingding o pader. Manatili sa ganitong posisyon sa loob ng 4 segundo saka bumitaw. Gawin ito ng lima hanggang sampung beses sa loob ng isang araw.
Yoga at pilates
Ang pagsasagawa ng yoga at pilates ay isa ring mabisang paraan ng vaginal tightening o pampasikip ng ari method. Para sa yoga ay gawin ang mountain at standing forward pose. Para sa pilates ay incorporate naman ang bridge sa iyong pelvic floor exercise.
Vaginal cones
Maari ring gumamit ng mga vaginal cone. Ito ay ang may kabigatan at tampon-sized na bagay na ilalagay sa loob ng iyong vagina na iyong pipigilan o i-hohold upang hindi malaglag. Sa pamamagitan nito ay nai-exercise o mas lumakas ang iyong vaginal muscle.
Pagkain ng masusustansiyang pagkain
Image from Freepik
Ang pagkain ng masusustansyang pagkain ay isang paraan rin upang mapanatiling masikip ang ari ng mga babae. Mahalagang kumain ng mga pagkaing mag-iiwas sa impeksyon upang ito ay mangyari. Tulad ng green tea na nakakatulong upang maiwasan ang urinary tract infection at para mapuksa ang mga bad bacteria. Makakatulong rin ang pagkain ng mga probiotics tulad ng yogurt, kimchi, miso at tempeh para mapanatiling malusog ang vagina.
Vaginoplasty o labiaplasty
May mga vaginal tightening medical procedures rin ang maaring maisagawa upang maibalik sa dati ang sikip ng ari ng mga babae. Ito ay ang vaginoplasty o labiaplasty na kung saan sumasailalim ang mga sumusunod na surgical procedures:
- Vaginal rejuvenation o ang surgical procedure na kung saan pasisikipin ang vaginal walls ng isang babae.
- Revirgination o ang surgery na isinasagawa upang i-repair ang hymen at ibalik ito sa dati nitong itsura at kondisyon.
- Clitoral unhooding o ang pag-aalis sa tissue na tumatakip sa clitoris.
- G-spot amplification o ang pag-iinject ng collagen sa front wall ng vagina na nakakapagdagdag umano ng sarap sa pakikipatalik.
Source:
theAsianparent SG, WebMD, Healthline
Basahin: