Kailangan ni mister: S’ya ay igalang
Kailangan ni misis: S’ya ay mahalin
Karamihan sa mga kalalakihan ay naniniwala na ang isa sa pinakamahalang bagay sa isang pagsasama ay ang respeto sa isa’t isa. Para sa kanila, ang sila ay igalang ay kabahagi ng pag-ibig para sa kanila. Ang maramdaman na sila ay iginagalang sa isang relasyon ay nagpaparamdam sa kanila na sila ay pinahahalagahan at minamahal.
Sa parte naman ng mga babae, para sa kanila, kailangang maipakita at maipadama sa kanila ng kanilang mga mister na sila ay minamahal ng kanilang mga asawa. Sa mga maliliit na bagay na ginagawa ng kanilang mga mister para sa kanila ay makapagpapadama na sa kanila ng labis na pagmamahal.
Kailangan ni mister: Maramdaman na sila ay iniibig sa pamamagitan ng pakikipagtalik at intimasiya
Kailangan ni misis: Magkaroon ng emotional connection bago sila makipagtalik sa kanilang asawa
Pagdating sa pakikipagtalik, ginagamit itong paraan ng mga kalalakihan para maiparamdam ang kanilang pagmamahal. Karamihan sa kanila ay may mas mataas na sex drive kumpara sa mga kababaihan, kaya naman mas malaking bahagi ng kanilang paraan para maiparamdam ang kanilang damdamin ay sa pamamagitan nito.
Sa nga babae naman, kailangan nilang magkaroon ng emotional connection sa kanilang asawa bago sila makipagtalik. Mahalagang malaman ng mga lalaki ito dahil hindi madali para sa kanila na gawin ito ng biglaan. Kaya naman kung hindi sila agarang pumayag, mabuting ito ay unawain at bigyan ng panahon.
Kailangan ni mister: Makipag-bonding sa pamamagitan ng mga iba’t ibang activities
Kailangan ni misis: Makipag-bonding sa pamamagitan ng pakikipagusap
Gusto ng mga lalaki na makipagbonding sa pamamagitan ng iba’t ibang gawain. Gusto nila na magbahagi ng mga karanasan sa sa kanilang mga asawa sa pamamagitan ng paggawa ng mga bagay-bagay kasama ang kanilang mga asawa.
Para sa mga misis naman, mas mahalaga ang pakikipag-usap. Mas gusto nila na ibahagi ang kanilang mga damdamin at mga karanasan, mga naiisip at iba pa. Kaya naman kailangang maging mabuting tagapakinig rin ang mga mister!
Kailangan ni mister: Oras para pag-isipan ang mga bagay-bagay
Kailangan ni misis: Pag-usapan ang mga bagay-bagay
Karamihan sa mga lalaki, tuwing may problema, o di kaya ay may ‘di pagkakaunawan sa pagitan nila ng kaniyang asawa, may nanaisin nila ang mabigyan ng oras na mapag-isa at makapag-isip. Kaya naman hindi dapat sila pinipilit na makipag-usap lalo’t hindi sila handa dahil baka lalo itong magdulot ng mas malaking problema.
Para naman sa mga babae, mas gugustuhin nila na pag-usapan ang problema para ayusin ito. Mas mahalaga ang pakikipag-usap kaya naman mas gusto nila ang kanilang asawa ay nakikipagtalastasan sa kanila, at nakikinig kung kailangan.
Ang article na ito ay unang isinulat ni Alwyn Batara.
READ: 5 Things that every husband needs from his wife
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
