Mapapa-sana all ka nalang sa sexy at fit na katawan ni Rachel Peters, 8 months postpartum o matapos niyang manganak. Pero ang dating beauty queen hindi lang daw basta pagbabalik alindog ang goal kaya niya ito ginawa.
Mababasa dito ang mga sumusunod:
- Rachel Peters postpartum body
- Karanasan ni Rachel Peters bilang isang first time mom
Rachel Peters postpartum body
Sa Instagram ay ibinida ng dating beauty queen na si Rachel Peters ang katawan niya ngayon. Siya ay 8 months ng nakapanganak sa panganay nila ni Camarines Sur Governor Migz Villafuerte na si Kaia Rose.
Si Rachel proud na siya ay back to her old self again. Maliban pa dito ang pagiging fit sa tulong ng kaniyang coach ay nakatulong din daw na maiwasan ni Rachel ang postpartum depression.
“Feeling like myself again! Photos are 2 vs 8 months postpartum and I’m pretty freakin’ proud of myself. But beyond the physical changes, working with coach Pat has done so much more for my mental health.”
Ito ang bahagi ng post ni Rachel Peters tungkol sa kaniyang postpartum body.
Larawan mula sa Instagram account ni Rachel Peters
Dagdag pa ni Rachel ang kaniyang pagwo-workout at pagiging fit ay hindi lang basta para ibalik ang dati niyang katawan. Ginawa niya daw ito para sa kaniyang anak na si Kaia na lumalaki at bumibigat na.
“I workout not with the goal of going back to my pre pregnancy weight or measurements. But to be the healthiest, strongest (necessary cuz Kaia is getting heavy!!!) version of myself for my daughter.”
At para nga daw magawa ito, sabi pa ni Rachel ay naging malaking tulong ang pagkakaroon ng coach at schedule na masusunod mo. Dagdag pa ang kagustuhan niyang ulit na masuot ang mga dati niyang damit.
“It’s really all about consistency and having a coach plus a schedule to hold you accountable has been the key for me.”
“Being able to fit into some of my clothes again has also been motivation because I hate spending money. Hahaha”
Ito ang sabi pa ni Rachel sa kaniyang IG post.
Larawan mula sa Instagram account ni Rachel Peters
Karanasan ni Rachel Peters bilang isang first time mom
Sa hiwalay na IG post sinabi rin ni Rachel na maliban sa pagiging beauty queen at pagre-represent sa bansa, mas binibigyan niya daw ng honor sa ngayon ang pagiging isang ina.
“Things didn’t go as planned for us then but now as I hold my baby in my arms and have taken on another great challenge & have been given the greatest honour of being this girls mum, I’ve never been so sure that everything happens for a reason.”
Ito ang sabi pa ni Rachel.
Marami rin daw pagbabago sa buhay niya ang naidulot ng pagiging isang ina, ayon kay Rachel. Isa na nga rito ang walang tigil niyang pagpipicture sa anak niya na nakaubos na ng phone storage niya.
“My phone storage is almost full and I get a headache every night from scrolling through all 10,000 photos & videos I’ve taken of her because I miss her while she sleeps.”
Ito ang natatawang sabi pa ni Rachel.
Hindi man daw siya makasuklay ng maayos dahil sa busy kakaalaga ng kaniyang anak, wala daw reklamo si Rachel na siya ngayon ay isang certified mommy na.
“Crazy hair morning- have brushed mine and cut off her little dreadlock (which I named Bob) since this photo was taken. I think I’m doing okay at this whole motherhood thing.”
Larawan mula sa Instagram account ni Rachel Peters
BASAHIN:
Weight gain during pregnancy: How quickly will you gain weight during pregnancy
Matatandaang noong nakaraang taon inanunsiyo nila Rachel at Migz sa kanilang vlog na sila ay magkaka-baby na. Sabi noon ni Rachel, ang pagiging isang ina ay talaga nga naman daw pinangarap niya.
“There is nothing that I wanted more in this world than to become a mother.”
Ito ang pahayag ni Rachel sa kanilang vlog.
Kuwento pa nila Migz at Rachel, hindi naging madali ang journey ng kanilang pagbubuntis. Para ito ay maging posible ay kinakailangan umanong dumaan ni Rachel sa iba’t ibang blood test, check-ups at treatment upang mabalanse ang kanyang hormones at makapagdalang-tao. Matapos nga ang isang taon sa paggawa ng mga ito ay nabuntis si Rachel na talaga nga namang inaasam-asam nila.
Kung babalikan nga ang kanilang journey ay hindi nila umano maiwasang magpasalamat at maging grateful sa kanilang baby.
“We are incredibly grateful for this blessing that’s come at such a crazy time in the world and we’re so excited to see what the future has in store for us,” dagdag pa ni Rachel.