Rocco Nacino at Melissa Gohing boy ang magiging first baby. Narito kung paano nila ginawa ang gender reveal ng kanilang baby.
Mababasa dito ang mga sumusunod:
- Rocco Nacino and Melissa Gohing baby gender reveal
- Paghahanda ni Rocco at Melissa sa pagdating ng kanilang baby
Rocco Nacino and Melissa Gohing baby gender reveal
Excited na ang expecting parents na sina Rocco Nacino at Melissa Gohing na ma-meet ang kanilang baby. Lalo pa’t sa ngayon ay alam na nila ang gender nito na isang boy.
“We’re having a baby BOY!!!! So grateful to have our friends and family with us as we were surprised by our siblings last weekend!! Galing ng prank!!!”
“A new terror is coming to the house!”
Ito ang masayang sabi ni Rocco sa kaniyang Instagram post tungkol sa naganap nilang baby gender reveal.
View this post on Instagram
Ang nangyaring baby gender reveal ni Rocco at Melissa ginanap sa kanilang bahay na nasaksihan ng kanilang pamilya at malalapit na kaibigan.
Sa kaniya pa ring Instagram account ay ibinahagi ni Rocco ang ilang tagpo sa kanilang baby gender reveal. Pagkukuwento pa nga ng aktor, hindi nila nagawa ang original plan sana ng magiging gender reveal ni baby. Dahil sa hindi magandang panahon ay kailangan nilang gawin ang event sa loob ng kanilang bahay.
Pero magkaganoon man ay naging successful ang naturang event na napakahalaga para kay Rocco at Melissa pati na sa kanilang paparating na baby.
“Thankful for loved ones who joined us in person and via Zoom! The weather did not allow us to do our gender reveal outside but luckily we had space inside the house to do the surprise!”
Ito ang sabi pa ni Rocco na nag-share rin sa kaniyang Instagram account ng mga larawan sa ginanap na baby gender reveal.
Samantala, si Melissa ay super happy rin na malaman na ang gender ng kanilang baby. Dahil si Melissa, una pa lang ay baby boy na ang hiling. Hirit niya nga ngayon na nalaman nilang boy ang first baby nila ni Rocco, tanggap niya na daw na magiging mini me ito ng aktor. Handa na rin daw siya sa kakulitan nito.
“Boy oh boy! We are overwhelmed with joy! Tanggap ko na mini me mo ito @nacinorocco. Getting rid of my heels to chase this wild little boy. Mana sayo! Haha!”
May maikili rin siyang mensahe para kaniyang little boy na siyang bubuo na ngayon ng bagong mundo at pamilya nila ni Rocco.
“You are going to be daddy’s boy & mommy’s world.”
“My sweet boy, you are more than we ever expected & better than we ever imagined.”
Larawan mula sa Instagram account ni Rocco Nacino
Bumuhos naman ang pagbati at saya ng mga malalapit na kaibigan ni Rocco at Melissa ngayong tukoy na nila ang gender ng kanilang baby. Pati sila ay excited na sa new adventures na papasukin ni Rocco at Melissa sa pagkakaroon ng isang baby boy.
luchoayala: Congrats, Mel & Rocco!
iyavillania: Waaaaah!!! Congraaaaats!!!
xianlimm: congrats lodi
Sa mga naunang post ni Rocco at Melissa ay tinagurian na nilang si ‘Baby N’ ang ipinagbubuntis nilang sanggol. At makikitang sa mga post nila ay labis-labis ang kasiyahang nadarama nila sa nalalapit na pagdating nito.
BASAHIN:
Carla Abellana humingi ng respeto mula sa mga netizens: “No to anything toxic.”
Paghahanda ni Rocco at Melissa sa pagdating ng kanilang baby
Larawan mula sa Instagram account ni Rocco Nacino
Sa ngayon, bilang paghahanda sa nalalapit na pagdating ng kanilang baby ay mga pagbabago na daw na ginagawa si Rocco at Melissa sa buhay na dating nakasanayan nila. Apela nga nila sa kanilang mga fans ay gabayan rin sila sa pag-aalaga sa kanilang anak. Bilang first time parents, malaking tulong daw ang mga tips at advice na maibibigay sa kanila.
“I hope you guys are inspired also at sana matulungan niyo din kami with your tips and advice bilang first time parents kami. We are looking forward na makapagcreate ng mga memories along with you guys.”
Ito ang nasabi ni Rocco sa vlog nila ni Melissa na may titulong ‘Life with the Nacinos’.
Sa naturang vlog ay ibinahagi rin ni Rocco at Mel kung paano sila nahirapang makabuo. Ito ay dahil sa tinataglay ni Mel na kondisyong PCOS o Polycystic ovary syndrome.
“We’ve been praying for this how many months kasi nagkaroon ako ng PCOS which is the polycystic ovary syndrome which means na hindi ako nagiging fertile kaya ‘yong matagal na kaming nagta-try ‘di ba? For many months pero ‘yon, hindi kami nakakabuo.”
Kaya naman sa ngayon na buntis na si Melissa at nalalapit ng manganak, wala na nga silang kasing saya ni Rocco. Ang sigaw nila, “We’re gonna be a family!”
Congrats Rocco and Melissa!