Sa kabila ng kaliwa’t kanang schedules ng pagiging artista, sinisigurado raw ng aktres na si Shaira Diaz na magtatapos siya ng pag-aaral para sa kanyang parents.
Mga mababasa sa artikulong ito:
- Parents assured by Shaira Diaz that she will finish her studies
- Shaira Diaz on settling down with her boyfriend Edgar Allan Guzman: “Siguro I’m giving myself maybe three to four years to settle down”
Shaira assures parents that she will finish school despite showbiz career
Aktres na si Shaira Diaz supportive raw ang parents sa kanyang pagpasok sa showbiz career | Larawan mula sa Instagram account ni Shaira Diaz
Hindi maitatangging sobrang busy at hectic ng schedule ng pagiging artista. Mula sa kaliwa’t kanang tapings, mall shows, at commercial shoots ay talaga namang kumakain ng oras. Kaya nga maraming artista rin ang natitigil o naaapektuhan ang pag-aaral dahil sa labis na pagka-busy dulot ng showbiz career.
Para sa aktres na si Shaira Diaz, hindi naman daw naging kontra ang kanyang parents sa pagpasok niya sa showbiz. Sinagot niya ang mga katanungang ito sa exclusive interview ng theAsianparent Philippines na ginanap sa #ShareTheCare launching na partnership with pH Care at Edukasyon.ph.
Sa katunayan pa nga raw ay sinusundo pa siya ng mga ito sa school sa tuwing may final castings siya. Hindi lang daw kasi siya ang may pangarap na mapanood ang sarili sa TV kundi ang kanyang family rin,
Malaki raw ang tiwala ng kanyang mga magulang na makakapagtapos siya ayon kay Shaira Diaz | Larawan mula sa Pexels
“Well from the very start pa lang, actually very supportive na talaga sila sa akin. Sila pa ‘yung sumusundo sa akin sa school para kapag may mga final castings what more pa dito sa showbiz, ‘di ba? Parang dream talaga nilang mapanood ako sa TV like everyday. So very supportive sila kaya sobrang nagpapasalamat ako sa part na iyon.”
Malaking bagay rin daw na malaki ang trust sa kanya ng both parents niya sa pagpasok niya sa pagiging artista. Alam daw kasi nilang anumang balakid na dumating ay nalalagpasan niya,
“Hindi naman sila natatakot. Parang tiwala naman sila sa akin na kung ano man ang pwedeng mangyari. Na parang hindi kaaya-aya kaya kong lagpasan ‘yun.”
May panahon lang daw talaga na nahihinto siya sa pag-aaral pero ginagawa niya raw ang lahat para maituloy ito. Ito raw ang dahilan kaya nagtitiwala ang kanyang pamilya na makakapagtapos siya despite ng sobrang busy na schedule sa showbiz,
“At tsaka dun sa studies naman kung na-cut ‘yun, hanggang ngayon tinutuloy ko pag-aaral ko. So parang dun pa lang parang nabigyan ko sila ng at peace sila na kahit nagso-showbiz ako, makaka-graduate ako, magkaka-diploma ako. Iyon na rin ‘yung pa-thank you ko sa kanila.”
Shaira Diaz on settling down with her boyfriend Edgar Allan Guzman: “Siguro I’m giving myself maybe three to four years to settle down”
Larawan mula sa Instagram account ni Shaira Diaz
Matapos ang ilang taong pagsasama ng mga magkasintahan, hindi maiiwasang pag-usapan na ang pagse-settle down o pagpapakasal. Marami naman kasi ang couple na ang goal is to get married.
Sa celebrity couple na si Shaira Diaz at Edgar Allan Guzman, may sagot na rin sila patungkol sa usapin ng settle down. Matatandaan na una nilang sinikreto ang kanilang relasyon sa publiko. Sa tingin kasi nila noon ay maaapektuhan ang parehong career nila kung malalaman ng maraming tao na magkarelasyon na sila.
Tumagal pa ng halos limang taon ang kanilang pagsasama nang patago. Ito ay nang bago nila mapagpasyahan na sabihin na sa fans at publiko na mayroon ngang namamagitan na sa kanila.
Sa ngayon naman, sa loob daw ng 9 na taon hindi naman daw maiiwasan na pag-usapan na ang topic ng pagpapakasal para sa kanilang dalawa. Lalo na ngayon daw na sa tingin naman niya ay nasa tamang edad na silang dalawa para maging mag-asawa. Si Shaira ay nasa 27 habang si Edgar naman ay 32.
“Siguro napag-uusapan namin pero ano kasi 27 na ako ngayon and Edgar’s 32. So normal lang naman na mapag-usapan na namin kasi 9 years na kami so parang kung hindi pa namin pag-uusapan ‘yun, ano na lang ‘di ba?”
Sa ngayon daw ay maituturing niya na hindi pa rin siya handa para sa pagpapakasal. Ayon pa sa aktres nais niya raw munang bigyan ng tatlo hanggang apat na taon pa ang sarili upang mag-settle down. Mahalaga pa rin daw kasi ang career para sa kanila kaya naman ito ang kanilang priority sa kanilang relasyon,
“Siguro I’m giving myself maybe three to four years to settle down.”
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Community
Rewards
