Para sa mga nawalan ng trabaho na contributing member ng SSS, mayroong nakalaan na programa at benefits para sa iyo.
SSS 20,000 cash benefit
Kinumpirma na ng Social Security System o SSS ang P20,000 cash benefit para sa mga contributing members noong Martes.
Pahayag ni SSS Public Affairs and Special Events Division head Fernando Nicolas, “Up to 20,000 o katumbas po ito ng one month salary credit. Halimbawa, ang isang miyembro ay naghuhulog ng para sa P20,000 monthly salary credit, makakakuha po siya ng ganung halaga.”
Image from Freepik
Kasama sa mga puwedeng makatanggap ng benefit ang mga nawalan ng trabaho kahit hindi dahil sa COVID-19. Basta ito ay involuntary separation, maari pa ring ma-qualify para rito.
Kahit iyong mga nakatanggap na ng ayuda mula sa ibang programa ng gobyerno ay maaring ma-consider dahil ito raw ay galing mismo sa SSS.
Para naman sa mga OFW na nais ding makakuha, puwede raw mag-request ng certification mula sa Philippine Overseas Employment Office (POLO), imbis na sa DOLE.
Bilang ng mga nawalan ng trabaho
Image from Freepik
Sa estima ng Department of Labor and Employment o DOLE, nasa 10 million na manggagawa ang maaring mawalan ng trabaho ngayong taon dahil sa pandemya.
Sa ngayon ay mayroon ng 2.6 million na natanggal sa trabaho simula noong Marso. Ito ay dahil sa pagsasara ng ilang kompanya o pagkalugi ng mga business.
Banggit pa ni Labor Sec Bello, “Karamihan po ‘yan sa service sector. Malaki po ang tourism, ‘yung allied businesses like restaurants, then transportation.”
Gayunpaman, nag-request naman umano ang DOLE ng 40 million pesos na budget mula sa House of Representatives para sa mga planong recovery programs.
Ibang benefits bukod sa SSS 20,000 cash benefit
Image from Freepik
Narito naman ang bagong polisiya ng PhilHealth kaugnay ng COVID-19 situation. Nitong April, muling naglabas ng direktiba ang PhilHealth tungkol sa kung magkano ang kanilang maitutulong sa mga naging pasyente ng sakit na COVID-19.
Ayon sa kanila, babayaran ng ahensya ang lahat ng gastos ng mga COVID-19 patients. Ngunit ito ay hanggang April 14 lang, mula April 15 lahat ng biktima ng sakit ay susunod na sa bagong case rate package na itinalaga ng PhilHealth sa bawat miyembro nito.
Samantala ang bagong case rate ng PhilHealth para sa COVID-19 ay naka-depende sa lala nito. Ang COVID-19 case rate package ay ang sumusunod na nagsimulang maging epektibo noong April 15.
- Mild Pneumonia P43,997
- Moderate Pneumonia P143,267
- Severe Pneumonia P333,519
- Critical Pneumonia P786,384
Ito lamang ang sasagutin ng PhilHealth sa mga magagastos sa pagpapagamot ng mga COVID-19 patients. Pero ayon naman kay PhilHealth spokesperson Dr. Shirley Domingo hindi natatapos rito ang pagtulong ng ahensya sa mga naging biktima ng sakit.
“They can appeal, write a letter to the president namin and request for additional assistance doon sa remaining bill and then, ia-assess natin ‘yan, case-to-case basis,” pahayag ni Domingo.
Source:
GMA News, CNN
Basahin:
3 PhilHealth benefits na hindi mo alam bukod sa in-patient at out-patient
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
