Ligtas ba ang sterilized milk for pregnant? Isa ito sa madalas na tanong ng mga ina na gustong siguraduhin na maayos ang kanilang kalusugan at ng kanilang sanggol. Habang ang gatas ay kilala bilang isa sa mga pangunahing source ng essential nutrients, mahalagang alamin kung anong uri ng gatas ang ligtas at akma para sa mga nagdadalang-tao.
Sa article na ito, tatalakayin natin ang mga benepisyo ng gatas sa pagbubuntis. Kasama pa riyan ang mga uri ng gatas na dapat iwasan, at kung bakit ang sterilized milk ang isa sa mga best choices para sa mga buntis.
Benepisyo ng Pag-inom ng Gatas sa mga Buntis
Sterilized Milk for Pregnant Women, Safe nga ba o Hindi?
Ang gatas ay isa sa mga pinaka-inirerekomendang inumin para sa mga buntis. Ito ay mayaman sa nutrients na mahalaga para sa ina at sa kanyang sanggol. Hindi lang ito tumutulong sa pang-araw-araw na lakas ng katawan, kundi sinusuportahan din nito ang healthy development ng sanggol sa sinapupunan.
Narito ang mga mahalagang nutrients na makukuha sa pag-inom ng gatas:
-
Calcium – Pampatibay ng buto at ngipin ng ina, at tumutulong sa pagbuo ng buto at ngipin ng sanggol.
-
Protein – Suporta sa growth at development ng baby; mahalaga rin para sa tissue repair at muscle function ng ina.
-
Vitamin D – Tumutulong sa katawan na mas ma-absorb ang calcium; importante rin sa immune system.
-
Vitamin B12 – Kailangan para sa maayos na pagbuo ng nervous system ng baby.
-
Iodine – Mahalaga para sa brain development ng sanggol at sa tamang function ng thyroid.
-
Phosphorus – Tumutulong sa formation ng buto at ngipin.
-
Riboflavin (Vitamin B2) – Para sa energy production at cell growth.
Ayon sa mga pag-aaral, ang regular na pag-inom ng gatas habang buntis ay nakatutulong upang:
-
Bawasan ang panganib ng pre-eclampsia – isang seryosong komplikasyon ng pagbubuntis na may kinalaman sa high blood pressure at protein sa ihi.
-
Suportahan ang healthy weight gain ng sanggol sa sinapupunan.
-
I-promote ang stronger bones ng ina upang mas madali niyang kayanin ang bigat ng pagbubuntis.
Isang pag-aaral mula sa McGill University sa Canada ang nagsabi na ang kakulangan sa gatas o vitamin D intake ay maaaring magdulot ng low birth weight sa sanggol. Ayon kay Dr. Kristine Koski, isa sa mga author ng pag-aaral:
“Although most nutrients in milk may be replaced from other foods or with supplements, vitamin D is found in few commonly consumed foods except for milk.”
Ibig sabihin, mahalaga pa ring uminom ng gatas dahil may nutrients itong hindi madaling makuha sa ibang pagkain.
Hindi Lahat ng Gatas ay Ligtas sa Buntis
Sa kabila ng maraming benepisyong hatid ng gatas, dapat tandaan ng mga buntis na hindi lahat ng gatas ay ligtas. May mga uri ng gatas gaya ng raw milk o hilaw na gatas mula sa baka, kambing, o iba pang hayop na delikado para sa buntis.
Ang raw milk ay maaaring maglaman ng mapanganib na bacteria. Kabilang diyan ang Salmonella, E. coli, at Listeria, na maaaring magdulot ng seryosong sakit gaya ng:
-
Listeriosis
-
Typhoid fever
-
Diphtheria
-
Brucellosis
-
Tuberculosis
Ang mga kondisyong ito ay lubhang mapanganib sa buntis at maaaring magresulta sa miscarriage, stillbirth, o birth defects.
Ayon sa Centers for Disease Control and Prevention (CDC) at Food and Drug Administration (FDA), dapat iwasan ng buntis ang anumang produkto na gawa sa raw milk kasama na ang ilang cheese, yogurt, at ice cream.
Kung sakaling makainom ng raw milk at makaranas ng sintomas gaya ng pagsusuka, diarrhea, lagnat, pananakit ng tiyan, o ulo, agad na kumonsulta sa doktor.
Sterilized Milk for Pregnant: Safe sa Buntis!
Sterilized Milk for Pregnant Women, Safe nga ba o Hindi?
Ang good news? Oo, ligtas ang sterilized milk para sa mga buntis. Ang sterilization ay isang proseso ng pag-init na pumapatay sa mga harmful bacteria habang pinananatili ang mahahalagang nutrients sa gatas. Kaya naman, ito ay itinuturing na safe at recommended milk option ng mga health professionals para sa mga ina na nagdadalang-tao.
Gayunman, gaya ng lahat ng bagay, moderation pa rin ang susi. Ipinapayo ng mga eksperto na uminom lamang ng hanggang dalawang baso ng gatas bawat araw. Kapag nakaranas ng kahit anong digestive discomfort matapos uminom ng gatas, mas mainam na agad itong ipaalam sa doktor.
Final Thoughts
Kaya sa tanong na, “Safe ba ang sterilized milk for pregnant women?”, isang malaking YES ang sagot! Bukod sa ligtas ito mula sa harmful bacteria, ito rin ay puno ng nutrients na mahalaga sa kalusugan ng buntis at sa development ng kaniyang sanggol.
Basta siguraduhin lamang na ito ay sterilized o pasteurized, inumin ito nang may moderation, at kumonsulta pa rin sa doktor para sa tamang payo.
Sa tamang kaalaman at pagpili, mas magiging masigla at ligtas ang iyong journey bilang isang ina.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
