Viral ngayon sa social media ang surprise sa asawa ng isang mister. Mga mommy netizens napa-sana all nalang ng ito ay kanilang makita.
Mababasa dito ang sumusunod:
- Viral surprise sa asawa ng isang mister na rider.
- Paano mapaparamdam sa iyong asawa ang pagmamahal.
Viral surprise sa asawa ng isang mister na rider
Larawan mula sa Facebook
Napa-sana all nalang talaga ang maraming misis ng mapanood ang viral video na ito ng isang mag-asawa. Sa video makikita ang pag-uusap ng mag-asawa sa isang video call. Ang pinag-uusapan nila ay ang mga naglalakihang parcel na dumating sa kanilang bahay na walang kaalam-alam ang misis kung saan nanggaling. Si mister na isang rider ay wala noon sa bahay nila at sinabing wala siyang inorder na parcel. Kaya naman si misis hindi mapalagay dahil wala umano siyang pambayad sa mga ito.
Pero nang tangkang ibabalik na ng misis ang parcel sa delivery man, sumagot ang rider na ang mga ito ay bayad na. Doon na nagtaka ang misis pero pinilit paring ibalik ang parcel dahil baka modus daw ito at mabiktima pa sila. Dito na umamin ang mister sa kaniyang sorpresa.
“Uy wag mong ipabalik. Inorder ko yan sayo. Di ba yung mga naka-add to cart mo? Chineckout ko lahat.
Lagi kong tinitingnan yung mga naka-add to cart mo e. Syempre hindi mo naman ia-add to cart yun kung wala kang balak bilhin.”
Ito ang sabi ng mister sa kaniyang misis.
Larawan mula sa Facebook
Misis naiyak sa sorpresa ng kaniyang mister
Ang misis na-touch sa ginawa ng kaniyang mister. Dahil nais niya daw talagang bilhin ang mga items na iyon. Pero hinihintay niya lang na magkapera siya. Ito daw kasi ay may kamahalan ng presyo.
“Ang mamahal pa naman ng mga yon.”
Ito ang natotouch na sabi ng misis sa mister niya. Ito naman ang agad na sagot ng mister niya sa kaniya.
“E mas mahal kita run.”
Dito na naiyak ang misis.
Sa isang panayam, ibinahagi ng misis na ito daw talaga ang paraan ng asawa niya ng pagpapakita ng pagmamahal sa kaniya at kanilang pamilya. May mga pagkakataon pa nga daw na susurpresahin siya nito ng pangmatagalang supply ng mga diapers at groceries sa kanilang bahay. At sa tuwing uuwi nga daw ito galing sa trabaho ay lagi itong may pasalubong pagkain para sa kaniya at sa mga anak nila. Maliban pa nga daw ditto, sa tuwing wala itong pasok ay tumutulong rin ito sa gawaing-bahay.
Ayon naman sa mister, deserve ng misis niya ang mga ito. Bilang isang fulltime housewife alam niyang napakahirap ng tungkulin nito. Kaya ito ang payo niya sa ibang mga mister na tulad niya.
“I-appreciate din natin yung hirap ng misis natin sa bahay kasi hindi naman porket nasa bahay lang sila e wala silang ginagawa. Kung tutuusin nga e mas mahirap pa. Yung simpleng ma-appreciate lang natin si Misis. Tapos bigyan natin ng mga bagay na makakapagpasaya sa kanila.”
Ito ang sabi pa ng mister sa panayam.
Sigaw ng maraming misis #SanaAll!
Larawan mula sa Facebook
Paano mapaparamdam sa iyong asawa ang pagmamahal?
Ang pagpaparamdam ng pagmamahal sa asawa mo ay hindi lang tungkol sa malalaking sorpresa. Mas mahalaga ang maliliit ngunit makabuluhang bagay na ginagawa mo araw-araw. Narito ang mga paraan para mapalalim ang inyong relasyon at iparamdam sa iyong asawa kung gaano mo siya kamahal:
Para kay misis:
- Makinig nang buong puso – Iwasan ang cellphone at ibigay sa kanya ang buong atensyon kapag may sinasabi siya.
- Purihin siya – Pansinin ang maliliit na bagay—ang kanyang ngiti, pagsisikap, at kabaitan.
- Sorpresahin siya sa simpleng paraan – Isang love note, bulaklak, o paborito niyang pagkain ay sapat para mapasaya siya.
- Tumulong sa gawain sa bahay – Ang paggawa ng gawaing bahay nang kusa ay nagpapakita ng paghanga at pagpapahalaga sa kanya.
- Maglaan ng oras para sa kanya – Mag-date kayo, manood ng pelikula, o simple lang na magyakapan at magkwentuhan.
- Igalang ang kanyang nararamdaman – Kahit hindi mo lubos na nauunawaan, ipakita mong pinapahalagahan mo ang kanyang emosyon.
- Bigyang-pansin ang physical touch – Halik, yakap, o paghawak sa kamay ay mahalagang paraan para ipadama ang iyong pagmamahal.
Para kay mister:
- Pahalagahan ang kanyang pagsisikap – Sabihin mong, “Alam kong pinaghihirapan mo ang lahat para sa atin, at mahal na mahal kita.”
- Suportahan ang kanyang mga pangarap at hilig – Hikayatin siya sa trabaho, hobby, o goals niya sa buhay.
- Maging malambing at maalaga – Hawakan ang kamay niya, yakapin siya mula sa likod, o bigyan ng matamis na halik.
- Ibigay ang paggalang at pagtitiwala – Ang mga lalaki ay mas lalong nagmamahal kapag nararamdaman nilang nirerespeto at pinagkakatiwalaan sila.
- Maging masaya at makulit kasama siya – Magpadala ng sweet na text, kindatan siya, o landiin siya para hindi mawala ang kilig.
- Sorpesahin siya sa maliit na paraan – Ihanda ang paborito niyang pagkain, mag-iwan ng sulat sa pitaka niya, o bilhan siya ng paborito niyang inumin.
- Sabihin mong mahal at kailangan mo siya – Hindi man laging sinasabi ng mga lalaki, pero kailangan din nila ng affirmation at pagmamahal sa salita.
Ang tunay na pagmamahal ay makikita sa maliliit na bagay—sa paraan ng pagtingin mo sa kanya, sa mga salita mong puno ng lambing, at sa pagsisikap mong maparamdam kung gaano siya kahalaga sa’yo.