Synthetic na suka brands na mabibili sa mga leading supermarkets pinangalanan ng FDA.
Pinagbabawal na synthetic na suka brands
Nagbabala ang Food and Drug Administration o FDA sa mga suka na nagtataglay ng synthetic acetic acid. Lima nga daw sa 39 commonly used vinegar brands na ito ay napatunayang synthetic na suka o hindi dumaan sa tamang fermentation process.
Ang mga vinegar brands na may synthetic acetic acid ayon sa FDA ay ang sumusunod:
- Surebuy Cane Vinegar (Best Before Date: 26 03 21)
- Tentay Pinoy Style Vinegar (Best Before Date: 03 18 21)
- Tentay Premium Vinegar (Batch/Lot No. TV SEP0718AC)
- Tentay Vinegar ‘Sukang Tunay Asim’ (Expiry Date 06 06 20)
- Chef’s Flavor Vinegar (Expiry Date 01APR21)
Sa pamamagitan ng test sa kanilang Permanganate Oxidation Number (PON) natuklasang ang mga nabanggit na vinegar brands ay synthetic na suka.
Paliwanag ng FDA, isinagawa ang testing para ma-address ang ongoing issue tungkol sa authenticity ng mga sukang itinitinda sa mga pamilihihan. At para rin ma-check kung ang mga commonly used brands ba na ito ay sumusunod sa kanilang standards.
“Following the current Administrative Order prescribing the Standard of Identity and Quality of Vinegar, any artificial matter such as synthetic acetic acid or any cloudifying agent deems the vinegar adulterated hence, it must not be sold to the public,” sabi ng FDA sa isang pahayag.
Sa ngayon ay inuutos ng FDA sa mga supermarkets at iba pang pampublikong pamilihan na tanggalin ang mga synthetic na suka brands na kanilang pinangalanan.
Paalala ng FDA sa mga mamimili
Bagamat, nilinaw naman ng FDA na ang mga suka na ito ay wala namang masamang maidudulot sa kalusugan ng mga consumers. Ang mga suka daw na ito ay substandard at hindi dumaan sa tamang proseso.
“The presence of synthetic acetic acid merely represents that the vinegar did not undergo fermentation, either through a slow process, quick process, or submerged culture process which is used for commercial vinegar production,” dagdag ng FDA.
Ayon parin sa FDA ay kanilang i-inspeksyonin ang manufacturing facilities ng mga nasabing vinegar brands para ma-verify kung gumagamit nga sila ng synthetic acetic acid.
Mahaharap daw sa karapat-dapat na regulatory action ang anumang establisyemento na mapatunayang hindi sumunod o lumabag sa standards, rules at regulations ng FDA.
Pinaalalahan din ang mga mamimili na huwag tangkilikin ang mga synthetic na suka at maging mapanuri sa mga produkto na kanilang binibili.
Tentay
Samantala, ang manufacturer ng Tentay (Tentay Pinoy Style Vinegar, Tentay Premium Vinegar, at Tentay Vinegar “Sukang Tunay Asim”) ay umaapela sa kanilang pagkakasama sa listahan ng FDA. Nais daw nilang klaruhin sa FDA ang pagkakabilang nila sa ipinagbabawal na ibenta sa publiko.
Source: GMA News, Philstar News
Photo by Daria Volkova on Unsplash
Basahin: Ma Ling kabilang sa mga pork meat products na ipinagbabawal ngayon sa bansa
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
