Ugat sa binti: Sanhi, sintomas at paraan para mawala ito

Ugat sa binti: Sanhi, sintomas at paraan para mawala ito

Makapal na ugat sa binti o varicose veins kung tawagin ang kadalasang nakikita natin sa ating mga binti. Paano nga ba ito mawawala ng tuluyan? | Lead image from iStock

Moms! Irita na rin ba kayo sa tumutubong makapal na ugat sa inyong binti? Don’t worry dahil sasagutin ng artikulong ito kung paano maaalis ang varicose veins na kadalasang makikita sa likod ng binti.

Ano ang ugat sa binti o varicose veins?

Bilang pagdiwang ng “World thrombosis day”, nagsagawa ang theAsianparent Philippines at Sanofi ng isang educational live na may pinamagatang “FAMHEALTHY Vein Check: Usapang ugat sa paa at iba pa”  noong October 13. Ang nasabing live session ay pinamunuan ni Dr. Geraldine Zamora kasama na ang guest speaker na si Dr. Paolo Nocom, head ng peripheral artery disease, Division of Vascular Medicine sa Philippine Heart Center.

ugat sa binti

Ugat sa binti o paa | Image from Freepik

Ayon kay Dr. Nocom, ang ugat sa binti/paa o varicose veins ay isang abnormal na paglaki ng ugat o vein na pabalik sa puso. Kadalasang nakikita o tinutubuan nito ay ang mga babae. Ito ay dahil sa hormone ng mga babae na “estrogen”. Dagdag pa ni Doc Nocom, mas dumadami at kumakapal ang ugat sa binti o varicose veins kapag marami ang anak ng isang babae. 

Paano maiiwasan ang makapal na ugat sa binti o paa?

Bukod pa rito, isa ring dahilan ng makapal na ugat sa binti ay ang pagtayo ng matagal ng isang tao. Ito ay maaaring pasok sa kaniyang hanapbuhay na kinakailangan ng pagtayo ng matagal o iba pa. Lumalaki ang ugat sa binti at nagiging varicose veins sanhi ng tumataas ang pressure sa binti dahil sa matagal na pagtayo.

Maaaring magkaroon ng makapal na ugat sa paa o binti ang mga security guard, teacher, cashier, saleslady o iba pang trabaho na kinakailangan ng matagal na pagtayo. Ngunit paano nga ba maiiwasan ang pag-develop ng varicose veins?

Ayon kay Doc Nocom, isang paraan para maiwasan ang makapal na ugat sa binti sa pamamagitan ng pagsusuot ng compression stocking. Ito ay isang makapal na stocking na maaaring makapagpabilis ng daloy ng dugo sa binti. Ito ay isang epektibong paraan para hindi mabuo ang dugo sa ugat. Dagdag pa ni Doc Zamora na ginagamit niya ito lagi kahit nasa bahay siya o pagkatapos ng mahabang shift sa ospital.

ugat sa binti

Ugat sa binti o paa | Image from Freepik

Maaaring mabili ang compression stocking sa mga retail store o sport shops. Bago bumili ng compression stocking, kailangang bigyan ng pansin ang size nito sa bukong-bukong pataas sa binti.

Nabanggit din na maganda kung ugaliin ang regular na ehersisyo. Dahil ito ay maganda sa mabuting pagdaloy ng dugo.

“Any form of exercise, paglalakad pag-iinat. Maganda po iyon para sa ugat para bumalik. Kasi nga binti natin ay ang pangalawang puso. Dahil sa kaniyang pagpiga bumabalik kaagad ‘yung dugo pabalik sa puso natin at doon po ang circulation na nangyayari.”

Ang varicose veins o hemorrhoids ay halos mag kamag-anak dahil pareho silang ugat. Nagbigay pa sila ng paalala na ang varicose veins ay karaniwang lumalabas sa paa ngunit maaari pa ring tumubo sa parte ng katawan na mayroong ugat.

Sintomas ng ugat sa paa o varicose veins

Walang mararamdaman na sakit kapag ikaw ay tinutubuan ng varicose veins. Ngunit narito ang mga dapat bantayan kung napansin mong ikaw ay maaaring mayroon nang ugat sa binti o paa.

  • Ugat na kulay lila o asul
  • Paglabas ng ugat sa iyong binti na bali-baliko

May pagkakataon na ito ay sumasakit. Ilan na riyan ang:

  • Pangangati ng apektadong parte
  • Pagbigat ng apektadong parte
  • Pananakit ng apektadong parte kapag nakaupo o nakatayo
  • Pagbabago ng balat sa pagligig ng varicose veins
ugat sa binti

Ugat sa binti o paa | Image from Freepik

Komplikasyon ng varicose veins

Ayon kay Doc Nocom, hindi naman nakakamatay kung papabayaan ang varicose veins sa binti o paaa. Ngunit kung ito ay patatagalin, dito magsisimulang lumaki at umitim ang paa at tuluyan nang magsusugat. Ito komplikasyon na ito ay tinatawag na Chronic venous insufficiency. Dagdag pa ni Doc Nocom na kapag nagsugat ang paa dahil sa komplikasyon sa varicose veins, hindi mo na kakayanin na makaligo o makagalaw dahil sa hapdi na mararamdaman mo rito.

“Kahit na anong ilagay niyo sa sugat, hindi na siya gumagaling. Ang pinakamatagal na pasyente kong nakita na ganiyan ay bago siya dumalaw sa Philippine Heart Center noon, labing apat na taon. Literal na wala nang balat ang kaniyang binti. Ang ginagawa niya ay nililinis niya lagi. Mali pa ‘yung ginamit na panlinis kaya naukab ‘yung balat niya. Sobrang hapdi, hindi na siya makagalaw, lagi na lang nagtutubig ang binti niya.”

Delikado kung papabayaan ang makapal na ugat sa binti at nagsimula na itong magsugat lalo na kapag ikaw ay diabetic. Bukod pa rito, ang napabayaang varicose veins na naging chronic venouse insufficiency ay maaaring maging seryosong komplikasyon katulad ng sepsis.

 

Para mapanood ang educational live session katulad nito, i-like lamang ang aming official Facebook page theAsianparent Philippines o kaya naman i-download ang aming app para naman magkaroon ng interaction sa ibang Pinay moms!

 

Source:

theAsianparent Philippines

BASAHIN:

Baradong ugat: Sanhi, sintomas at lunas na kailangan mong malaman

#AskDok: Wala ba talaga akong mararamdaman kapag gumamit ako ng anesthesia sa panganganak?

#AskDok: Mabisa ba ang sebo de macho pantanggal ng peklat?

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

Article Stories
app info
get app banner