Tanya Bautista and Vhong Navarro wedding sa Kyoto, Japan, dinaluhan ng malalapit na kaibigan nila sa industriya ng telebisyon.
Matapos ang 11 taon na pagiging magkasintahan ay natuloy rin sa Tanya at Vhong Navarro wedding ang pag-iibigan ng TV host at kaniyang long-time girlfriend. Ito ay ginanap sa Kyoto, Japan kahapon, Nov.28.
Nabigla man ang karamihan sa pagpakasal ni Vhong Navarro na piniling isapribado ito ay masaya naman ang mga fans at followers niya. Lalo na ang mga taong malalapit sa kanila ni Tanya at nakasaksi sa pag-iibigan nilang dalawa.
Si Tanya ay isang writer sa ABS-CBN na piniling isapribado ang 11 years nilang relasyon ni Vhong Navarro. Kaya naman nitong Miyerkules ng mag-post ang TV host ng kanilang larawan na magkasama na may caption pang “She’ll often disagree, but at the end of it all, she will understand me”, ay nabuo ang espekulasyon na sila ay ikakasal na.
View this post on Instagram
A post shared by Vhong Navarro (@vhongx44) on
Sinundan pa ito ng isang larawan pa nilang magkasama na ang caption naman ay, “Mag kamukha daw tayo sabi ng iba, ikaw daw ang babaeng version ko sabi ng iba. Saan pa ba yun papunta? Iba ka!”
View this post on Instagram
A post shared by Vhong Navarro (@vhongx44) on
Tanya Bautista and Vhong Navarro Wedding
Isang araw matapos ang cryptic Instagram post na ito ay sumunod na ang mga larawan at IG videos ng kasal nila. Ang isa nga sa nakakatuwang video na nai-share sa Instagram ay ang kuha ni Kuya Kim Atienza na co-host ni Vhong sa programang It’s Showtime.
Sa video ay makikita ang paglakad ni Tanya papalapit sa altar na kung saan sinalubong siya ni Vhong ng pabirong halik. Pinagsimulan ito ng tawanan sa paligid na mas nagpa-excite pa sa kanilang kasal.
View this post on Instagram
A post shared by Kuya Kim (@kuyakim_atienza) on
Star-studded na Tanya at Vhong Navarro wedding
Samantala, maliban sa pamilya at kaanak ng dalawa ay present rin sa Tanya at Vhong Navarro wedding ang It’s Showtime family ng TV host na sina Vice Ganda, Anne Curtis, Jhong Hilario, Teddy Corpuz at Jugs Jugueta. Pati na ang mag-asawang sina Billy Crawford at Coleen Garcia.
Present rin sa kasal ang ngayon ay mailap na aktor na si John Lloyd Cruz. Gwapong-gwapo nga ito sa kaniyang new clean look na may iniwang mensahe pa para sa bagong kasal.
View this post on Instagram
A post shared by Vicki Belo, M.D. (@victoria_belo) on
Ang video ay kuha ng doctor to the stars na si Dra. Vicki Belo na isa sa principal sponsor ng bagong kasal. Kasama niya din sa event ang long-time partner niyang si Hayden Kho at ang anak nilang si Scarlet Snow Belo.
Present din sa kasal sina Zanjoe Marudo na isa sa mga groomsmen. Ang aktor na si Piolo Pascual, film director GB Sampedro, at basketball players na sina Arwind Santos at LA Tenorio.
View this post on Instagram
A post shared by Metrophoto (@mymetrophoto) on
Prenup pictures nina Tanya at Vhong Navarro
Samantala, matapos ang mga wedding pictures ay sumunod namang naglabasan online ang pre-nup photos ng mag-asawa sa Vietnam.
Bagamat, hindi masyadong isinasapubliko ng dalawa ang kanilang relasyon, hindi naman itinatago ni Vhong kung paano niya pinapahalagahan at minamahal ang ngayon ay misis niya ng si Tanya. Sa isa ngang interview ng TV host sa programang Magandang Buhay noong 2017 ay ito ang nasabi niya.
“Napakasuwerte ko na si Tanya ‘yung girlfriend ko. Ilang bagyo na ang dumating, pero pinapatibay kami ng panahon. Sa lahat ng pinagdaanan ko sa buhay, hindi ako iniwan niyan.”
Bago pa man maikasal kay Tanya ay una ng naikasal si Vhong Navarro sa aktres na si Bianca Lapus. At sila ay may isang anak na ang pangalan ay Isaiah.
Source: Star Cinema, ABS-CBN Entertainment
Basahin: Anne Curtis, ipinagbubuntis ang unang anak nila ng asawang si Erwan Heussaff
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
