Star for all season Vilma Santos at Senator Ralph Recto, ipinagdiwang ang kanilang 29 years of marriage.
Mababasa sa artikulong ito:
- Vilma Santos at Ralph Recto sa kanilang ika-29 taon bilang mag-asawa
- Ate Vi at Sen. Ralph love story
Vilma Santos at Ralph Recto sa kanilang ika-29 taon bilang mag-asawa
36 taon ang sumatotal ng pagsasama nina Vilma Santos at Sen. Ralph Recto. 7 taon silang naging magkasintahan at ngayo’y ipinagdiriwang ang kanilang 29 years bilang mag-asawa. Sa tagal na ito, makikita pa rin ang pagiging masaya sa relasyon ng dalawa.
Bilang celebration sa tagal ng kanilang pagsasama, ibinahagi nina Vilma Santos at Ralph Recto ang kanilang married life sa Youtube channel ng aktres sa episode na “Who’s who? With ate Vi and Sen. Recto”
Sa episode na ito, ang bawat isa ay sasagutin ang mga tanong na nakasulat sa papel. Ang mga katanungan ay may kinalaman sa kanilang pagsasama bilang mag-asawa.
Sinagot ni Ate Vi ang tanong na, “who is more trusting?” At ito ang kaniyang naging kasagutan:
“Minsan kalokohan mo rin. Minsan may mga kalokohan rin siya. Alam ko naman. Ang sinasabi ko lang po sa kaniya, ganito po ‘yon.
Noong time na ‘yon na nagloloko-loko siya, sinabi ko lang sa kaniya ‘Ralph, unfortunately ang asawa mo ay isang public figure. So, kung gagawa ka ng kalokohan, alam ng mga tao na ‘yan ang asawa ni Vilma Santos.
Kaya whether you like it or not, makakarating sa akin ang balita. Kaya bago makarating sa akin ang balita, ‘pag tinanong ko sa ‘yo, aminin mo na. Kung gusto mo pang magkaroon tayo ng another chance. Kung hindi, wala na.”
Screenshot mula sa YouTube Channel ni Vilma Santos
Sa kabila ng mga pagkukulang sa kaniya ng asawa, at maraming challenges ang dumaan sa kanilang buhay, para kay Ate Vi ay masuwerte siya.
“Sabi ko lagi na walang perfect na relationship. Totoo naman po pero palagay ko for so many years, sa lahat ng dinaanan kong challenges sa buhay ko, masuwerte pa rin po ako nandito ako ngayon at ka-partner ko ang isang Ralph Recto.”
Hindi naman mawawala ang sweet message ni Vilma Santos at Ralph Recto sa isa’t isa.
Screenshot mula sa YouTube Channel ni Vilma Santos
Ayon kay Sen. Ralph, masuwerte siyang napang-asawa ang isang tulad ni Vilma Santos.
“Kung ano ang ang ganda ni Vi no’ng una ko siyang makita, gano’n pa rin ang kagandahan niya. There are hundred and ten million and then 50% babae and 50% lalaki, so mga 55 million ‘yong babae, ako na ‘yong pinaka-mapalad na lalaki.
Sa 55 million, napang-asawa ko ‘yong one and only star for all season Vilma Santos. Napakasuwerte ko walang kaduda-duda. I’m very lucky to have you.”
Screenshot mula sa YouTube Channel ni Vilma Santos
BASAHIN:
Vilma Santos, minsan na raw sinagip ang buhay ni Jessy Mendiola, ayon kay Luis Manzano
7 bedtime routines para mas mag-grow at tumibay ang relasyon niyong mag-asawa
Sleeping position ng mag-asawa, pahiwatig ng matatag na pagsasama
Samantala, ayon kay Ate Vi para mapatawad ang pagkakamali ng ka-partner, kailangan ay may respeto at pagmamahal ang isang pagsasama.
“Hindi ko rin po siya ipagpapalit sa totoo lang. I’ve learn a lot from him but at the end of the day, ang talagang nagtatagal sa amin ay ‘yong respeto namin sa isa’t isa.
And then doon po pumapasok ‘yong pagmamahal na kahit anong problema, anong away, napapatawad namin ang isa’t isa because the respect and love is there.”
“I still feel the fire ng pagmamahal ni Ralph sa akin, sa pamilya, sa relationship namin and for that doble din ang respeto at pagmamahal ko sa kaniya.”
Panoorin din ang kanilang vlog:
Ate Vi at Sen. Ralph love story
Screenshot mula sa YouTube Channel ni Vilma Santos
Hindi naging isyu kina Vilma Santos at Ralph recto ang 10-year age gap.
Unang nagkita ang dalawa noong 1985 sa isang bar sa Quezon City. Noong panahong iyon ay isa ng aktres si Vilma Santos habang si Ralph Recto naman ay nag-aaral sa De La Salle University.
Screenshot mula sa YouTube Channel ni Vilma Santos
Pitong taong nagsama bilang magkasintahan bago magpakasal at sila ay nagkaroon ng anak na si Ryan Christian.
Sa 29 years na pagsasama ng mag-asawa, siguradong maraming pagsubok ang darating. Pero dahil sa pag-ibig, natututong magpatawad at magpatuloy sa sinimulang pagmamahalan. Ika nga ni Sen. Ralph, “Let’s just count our blessings. Tama na ‘tong hatred hatred. We’re not getting younger.”
Happy 29th wedding anniversary, Vilma Santos at Ralph Recto!
Source:
Youtube
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Rewards
VIP Parents
