“‘Yong dating 4times a days, ngayon 3 to 4 times a month na lang, “
Marami sigurong nakakarelate sa sitwasyon ko ngayon. After few years marami nang pagbabago sa pagsasama namin partner ko.
Nakilala ko ang live in partner ko 10 years ago, gwapo, mabango, mabait, maalaga at maraming babaeng humahabol. Naging on and off ang relasyon namin, hanggang sa nagkabakikan kaming tuluyan 2018.
Nabuntis din agad ako nang taon na ‘yon. Masaya naman kaming magkasama araw-araw dahil may maliit na negosyo, kaya nagagawa namin lahat ng gusto namin sa buong maghapon. Walang pagbabago, malikot pa rin ang imahinasyon namin pareho.
2020 nagsimula kaming maging busy, kailangan na namin magsipag para sa anak namin, kayod dun, raket dito sa mga paninda. Bago matapos ang taon, sunod-sunod ‘yong mga pagsubok sa amin, lalo na sa financial.
Sobrang na-busy kami at wala ng time sa sex
Wala ng time kaming time sa sex mag-asawa. | Larawan mula sa Shutterstock
December nabuntis ulit ako. Lalo kami na-pressure na magsumikap lalo. Pumasok na siyang Sevice Driver at ako naman nagbebenta online. Busy ako maghanap ng ititinda, sa pag-aasikaso ng anak namin, at sa pinagbubuntis ko.
Nang manganak ako nitong August 2021, makalipas ang ilang buwan. Damang-dama ko pa rin na ang dami-dami naming dapat gawin para sa pamilya namin. Umaga’t gabi salitan kami sa telepono para makahanap nang mairaraket.
Dun ko napansin na “teka, parang may mali” halos hindi na pala kami nag-uusap o nakakapag-usap man lang. Bakit parang ‘di na namin kilala ang isa’t isa, nakatira lang kami sa iisang bahay pero parang hindi kami nagkakaroon ng komunikasyon.
Isang gabi, habang abala pa rin sa mga gawaing bahay at pag-aalaga nang mga bata at nag-iingayan talaga sila, napaupo na lang kami pareho at natawa.
Siguro kung wala pa sila tulog na tayo ngayon! ” Pabiro niyang sinabi. Bigla ko naramdaman ‘yong pagkapagod niya sa lahat ng bagay na ginagawa niya para sa aming pamilya.
Larawan mula sa Shutterstock
BASAHIN:
This is what happens to you when you have sex every day for a year
Mom confession: “I never say no to my husband—pagdating sa sex”
Napansin ko na hindi na pala kami madalas mag-usap kasabay ng hindi na rin madalas na pagtatalik. Nawala na ‘yong dating nag-aalab na apoy tuwing magkatabi kami, bigla nalang nabalot ng malamig ang paligid pati ang pagsasama namin.
Ibig bang sabihin nun wala na kaming pagmamahal sa isa’t isa? Ubos na ba ‘yong kasabikan namin? Nasaan na ‘yong dati ? Bakit ganun? Anong nangyari?
Tumamlay ang sex life namin after magka-anak—dati 4 times a day, ngayon 4 times a month na lang!
Naisip ko rin na ba’t ba inaaway ko siya lagi kahit wala naman siyang masamang ginagawa sa ‘kin. Alam kong namimiss niya rin ‘yong dati na wala kaming iniisip at iniintindi kundi ‘yong mga sarili namin pero ngayon, hindi na kami makapagtabi maliban na lang kung “lights off” na at tulog na ang mga bata.
Palagi pa rin niya ko inaalagaan, inaasikaso kapag may sakit at nilalambing. Walang nagbago sa kanya o samin. Nadagdagan lang ang responsibilidad namin dahil magulang na kame.
Larawan mula sa Shutterstock
Alam kong hindi basihan ang pagtatalik ng madalas para masabing mahal mo ang isang tao. Ang mas mahalaga naman ngayon ay kung paano naipapakita ng taong mahal mo ang pagmamahal nya sa maraming paraan.
At maling hanapin mo din ito sa iba. Maaari pa rin naman kayo mag usap at bumalik sa dati. ‘Wag na ‘wag mo papatayin ang apoy sa pagsasama niyo.
Higit sa lahat importante na kayong mag-asawa ay gustong ayusin at ibalik sa dati ang lahat, pero hindi naman totally mababalik na sa dati ang inyong pagsasama. Sapagkat iba na ang inyong buhay lalo na may anak na kayo. Pero ang mahalaga naroroon pa rin ang respeto niyo sa isa’t isa at inyong pamilya.