Madalas humahapdi ang aking ari sa tuwing nagtatalik kami ng asawa ko. Pansin ko rin na hindi siya komportable sa tuwing hinahawakan niya ako sa maselang bahagi ng aking katawan. Pakiramdam ko’y napipilitan at walang gana ang asawa ko, kaya sobrang bilis lang niya iyon hawakan madalas nga, ni hawak ay wala.
Mag-aapat na taon na kami at may dalawang anak kaya pilit kong isinasantabi sa isip ko na baka bading siya. Iyan ang laging pumapasok sa isip ko sa tuwing ganun ang pinapakita niya sa oras na kami ay nagtatalik.
Sapagkat nakwento niya noon na may mga naging kaibigan din siyang bading. Naisip ko na baka inanakan niya lang ako at kalaunay iiwanan lang din.
Noon pa man ay hindi na siya mahilig sumisid sa alam niyo na. Hindi rin siya mahilig mag-foreplay gamit ang daliri. TAKE NOTE nasa 20’s pa lang kaming dalawa paano na lang kung mas tumanda pa kami?
Palaisipan na sa akin noon pa kung bakit hindi mahilig ang asawa ko sa ganitong paraan ng pagtatalik. Iyon bang may extra foreplay.
Laging pumapasok sa isip ko ang tanong na ito,
“Bakit hindi niya ako mahawakan ng matagal sa ibaba sa tuwing may nangyayari sa amin at ni hindi nga rin niya magawang bumisita sa ibaba?”
Ang nangyayari tuloy ay kahit hindi pa gaano basa ay pinagpipilitan nang maipasok. Kaya naman minsan ay talagang mahapdi ito sa pakiramdam.
Tila walang gana ang asawa ko sa pagkikipagtalik sa akin. | Larawan mula sa Shutterstock
Ayaw ko naman siyang ikumpara
Ayaw ko man siyang ikumpara ngunit sa mga dati kong nakarelasyon, tumatagal naman sila sa paghawak at pagsisid nito. Kaya talagang nagtataka ako at paminsan minsan nga ay naghihinala tungkol sa kasarian niya.
Kaya naman iyon ang sumasagi sa isip ko ay dahil nga nakuwento niya noon na may kabigan siyang bading at may nabasa rin ako sa dating convo nila. Pakiramdam ko na may iba talaga sa pag-uusap nila. Obvious na obvious na type siya nito.
Hindi ko kayang tanungin ang asawa ko kung bakit tila walang gana siya sa pakikipagtalik sa akin
Tinanong ko naman ang patungkol roon sa asawa ko, pero ang sabi niya wala raw ‘yon. Pero lumalim itong pag-o-overthink ko nang nakapanood ako ng kuwento ng dating mag-asawa na may tatlong anak pero nung lumaki na ‘yong mga anak nila ay saka naman nagladlad ang asawa nitong lalake ng totoo nitong kasarian.
Sumama sa lalake at tuluyan nang nagpakababae. Ayan ang eksaktong naiisip ko na pwedeng mangyari. Kaya natatakot ako at lagi ko siyang kinakausap kahit minsan pabiro. Pero sa loob-loob ko ay gusto ko talaga malaman ang totoo.
BASAHIN:
Mom confession: “Nagkaroon ako ng vaginal tear dahil sa rough sex with my husband.”
Ilang ang asawa ko na hawakan ako—minsan naiisip ko na baka bading siya. | Larawan mula sa Shutterstock
Pero bago pa man maging kami ay nagkaroon naman siya ng longtime girlfriend at inamin niyang may mga nangyari rin sa kanila.
Kung pwede nga lang ay tatanungin ko ‘yong babae kung ganun din ba sa kanya ‘yong asawa ko para mapanatag ako. Kaso hindi kayang kahihiyan ko at madadamay pa ang asawa ko at ending ay issue pa.
Hindi ko na alam kung sadyang kakaiba lang siya at ayaw niya sa mga ganung bagay o nasa akin ang mali. Ngunit sa pagkakaalam ko naman ang mga babae ay talaga namang matagal mag-orgasm kaysa sa lalaki. Kaya nga kailangan may foreplay muna bago ang bakbakan.
Pero lagi ko ring iniisip ang pinagsamahan naming dalawa
Gayunpaman, laging sumasagi sa isip ko lahat ng pinagsamahan naming dalawa. Pinapakita at pinaparamdam naman niya na mahal niya kami ng mga anak namin at araw-araw niya kaming pinagsisilbihan.
Iniisip ko na lang rin na tuwing ganun ang nangyayari ay baka pagod siya sa trabaho, takot na siyang makabuo, o naiilang siya sa ibang bagay na ‘di niya masabi sa akin.
Isa pa, ay hindi naman kami ganito dati, kung ano-ano rin ang mga nasubukan namin para mag-alab ang aming mga gabi.
Limang buwan pa lang ang nakakalipas nang nanganak ako sa pangalawa kong anak. Baka iyon ang dahilan kung bakit kung ano ano na lang ang pumapasok sa isip ko kahit malayo naman ito sa katotohanan.
Larawan mula sa Shutterstock
Nito lang mga araw ay may nag trending na palabas o pelikula. Sabay namin itong pinanood at nagkaroon kami ng munting oras na siya namang dahilan upang mas malinawan ako na mali ang mga negatibong iniisip ko tungkol sa asawa ko.
Napakaimportante talaga ng tiwala sa isa’t isa bilang mag-asawa. Hindi natin maituturing ang sex bilang natatanging batayan ng tunay na pagmamahal. Sapagkat marami pang bagay na pwedeng isaalang-ala at ika nga baka hindi ‘yon ang kanilang love language. Kung hindi mas higit pa doon tulad na lamang ng pagsisilbi, pagyakap o ‘di kaya naman ay pagbibigay ng regalo at marami pang iba.