Walang pasok March 9: Mga paaralan at lugar kung saan nagsuspinde na ng klase dahil sa banta ng COVID-19, alamin.
Walang pasok (March 9, 2020)
Nagsuspinde na ng klase sa lahat ng antas ang mga sumusunod na lungsod:
- Navotas City
- Pasay City
- Cainta, Rizal
- Taytay, Rizal
- San Juan City
- Marikina City
Suspindido naman ang klase hanggang March 11, 2020 sa Marikina City at hanggang March 10 naman ang Pasay City at Cainta, Rizal.
Ang mga sumusunod namang paaralan ay nag-abiso na rin na walang pasok:
- Manila Tytana Colleges
- Trinity University of Asia
- Bagong Lipunan Crame Elementary School and High School
- Assumption College (Hanggang March 10)
Mga bagong confirmed cases ng COVID-19
Kinumpirma na ng Department of Health na ang unang local case ng COVID-19 ay residente ng Cainta, Rizal. Siya ay 62 years old at ang kanyang asawa na 59 years old naman ay kumpirmado na ring positibo sa naturang sakit. Pareho na sila ngayong nasa Research Tropical Institute for Medicine sa Muntinlupa City at ang 62-year old na lalaki ay nasa kritikal ng kondisyon.
Bukod dito, isa pang kumpirmadong kaso ang naitala sa Taguig City kung saan isang 48-year old na lalaki na kamakailan lamang ay nanggaling ng Tokyo, Japan ang nag-positibo. Siya ay empleyado sa isang opisina sa Bonifacio Global City.
Bakit kailangang i-suspinde ang mga klase?
Hindi pa rin natutukoy hanggang ngayon ang accurate na paraan ng pagkakapasa ng COVID. Pero abiso ng DOH at WHO, iwasan ang mga crowded places dahil mataas ang risk na mahawaan ng sakit dito. Sa Pilipinas kung saan halos lahat ng lugar ay maaring maituring na “crowded place”, talaga namang mahirap sundin ang precautionary measure na ito.
Kaya naman narito ang pahayag ng ilang netizens tungkol sa pagsususpinde ng mga klase dahil sa COVID-19.
Screenshot from Twitter
Screenshot from Twitter
Paano makaiwas sa sakit
Sa kasalukuyan, mayroon ng 10 kumpirmadong kaso sa Pilipinas at dalawa rito ay kumpirmadong local transmission. Nagdudulot naman ito ng takot at pag-aalala sa mga magulang dahil nga ang kanilang anak ay maaring exposed sa naturang risk dahil sila ay pumapasok sa paaralan at kadalasan ay napupunta sa mga matataong lugar.
Ano nga ba ang mga bagay na maaaring gawin para maiwasang mahawaan ng sakit?
Ayon sa DOH at WHO, ito ang mga paraan upang maiwasang maihawa at maikalat ang coronavirus:
- Pag-praktis ng proper hygiene tulad ng palaging paghuhugas ng kamay gamit ang sabon at tubig na hindi bababa sa 20 segundo.
- Pagtakip sa ilong at bibig kapag umuubo.
- Pag-disinfect sa mga gamit o lugar sa bahay na nahawakan ng taong may sakit.
- Pagsusuot ng N95 mask kung lalabas sa matataong lugar.
- Pagluluto ng pagkain nang maayos lalo na ng mga karne ng hayop na pinaniniwalaang pinagmulan ng sakit.
- Pag-iwas sa unprotected contact sa mga farm o wild animals.
- Hindi muna pagpunta o pagbisita sa mga lugar na may kumpirmadong kaso ng sakit.
- Pagpapanatili ng malusog na katawan sa pamamagitan ng pagkain ng masustansya at pagtulog ng tama.
Maliban sa mga nabanggit na paraan ng pag-iwas, mahalagang sa oras na makaramdam ng sintomas ng COVID-19 ay magpakonsulta na agad sa iyong doktor. Upang ito ay agad na matukoy at maibsan ang mga sintomas na maaring lumala. At maging sanhi ng mas malalang sakit at pagkasawi kung hindi maagapan.
Samantala, manatiling naka-antabay sakaling mayroon pang mga lungsod o paaralan na magsuspinde ng klase ngayong araw.
SOURCE: GMA News, Manila Bulletin, CNN
BASAHIN: COVID-19: Paano maiiwasan ang sakit na ito ng iyong pamilya?