Winwyn Marquez, ibinahagi sa isang vlog ang rason kung bakit nananatiling nakatago ang identity ng kaniyang partner sa mga social media account.
Mababasa sa artikulong ito:
- Partner ni Winwyn Marquez, piniling itago ang kaniyang identity
- Rason kung bakit dapat pribado ang relasyon
Partner ni Winwyn Marquez, piniling itago ang kaniyang identity
Aktres na si Winwyn Marquez, ibinahagi ang dahilan sa likod ng pagtatago ng identity ng kaniyang partner.
Umani ng napakaraming komento mula sa mga netizen ang gender reveal ng kanilang baby na matatagpuan sa kaniyang Youtube channel. Karamihan sa mga ito ay blurred face ng kaniyang partner.
Dahil sa pangyayaring ito, naisipan nilang dalawa na gumawa ng video tungkol sa isyung ito. Sa Youtube channel ng aktres matatagpuan ang reaction video tungkol sa mga komento ng netizens ukol sa identity ng ama ng kaniyang dinadala.
Maraming assumptions at mga haka-haka ang tao tungkol sa kaniyang partner. May ilang nagsasabi na marahil kaya hindi ito nagpapakita ay dahil menor de edad pa lamang o kaya naman ito ay may ‘sabit’.
Paglilinaw naman ng dalawa, hindi age gap ang dahilan kung bakit piniling hindi ilabas ang identity ng kaniyang partner. Ayon sa kaniya, mas matanda ito ng dalawang taon sa kay Winwyn.
“Wala akong ibang anak, wala rin akong ibang asawa o partner,” naman ang natatawang tugon niya sa mga taong nagsasabi na mayroon siyang ‘sabit’.
Natatawa na lamang si Winwyn Marquez at ang kaniyang non-showbiz boyfriend dahil sa mga komento na kanilang nababasa mula sa mga netizen.
Larawan mula sa Instagram account ni Winwyn Marquez
“I found it funny,” ang sinabi at saloobin ng partner ni Winwyn ukol sa mga komento sa kaniya.
Dagdag pa niya, “Hindi naman ako showbiz”
Hindi umano nila pinipiling ipakita ang mukha ng kaniyang partner na ama ng kaniyang dinadala dahil pinipili nila ang privacy.
Nililnaw din ng aktres na hindi niya kinakahiya ang kaniyang partner at proud na proud din siya dito. Pagbabahagi niya,
“Proud na proud kaya ako! ‘Di siya pangit, F.Y.I. [for your information] gusto lang namin talagang naka-blurred for some type of privacy.”
Ito ang mensahe ni Winwyn para sa mga taong nagsasabi na hindi siya proud o hindi niya kayang ipagmalaki ang kasintahan sa harap ng publiko.
Larawan mula sa Instagram account ni Winwyn Marquez
Ayon pa sa aktres,
“Blurring his face on my videos and not posting him on my social media accounts is not a big deal for us.”
“It was a mutual decision na i-blurred muna ‘yong face niya,” sabi pa niya.
Para sa kanila, hindi ito ang basehan ng pagiging proud. “Masyadong shallow” kung ito lamang umano ang basehan para masabi mong ipinagmamalaki mo ang iyong nobyo, pagsasaad ni Winwyn.
BASAHIN:
Winwyn Marquez nagpositibo sa COVID habang buntis: “It was a scary experience and I never want to go through that again.”
LOOK: Winwyn Marquez’s gender reveal party para sa kaniyang first baby
Winwyn Marquez sa kaniyang pagbubuntis: “Me and my partner, we’re both so happy!”
Ibinahagi rin ng aktres na ang privacy na iniingatan nila ay sa mundo lamang ng social media. Dahil sa personal at kanilang paglabas-labas, hindi naman niya itinatago ang kaniyang boyfriend.
Nagkataon lamang umano na tayo ay nasa gitna pa rin ng pandemya kaya’t kailangan pa rin nilang magsuot ng face mask kapag lalabas. Subalit hindi ang itago ang mukha ng kaniyang kasintahan ang intensyon kung bakit nila ito ginagawa.
Sa huling bahagi ng video, ipinabatid niya sa mga netizen na darating din ang araw at pagkakataon na ire-reveal niya ang kaniyang partner, hindi pa lang sa ngayon. Ayon sa kaniya,
“Please do expect na naka-blurred pa din ‘yong mukha niya, but I’m so happy na he still want to be a part of this”
Samantala, pasasalamat naman ang paulit-ulit na sinasambit ng kaniyang partner para sa mga taong patuloy na sumusuporta kay Winwyn. Kung marami ang nai-intriga, marami din ang nakaka-intindi at sumusuporta.
Pagbabahagi pa ng partner ni Winwyn,
“Thankful lang din ako na ‘yong klase ng supporters na meron siya, very respectful.”
Larawan mula sa Instagram account ni Winwyn Marquez
3 rason kung bakit dapat pribado ang relasyon
Nakaka-inspire ang pagmamahal, ang magmahal, at ang mahalin. Kaya naman napakasarap ding ibahagi sa iba ang iyong magandang pagtingin sa iyong partner. Subalit mahalaga pa rin na maging mindful ka para sa inyong relasyon.
Hindi mo kailangan at dapat na isikreto ang inyong relasyon, narito ang ilang rason kung bakit mahalaga na i-maintain ang privacy sa inyong relasyon.
1. Ino-open ninyo ang sarili ninyo sa opinyon ng iba
Kapag marami ang nakakaalam tungkol sa mga isyu ng inyong relasyon. Malaki rin ang posibilidad na marami rin kayong opinyon at komento na maaaring matanggap mula sa iba.
Ang pagbibigay ng impormasyon mula sa inyong relasyon ay para na ring pagbibigay ng pahintulot sa iba na magbigay ng opinyon ukol sa inyo.
2. Hindi lahat ay magiging masaya para sa inyo
Nakakalungkot man, subalit hindi pare-pareho ang lahat ng tao. May ibang natutuwa, mayroon ding hindi natutuwa sa inyong relasyon.
Kung kakaunti lamang ang alam nila tungkol sa inyo, kaunti lang din ang kaya nilang sabihin tungkol at laban sa inyo.
3. Mas madaling magdesisyon
Habang ibinabahagi ninyo sa iba ang mga masasaya at kamangha-manghang mga araw sa inyong relasyon, binibigyan niyo rin sila ng access sa inyong relasyon.
Minsan ay nakakalimutan niyo na ang inyong relasyon ay sa pagitan lamang ninyong dalawa bilang mag-partner. Kaya naman sa mga desisyon na inyong ginagawa, madalas kayo ay nahihirapan dahil kinakailangan ninyong i-consider ang mga tao na may alam tungkol sa inyong relasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
