Mas magaling nga ba ang mga tactic ng women leaders sa coronavirus kaysa sa iba? Ano nga ba ang gumana para sa mga bansang ito na mabilis naka-recover sa pandemya?
Women leaders coronavirus
New Zealand, Germany, Taiwan at Denmark. Ilan lang ito sa mga bansang unang umayos ang sitwasyon laban sa COVID-19. Ano nga ba ang pinagkapare-pareho nila? Women leaders.
New Zealand
Image from The NY Times
Bukod sa napakagandang ehemplo ng leadership ni PM Jacinda, idineklara na COVID-free ang New Zealand nitong Hunyo lamang. Itinaas na ang lahat ng restrictions sa bansa katulad ng social distancing. Hindi na rin ipinagbabawal ang mga gatherings ngunit nananatiling nakasara para sa mga foreigners ang bansa.
Ayon sa Prime Minister, sustained effort ang kanilang ginawa upang ma-flatten ang curve. Noong Marso 25 sila nagdeklara ng lockdown at tinawag nila itong four-stage alert system. Ang lockdown period ay nakapaloob sa Level 4 at noong April ay binaba na ito sa Level 3 pagkatapos ng limang linggo.
Germany
Ang Germany na parte ng European Union ay isa sa mga may pinakamabababang kaso ng deaths due to COVID. Ito ay dahil sa pamumuno ni Angela Merkel. Dahil mayroon siyang doctorate sa quantum chemistry, naging malinaw at scientific ang paliwanag niya sa pandemya. Dahil dito naintindihan din ng mga mamamayan sa Germany kung bakit kinakailangan ang lockdown.
Taiwan
Image from The NY Times
Katulad ng lider ng New Zealand, warm at authoritative ang style ng pamumuno ni PM Tsai Ing-Wen. Hindi kinailangang mag-lockdown sa bansa dahil nagkaroon sila kaagad ng 124 na control at contain measures sa ilang linggo pa lamang na nagsisimula ang pandemya. Dahilan para magkaroon lamang ng 6 recorded deaths sa Taiwan.
Ngayon ay tumutulong din sila sa mga bansang lubhang apektado ng COVID tulad ng US at Europe sa pamamagitan ng pagbigay ng mga face masks.
Denmark
Prevention naman ang naging tactic ng Denmark sa pagpuksa sa pandemya. Naging fair umano ang leader nilang si Mette Frederiksen dahil kaagad niyang ipinasara ang mga borders noong Marso pa lamang. Kasunod nito ay ipinasara rin muna ang mga paaralan sa kanila at ipinagbawal ang mga gatherings.
Nagresulta ito ng kaunting kaso ng COVID sa Denmark at mayroon lamang 8,000 confirmed cases at 370 deaths doon.
Sitwasyon ng Pilipinas sa pandemya
Image from Freepik
Sa kasalukuyan ay mayroon ng 25,930 confirmed cases ng COVID dito sa Pilipinas at umabot na ng 1,088 ang death toll. Umakyat naman sa 5,954 ang mga naka-recover, ngunit patuloy ang pagtaas ng mga kaso kada araw ng mahigit 300 fresh cases.
Ngayon ay 15 days na rin ang nakalipas mula binaba ang Enhanced Community Quarantine sa NCR at isinailalim ito sa General Community Quarantine.
Sa ilalim ng GCQ, pinapayagan na ang mga public and private sectors na mag-operate muli. Ito ay basta sumusunod sila sa 50-50 workforce policy.
Umaabot sa 100,000 katao ang mga daily commuters sa Metro Manila. Dahilan para lalong tumaas ang risk ng COVID para sa kanila.
Gayunpaman, ipinagbabawal pa rin ang pagpasada ng mga jeep, pati na rin ang motorcycle-hailing ride na Angkas. Halos 2,000 Grab at taxi drivers naman na ang pinayagan ng LTFRB na magbalik pasada. Ngunit strikto nilang ipinapatupad ang social distancing kahit sa loob ng sasakyan.
Source:
NY Times, The Guardian, Rappler
Basahin:
New Zealand, COVID-free na! Prime minister, isa rin palang super mom