Welcome to the Christian world, Ziggy Dantes!
Bininyagan na nga ang baby Ziggy nila Dingdong Dantes at Marian Rivera kahapon ng Linggo, ika-28 ng Hulyo sa St. Alphonsus Mary de Liguori Parish Church, Makati City.
Pinangasiwaan ni Father Tito Caluag ang nagagap na binyag ng Dong-Yan.
“Welcome to the Christian world”
Masaya ngang ipinagdiwang ng Team Dantes—Dingdong, Marian, at ang panganay nilang si Zia ang binyag ng kanilang baby Ziggy.
Sa naturang Instagram post nga ng Kapuso actress Marian Rivera aniya, “Welcome to the Christian World mahal ko. Te quiero mucho Mi Hijo! ❤️ #SalamatAmaSaBiyayaAtPagpapala 🙏🏻”
Ninong at ninang
May mga ilang kilalang personalities ang ginawang godparents ni Ziggy Dantes.
Isa nga sa mga naging ninong ni Ziggy ay ang ABS-CBN host na si Kuya Kim Atienza na mahilig din sa motorbikes tulad nga ni Dingdong Dantes.
Ani nga ni Kuya Kim sa kaniyang Instagram post, “May the Lord continue to shine His face on you baby Sixto! Welcome to the Christian world!”
Ninong din ang Kapuso actor na si Paolo Contis, kung saan kasama niyang dumalo ang kaniyang pamilya—LJ Reyes, Aki, at baby Summer.
Kung mapapansin din sa Instagram stories ng aktor na si Paolo, dumalo rin si Richard Gutierrez na isa rin sa mga ninong ni Ziggy Dantes. Magkumpare na ngang buo si Dong at Chard, sapagkat inaanak naman ni Dong ang bunsong anak ni Chard na si Kai.
Ninong rin ang GMA-7 comedian na si Boobay at ang TV commercial director na si Sid Maderazo.
Double celebration
Sa reception ng binyag ni baby Ziggy, neon-themed nga ang napiling theme para dito at ginanap ito sa Versus Barcade.
Naging double celebration din ito para kay Dingdong Dantes na magbi-birthday sa ika-2 ng Agosto, kung saan mag-39 years old na siya.
Ilan pa sa mga dumalo sa naturang pagdiriwang ay ang opera singer, actress, at producer na si Ana Feleo, celebrity event planner na si Teena Barretto—na mismong nangasiwa ng reception ni baby Ziggy, make-up artist at hairstylist na si Bambi Fuentes.
Basahin: Marian Rivera, nag-donate ng breast milk sa mga preemie babies